‘കശ്മിരി മുസ്ലീങ്ങളുടെ അവകാശങ്ങള്‍ക്ക് വേണ്ടി സംസാരിക്കാൻ അവകാശമുണ്ട്’; നിലപാട് മാറ്റി താലിബാൻ

ന്യൂഡൽഹി: കശ്മീര്‍ വിഷയത്തിൽ നിലപാട് മാറ്റവുമായി താലിബാൻ. കശ്മീരിലെ മുസ്ലീങ്ങള്‍ക്ക് വേണ്ടി സംസാരിക്കാൻ തങ്ങള്‍ക്ക് അവകാശമുണ്ടെന്ന് താലിബാൻ വക്താവ് സുഹൈൽ ഷഹീദ് വ്യക്തമാക്കുകയായിരുന്നു.



ഇന്ത്യയും പാകിസ്ഥാനുമായി ഒരു സൗഹൃദ ബന്ധം ആഗ്രഹിക്കുന്നുവെന്ന് പറഞ്ഞിട്ട് ദിവസങ്ങൾക്ക് ശേഷമാണ് താലിബാൻ നേതൃത്വം നിലപാട് മാറ്റിയത്. ബിബിസിക്ക് അനുവദിച്ച അഭിമുഖത്തിലാണ് താലിബാൻ വക്താവ് ഇക്കാര്യം വ്യക്താക്കുന്നത്.

Also Read : പകുതിയോളം കുട്ടികളിൽ പോഷകക്കുറവ്, മൂന്നിലൊന്ന് ആളുകള്‍ക്കും ആഹാരമില്ല; അഫ്ഗാനിലെ സ്ഥിതിയിൽ ആശങ്ക അറിയിച്ച് യുഎൻ

“കശ്മീരിലും ഇന്ത്യയിലോ മറ്റേതെങ്കിലും രാജ്യത്തും മുസ്ലീങ്ങള്‍ക്കും വേണ്ടി ശബ്ദമുയര്‍ത്താൻ ഒരു മുസ്ലീങ്ങളായതിനാൽ അവകാശമുണ്ട്”. താലിബാൻ വക്താവ് ബിബിസിയോട് പറഞ്ഞു.

ഞങ്ങൾ ശബ്ദം ഉയർത്തുകയും മുസ്ലീങ്ങൾ നിങ്ങളുടെ സ്വന്തം ജനങ്ങളാണെന്ന് പറയുകയും ചെയ്യും അത് നിങ്ങളുടെ പൗരന്മാരാണെങ്കിലും എന്നും അഭിമുഖത്തിൽ പറയുന്നുണ്ട്.

അഭിമുഖവുമായി ബന്ധപ്പെട്ട് ഇന്ത്യയുടെ ഭാഗത്തു നിന്നും ഔദ്യോഗിക പ്രതികരണങ്ങള്‍ ഒന്നും ഇതുവരേയും ഉണ്ടായിട്ടില്ല. അടുത്തിടെ ഇന്ത്യയുടെ വിദേശകാര്യ വക്താവ് താലിബാൻ വക്താവുമായി ചർച്ചകൾ നടത്തിയിരുന്നു. അഫ്ഗാനിസ്ഥാന്റെ മണ്ണ് ഇന്ത്യൻ വിരുദ്ധ പ്രവർത്തനങ്ങൾക്കും ഭീകരവാദത്തിനും ഉപയോഗിക്കരുതെന്ന് ഇന്ത്യ ആശങ്ക അറിയിച്ചിരുന്നു.

Also Read : ‘കോടിക്കണക്കിന് ആളുകളെക്കൊണ്ട് ലൂസിഫര്‍ എന്ന പേര് പറയിപ്പിച്ചു’; ഈശോയ്ക്ക് പിന്നാലെ പുതിയ വിവാദം

ചര്‍ച്ചകൾക്ക് പിന്നാലെ കശ്മീര്‍ വിഷയം തങ്ങളുടെ അധികാരപരിധിയിൽ വരുന്നതല്ലെന്നും ഇക്കാര്യത്തിൽ ഇടപെടാൻ താത്പര്യമില്ലെന്നും താലിബാൻ നേതാവ് അനസ് ഹഖാനി വ്യക്തമാക്കിയിരുന്നു.

