കാണാതായ വീട്ടമ്മയുടെ മൃതദേഹം അയൽവാസിയുടെ അടുക്കളയിൽ കുഴിച്ചിട്ട നിലയിൽ

അടിമാലി: മൂന്നാഴ്ച മുമ്പ് കാണാതായ വീട്ടമ്മയുടെ മൃതദേഹം അയൽവാസിയായ യുവാവിന്‍റെ വീട്ടില്‍ കുഴിച്ചിട്ടനിലയില്‍ കണ്ടെത്തി. കാമാക്ഷി സ്വദേശിനിയായ സിന്ധുവിന്‍റെ മൃതദേഹമാണ് പണിക്കന്‍കുടി സ്വദേശിയായ മാണിക്കുന്നേൽ ബിനോയിയുടെ വീട്ടില്‍ നിന്ന് കണ്ടെത്തിയതെന്ന് വിവിധ മാധ്യമങ്ങൾ റിപ്പോർട്ട് ചെയ്തു. 25 ദിവസം മുമ്പാണ് നാൽപ്പത്തിയഞ്ചുകാരിയായ സിന്ധുവിനെ കാണാതെയായത്.



ബിനോയിയുടെ വീട്ടിലെ അടുക്കളയിൽ കുഴിച്ചിട്ട നിലയിലാണ് മൃതദേഹം കണ്ടെത്തിയത്. ബിനോയ് ഒളിവിലാണെന്നും ഇയാൾക്കായി പോലീസ് തെരച്ചിൽ നടത്തിവരികയാണെന്നുമാണ് റിപ്പോർട്ട്. മകളെ കാണാതെയായതിന് പിന്നാലെ സിന്ധുവിന്‍റെ അമ്മ വെള്ളത്തൂവൽ പോലീസിൽ പരാതി നൽകുകയായിരുന്നു.

Also Read : ‘അതൊന്നും വേണ്ടാ’; ‘ അച്ചടക്കം മുന്‍കാലപ്രാബല്യത്തോടെയെങ്കിൽ ഇവരിൽ എത്രപേർ കോൺഗ്രസിൽ ഉണ്ടാകും ‘ : നേതൃത്വത്തിനെതിരെ ആഞ്ഞടിച്ച് ചെന്നിത്തല



ഇതിന് പിന്നാലെ ബിനോയി ഒളിവിൽ പോയതോടെ സിന്ധുവിന്‍റെ തിരോധനത്തിന് പിന്നിൽ ഇയാൾക്ക് പങ്കുണ്ടെന്ന് ബന്ധുക്കൾ സംശയം ഉന്നയിക്കുകയായിരുന്നു. ഇതോടെ ബിനോയിയെ കണ്ടെത്താൻ പോലീസ് അന്വേഷണം നടത്തിവരുന്നതിനിടെയാണ് വീട്ടില്‍നിന്ന് സിന്ധുവിന്‍റെ മൃതദേഹം കണ്ടെത്തിയത്.

മൃതദേഹം സിന്ധുവിന്‍റേതാണെന്ന് ബന്ധുക്കൾ തിരിച്ചറിഞ്ഞതായാണ് റിപ്പോർട്ട്. ബിനോയ് തന്നെയാകാം വീട്ടിനുള്ളിൽ മൃതദേഹം കുഴിച്ചിട്ടതെന്നാണ് പോലീസ് സംശയിക്കുന്നത്. ഇന്ന് ഉച്ചയോടെയാണ് ഇവരുടെ മൃതദേഹം ബിനോയിയുടെ വീട്ടിൽ നിന്ന് കണ്ടെത്തിയത്. കഴിഞ്ഞ 12 മുതലാണ് ഇവരെ കാണാതെയായത് .

Also Read : ‘ കോൺഗ്രസിൽ കഴിവുള്ള വനിതകൾ ഇല്ലാഞ്ഞിട്ടാണോ ? ഷാനിമോളെയും പത്മജയെയും എന്തുകൊണ്ട് പരിഗണിച്ചില്ല ? ‘ ഡിസിസി പട്ടികയ്ക്കെതിരെ ലതിക സുഭാഷ്

ഭര്‍ത്താവുമായി പിണങ്ങി പണിക്കന്‍കുടിയിലെ വാടകവീട്ടിലായിരുന്നു സിന്ധു താമസിച്ചിരുന്നത്. ബിനോയിയും സിന്ധുവും തമ്മില്‍ അടുപ്പത്തിലായിരുന്നു എന്നാണ് മാതൃഭൂമി ന്യൂസ് റിപ്പോർട്ട് ചെയ്യുന്നത്. എന്നാൽ അടുത്തിടെ ഇരുവരും തമ്മിൽ പ്രശ്നങ്ങൾ ആരംഭിക്കുകയായിരുന്നെന്നും റിപ്പോർട്ടിലുണ്ട്.

Also Read : ബിജെപി സംസ്ഥാനത്ത് വളർച്ചയില്ല , പക്ഷെ ദുര്‍ബലമായിട്ടില്ല , പ്രതിരോധിക്കണം; 9 മണ്ഡലങ്ങളിലെ വളര്‍ച്ച ഗൗരവകരമെന്ന് സിപിഎം റിപ്പോര്‍ട്ട്



സിന്ധുവിനെ ബിനോയ് ഉപദ്രവിച്ചിരുന്നെന്ന് അമ്മ നൽകി പരാതിയിലും ഉണ്ടെന്ന് റിപ്പോർട്ടുകൾ പറയുന്നു. സിന്ധുവിനെ കാണാതായതുമായി ബന്ധപ്പെട്ട് പോലീസ് അന്വേഷണം ആരംഭിച്ചതോടെ ബിനോയ് സിന്ധുവിന്‍റെ മകനെ ബന്ധുവീട്ടില്‍ ഏല്‍പ്പിച്ചശേഷം നാടുവിടുകയായിരുന്നെന്നാണ് റിപ്പോർട്ട്. ഇയാളെ കണ്ടെത്താന്‍ അയല്‍സംസ്ഥാനങ്ങളിലേക്കും പോലീസ് അന്വേഷണം വ്യാപിപ്പിച്ചിട്ടുണ്ടെന്നും റിപ്പോർട്ടുകൾ പറയുന്നു .