‘അഹങ്കാരം കാണിച്ചാൽ ഇരുട്ടടി തരും, കടപ്പുറത്ത് നഗ്നനായി നടത്തിക്കും’; കൊച്ചി മേയര്‍ക്ക് താലിബാന്റെ ഭീഷണിക്കത്ത്

കൊച്ചി: കൊച്ചി മേയര്‍ എം അനിൽകുമാറിന് താലിബാന്റെ പേരിൽ ഭീഷണിക്കത്ത്. ബിൻലാദന്റെ അടക്കം ചിത്രം പതിച്ച കത്താണ് വന്നിരിക്കുന്നത്. കൊച്ചി കടപ്പുറത്ത് നഗ്നനായി നടത്തുമെന്നുമെല്ലാം കത്തിൽ പറയുന്നുണ്ട്.



Also Read : പകുതിയോളം കുട്ടികളിൽ പോഷകക്കുറവ്, മൂന്നിലൊന്ന് ആളുകള്‍ക്കും ആഹാരമില്ല; അഫ്ഗാനിലെ സ്ഥിതിയിൽ ആശങ്ക അറിയിച്ച് യുഎൻ

മേലിൽ പത്ര മാധ്യമങ്ങളില്‍ തന്റെ ഫോട്ടോ കണ്ടുപോകരുത് എന്നും. മേയര്‍ എന്ന നിലയിൽ വികസന പ്രവര്‍ത്തനങ്ങള്‍ നടപ്പാക്കു. പത്രങ്ങളില്‍ ഫോട്ടോ കൊടുത്ത് അഹങ്കാരം കാണിച്ചാൽ ഇരുട്ടടി കിട്ടുമെന്നും കൈകാലുകള്‍ അടിച്ച് ഒതുക്കുമെന്നും കത്തിൽ പറയുന്നു. ചീഫ് കമാന്റര്‍ ഓഫ് താലിബാൻ, ഫക്രുദിൻ അൽത്താനി എന്ന പേരിലാണ് കത്ത്.

Also Read : ‘കോടിക്കണക്കിന് ആളുകളെക്കൊണ്ട് ലൂസിഫര്‍ എന്ന പേര് പറയിപ്പിച്ചു’; ഈശോയ്ക്ക് പിന്നാലെ പുതിയ വിവാദം

മലയാളത്തിൽ എഴുതി കോഴിക്കോട്ടുനിന്നു രജിസ്റ്റേർഡ് പോസ്റ്റായി അയച്ച കത്ത് ബുധനാഴ്ചയോടെയാണ് മേയര്‍ക്ക് കിട്ടിയത്.

സംഭവത്തിൽ സിറ്റി പോലീസ് കമ്മീഷണര്‍ക്ക് എൽ ഡി എഫ് പരാതി നൽകി. എൽ ഡി എഫ് പാര്‍ലമെന്ററി പാര്‍ട്ടി സെക്രട്ടറി ബെനഡിക്ട് ഫെര്‍ണാണ്ടസാണ് പരാതി നൽകിയിരിക്കുന്നത്.

Also Read : ബിജെപി സംസ്ഥാനത്ത് വളർച്ചയില്ല, പക്ഷെ ദുര്‍ബലമായിട്ടില്ല, പ്രതിരോധിക്കണം ; 9 മണ്ഡലങ്ങളിലെ വളര്‍ച്ച ഗൗരവകരമെന്ന് സിപിഎം റിപ്പോര്‍ട്ട്

കത്തിലുടനീളം അസഭ്യവാക്കുകള്‍ ഉപയോഗിച്ചിട്ടുണ്ട്. കൊച്ചി സിറ്റി പോലീസ് കമ്മീഷണര്‍ക്ക് കത്ത് കൈമാറി. അൽഖ്വയിദ ഭീകരൻ ബിൻ ലാദന്റെയും ഇപ്പൊ താലിബാന്റെ നേതാക്കളുടേയും ചിത്രം ഉൾക്കൊള്ളിച്ചിട്ടുണ്ട്. താലിബാനെ പിന്തുണയ്ക്കുന്ന ആളുകളാണോ ഇതിന് പിന്നിൽ എന്നാണ് സംശയിക്കുന്നത്. അതോ വ്യക്തി വൈരാഗ്യം തീർക്കാൻ ആരെങ്കിലും താലിബാന്റെ പേര് ഉപയോഗിച്ചതാണോ എന്നാണ് അന്വേഷിക്കുന്നത്.