താലിബാൻ ശക്തിപ്പെടുന്നതോടെ ജമ്മു കശ്മീരിൽ ഭീകരത ശക്തിപ്പെടുമെന്ന ആശങ്കകള്‍ക്കിടെയാണ് താലിബാൻ നേതാവിൻ്റെ പ്രസ്താവന ഉണ്ടായിരുന്നത്. അഫ്ഗാനിസ്ഥാനിലെ പുതിയ താലിബാൻ ഭരണകൂടം ഇന്ത്യയുമായി നല്ല ബന്ധമാണ് ആഗ്രഹിക്കുന്നതെന്നും അനസ് ഹഖാനി പറഞ്ഞതായി സിഎൻഎൻ – ന്യൂസ് 18 റിപ്പോര്‍ട്ട് ചെയ്തിരുന്നു.

മുൻപ് താലിബാൻ മുതിര്‍ന്ന നേതാവായ ശേര്‍ മുഹമ്മദ് അബ്ബാസ് സ്റ്റാനിക്സായിയും സമാനമായ പ്രസ്താവന നടത്തിയിരുന്നു. ഇതിന് പിന്നാലെയാണ് ആശങ്ക ഉയര്‍ത്തി പുതിയ പ്രസ്താവന വന്നിരിക്കുന്നത്.

ജമ്മു കശ്മീരിൽ സജീവമായി ഇടപെടുന്ന അൽ ഖ്വയ്‍ദയും ജെയ്ഷെ മുഹമ്മദുമായും താലിബാൻ ഇപ്പോഴും ബന്ധം പുലര്‍ത്തുന്നുണ്ടെന്നാണ് റിപ്പോര്‍ട്ടുകള്‍. ജമ്മു കശ്മീരിൽ ഭീകരത ശക്തിപ്പെടുത്താനായി ജെയ്ഷെ മുഹമ്മദ് നേതാക്കള്‍ താലിബാനുമായി ചര്‍ച്ച നടത്തിയെന്നു കഴിഞ്ഞ ദിവസം വിവിധ ദേശീയമാധ്യമങ്ങളാണ് റിപ്പോര്‍ട്ട് ചെയ്യുന്നത്.

Also Read : ബിജെപി സംസ്ഥാനത്ത് വളർച്ചയില്ല, പക്ഷെ ദുര്‍ബലമായിട്ടില്ല, പ്രതിരോധിക്കണം; 9 മണ്ഡലങ്ങളിലെ വളര്‍ച്ച ഗൗരവകരമെന്ന് സിപിഎം റിപ്പോര്‍ട്ട്

അൽ ഖ്വയ്ദയുമായി താലിബാൻ ബന്ധപ്പെടരുതെന്ന യുഎസ് സമാധാനക്കരാറിലെ നിര്‍ദേശം താലിബാൻ അംഗീകരിച്ചിട്ടുണ്ടെന്നും ഇരു സംഘടനകളും തമ്മിൽ ഇപ്പോഴും ബന്ധമുണ്ടെന്നാണ് ഐക്യരാഷ്ട്രസഭാ ഏജൻസികള്‍ അടക്കം സ്ഥിരീകരിക്കുന്നത്.

അഫ്ഗാനിസ്ഥാനെ “സ്വതന്ത്രമാക്കിയതിൽ” താലിബാനെ അഭിനന്ദിച്ച് പ്രസ്താവന പുറത്തിറക്കിയ അൽ ഖ്വയ്ദ കശ്മീര്‍ അടക്കമുള്ള ഭൂപ്രദേശങ്ങളും പിടിക്കാൻ താലിബാനെ സ്വാഗതം ചെയ്തിരുന്നു. ഇതിനിടയിലാണ് പുതിയ റിപ്പോര്‍ട്ടുകള്‍ പുറത്തു വരുന്നത്.