Gokul Murali | Samayam Malayalam | Updated: Sep 3, 2021, 4:22 PM
20 സെന്റിമീറ്റര്‍ വീതിയിൽ രണ്ട് കിലോയിലധികം ഭാാരമുള്ള മുടിയാണ് വയറ്റിൽ നിന്നും കണ്ടെത്തിയത്. കടുത്ത വയറുവേദനയും ഛർദ്ദിയുമായാണ് പെൺകുട്ടി ആശുപത്രിയിൽ എത്തിയത്. സി ടി സ്കാൻ നടത്തി പരിശോധിച്ചപ്പോളും വലിയ മുഴ കാണുകയായിരുന്നു.
പ്രതീകാത്മക ചിത്രം
ഹൈലൈറ്റ്:
- 20 സെന്റിമീറ്റര്‍ വീതിയിൽ രണ്ട് കിലോയിലധികം ഭാാരമുള്ള മുടിയാണ് വയറ്റിൽ നിന്നും കണ്ടെത്തിയത്
- കടുത്ത വയറുവേദനയും ഛർദ്ദിയുമായാണ് പെൺകുട്ടി ആശുപത്രിയിൽ എത്തിയത്
- സി ടി സ്കാൻ നടത്തി പരിശോധിച്ചപ്പോളും വലിയ മുഴ കാണുകയായിരുന്നു
ലഖ്നൗ: പ്രായപൂര്‍ത്തിയാകാത്ത പെൺകുട്ടിയുടെ വയറ്റിൽ നിന്നും ഡോക്ടര്‍മാര്‍ കണ്ടെത്തിയത് രണ്ട് കിലോയോളം വരുന്ന മുടി. ഉത്തര്‍ പ്രദേശിലെ ബൽറാംപൂരിലുള്ള ആശുപത്രിയിലാണ് സംഭവമുണ്ടായത്.
Also Read : പകുതിയോളം കുട്ടികളിൽ പോഷകക്കുറവ്, മൂന്നിലൊന്ന് ആളുകള്‍ക്കും ആഹാരമില്ല; അഫ്ഗാനിലെ സ്ഥിതിയിൽ ആശങ്ക അറിയിച്ച് യുഎൻ
കഴിഞ്ഞ രണ്ട് വര്‍ഷമായി പെൺകുട്ടി ക്ഷീണിച്ച് വരികയായിരുന്നു. അതിനിടെ ഇവര്‍ക്ക് മുടി കൊഴിച്ചിലും ഉണ്ടായിരുന്നതായി ശ്രദ്ധിച്ചിരുന്നു. അതിനിടെ കഴിഞ്ഞ് 10 ദിവസത്തിന് മുന്നെ പെൺകുട്ടിക്ക് കടുത്ത വയറുവേദനയും ഛർദ്ദിയും അനുഭവപ്പെടുകയായിരുന്നു. ഉടനെ തന്നെ പെൺകുട്ടിയെ ബൽറാംപൂര്‍ ആശുപത്രിയിലേക്ക് കൊണ്ടുപോകുകയും ചെയ്തു.
ബൽറാംപൂര്‍ ആശുപത്രിയിലെ ശസ്ത്രക്രിയാ വിഭാഗത്തിലെ ഡോ. എസ് ആർ സമന്ദര്‍ പരിശോധിക്കുകയും ചെയ്തു. അൾട്രാസൗണ്ട് സ്കാനിലൂടെ നടത്തിയ പരിശോധനയിൽ പെൺകുട്ടിയുടെ വയറ്റിൽ ഒരു മുഴ കാണപ്പെട്ടു. തുടർന്ന് സി ടി സ്കാൻ നടത്തി പരിശോധിച്ചപ്പോളും വലിയ മുഴ കാണുകയായിരുന്നു.
Also Read : ‘കോടിക്കണക്കിന് ആളുകളെക്കൊണ്ട് ലൂസിഫര്‍ എന്ന പേര് പറയിപ്പിച്ചു’; ഈശോയ്ക്ക് പിന്നാലെ പുതിയ വിവാദം
തുടർന്ന് എൻഡോസ്കോപ് പരിശോധനയിലാണ് വയറ്റിലുള്ളത് മുടിയാണെന്ന് കണ്ടെത്തിയത്. 20 സെന്റിമീറ്റര്‍ വീതിയിൽ രണ്ട് കിലോയിലധികം ഭാാരമുള്ളതാണെന്നും മനസ്സിലാക്കി.
രണ്ട് മണിക്കൂറോളം നീണ്ടു നിന്ന ശസ്ത്രക്രിയക്ക് ഒടുവിലാണ് വയറ്റിൽ നിന്നും മുടി നീക്കിയത്. 17-കാരി അപൂർവമായ ട്രൈക്കോബെസോവർ എന്ന രോഗത്താൽ ബുദ്ധിമുട്ടുകയായിരുന്നു. രോഗി സ്വന്തം മുടി പറിച്ചെടുത്ത് കഴിക്കുകയായിരുന്നു. ജനിച്ചപ്പോള്‍ മുതൽ പെൺകുട്ടിക്കുണ്ടായിരുന്ന മാനസികാസ്വാസ്ഥമാണ് ഇതിന് കാരണമെന്നും ഡോക്ടര്‍മാര്‍ പറയുന്നു.
പെൺകുട്ടി വര്‍ഷങ്ങളോളമായി കഴിച്ച മുടി വയറ്റിൽ ഒരു കെട്ടായി മാറുകയായിരുന്നു. ഇത് ആമാശയത്തിൽ നിന്നും ചെറുകുടലിലേക്കുന്ന വഴിയും ഇതോടെ തടസപ്പെട്ടു. ഇതോടെയാണ് ഭക്ഷണം കഴിക്കാൻ പെൺകുട്ടിക്ക് ബുദ്ധിമുട്ട് അനുഭവിച്ച് തുടങ്ങിയത്. മുടി കാരണം ഭക്ഷണം ദഹിക്കാതെ കിടിക്കുകയായിരുന്നു.
ശസ്ത്രക്രിയയിലൂടെ മാത്രമേ ഇത് ചികിത്സിക്കാൻ സാധിക്കു എന്ന് ഡോക്ടര്‍ അറിയിക്കുകയായിരുന്നു. ഇതോടെ 17 കാരിയുടെ ശരീരഭാരം 32 കിലോയിലേക്ക് കുറയുകയും ചെയ്തു.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : up teenage girl to eat hair for years and doctors remove 2 kg from stomach
Malayalam News from malayalam.samayam.com, TIL Network
