പകുതിയോളം കുട്ടികളിൽ പോഷകക്കുറവ്, മൂന്നിലൊന്ന് ആളുകള്‍ക്കും ആഹാരമില്ല; അഫ്ഗാനിലെ സ്ഥിതിയിൽ ആശങ്ക അറിയിച്ച് യുഎൻ

സെപ്റ്റംബറോടെ സ്റ്റോക്ക് അവസാനിക്കും

ദശലക്ഷക്കണക്കിന് വരുന്ന അഫ്ഗാൻ പൗരന്മാരുടെ അതിജീവനത്തിനായി കൂടുതൽ ഫണ്ടിങ് ആവശ്യമാണെന്നും അദ്ദേഹം പറഞ്ഞു. ആവശ്യമായ ഭക്ഷണം ശേഖരിക്കുന്നതിനായി 20 കോടി യുഎസ് ഡോളര്‍ എത്രയും വേഗം ലഭ്യമാക്കണമെന്നും യുഎൻ ആവശ്യപ്പെട്ടു.

സെപ്റ്റംബര്‍ മാസത്തോടെ വേൾഡ് ഫുഡ് പ്രോഗ്രാമിന്റെ ഭക്ഷണ വിതരണം പൂര്‍ണമായും നിലയ്ക്കുമെന്നും അദ്ദേഹം പറഞ്ഞു.

കുട്ടികളിൽ പോഷകാഹാരക്കുറവ്

അഫ്ഗാനിസ്ഥാനിൽ അഞ്ചു വയസിന് താഴെയുള്ള പകുതിയിലധികം കുട്ടികളും അങ്ങേയറ്റം പോഷകാഹാരക്കുറവ് അനുഭവിക്കുന്നു. മൂന്നിലൊന്ന് പൗരന്മാര്‍ക്കും ആവശ്യത്തിന് ഭക്ഷണം ഇല്ലയെന്നും യുഎൻ റിപ്പോര്‍ട്ട് ചെയ്യുന്നു. കാബൂൾ വിമാനത്താവളത്തില്‍ കഴിയുന്ന 800 കുട്ടികളുടെ അടക്കം സംരക്ഷണം യുഎൻ ആണ് നൽകിവരുന്നത്. ഇവര്‍ക്കാവശ്യമായ വെള്ളവും മറ്റു അടിസ്ഥാന സേവനങ്ങളും യുഎൻ ആണ് എത്തിക്കുന്നത്.

വൻ ദുരന്തം

അഫ്ഗാനിസ്ഥാന് ആവശ്യമായ വസ്തുക്കള്‍ എത്തിക്കാത്ത പക്ഷം വൻ ദുരന്തങ്ങളിലേക്കാകും രാജ്യം നീങ്ങുക എന്നും അദ്ദേഹം മുന്നറിയിപ്പ് നൽകുന്നുണ്ട്. ആഹാരം, ആരോഗ്യം, സംരക്ഷണ സേവനങ്ങള്‍, ഭക്ഷ്യേതര സേവനങ്ങള്‍ എന്നിവ നൽകി പിന്തുണയ്ക്കുക എന്നതും വളരെ പ്രധാനപ്പെട്ട കാര്യമാണെന്നും കാബൂളിൽ നിന്നും സംസാരിക്കവെ റമീസ് അലക്ബറോവ് പറഞ്ഞു.

മരുന്നും ആഹാരവും എത്തിച്ചത് യുഎൻ

അടുത്ത ദിവസങ്ങളില്‍ അഫ്ഗാനിസ്ഥാനിലേക്ക് രണ്ട് വഴികളിലൂടെയാണ് യുഎൻ ഭക്ഷണവും മരുന്നും എത്തിച്ചിരുന്നത്. വടക്കൻ അഫ്ഗാനിസ്ഥാനിലെ മസര്‍ ഐ ഷെരീഫ് വിമാനത്താവളത്തിലൂടെ മരുന്നുകളും പാകിസ്ഥാന്‍ അതിര്‍ത്തിയിലൂടെ 600 മെട്രിക് ടൺ ആഹാരവും അഫ്ഗാനിസ്ഥാനിലേക്ക് യുഎൻ എത്തിച്ചിരുന്നു.