ചര്‍മത്തിന് വേണ്ടത്ര ശുശ്രൂഷകള്‍ ആവശ്യമാണ്. പ്രത്യേകിച്ചും പ്രായമെത്തുമ്പോള്‍ ചര്‍മത്തില്‍ കുത്തുകളും പാടുകളും ചുളിവുകളുമെല്ലാം ഉണ്ടാകാന്‍ സാധ്യതയേറെയാണ്. ഇതു പോലെ തന്നെ ചര്‍മത്തിന്റെ തിളക്കം കുറയാനും കരുവാളിപ്പ് മാറാനുമെല്ലാം. ഇത്തരം പല പ്രശ്‌നങ്ങള്‍ക്കുമായി ഉപയോഗിച്ചു വരുന്ന ധാരാളം ഫേഷ്യലുകളുണ്ട്. അത്തരത്തില്‍ ഒന്നിനെ കുറിച്ചറിയൂ. തികച്ചും പ്രകൃതിദത്ത ചേരുവകള്‍ ഉപയോഗിച്ച് വീട്ടില്‍ തന്നെ രണ്ടു സ്‌റ്റെപ്പായി നമുക്ക് ചെയ്യാവുന്ന ഒരു ഫേഷ്യല്‍. കോഫി ഫേഷ്യല്‍ അഥവാ കാപ്പി ഫേഷ്യലാണ് ഇത്. ഏതു ചര്‍മക്കാര്‍ക്കും ചേരുന്ന ഫേഷ്യല്‍.

കാപ്പി

ഇതിനുള്ള ആദ്യ സറ്റെപ്പിനായി വേണ്ടത് കാപ്പിപ്പൊടി, പഞ്ചസാര, സ്വീറ്റ് ആല്‍മണ്ട് ഓയില്‍, കറ്റാര്‍ വാഴ എന്നിവയാണ്. കാപ്പിക്കുരുവിൽ ഉയർന്ന അളവിൽ ക്ലോറോജെനിക് ആസിഡ് അടങ്ങിയിട്ടുണ്ട്. ഇത് ചർമത്തിലെ കൊളാജൻ ഉത്പാദനം വർദ്ധിപ്പിക്കുന്നു, കാപ്പിക്ക് നമ്മുടെ ചർമ്മത്തിൽ എക്സ്ഫോളിയേറ്റിങ്ങ് ഗുണങ്ങൾ നൽകാൻ കഴിവുണ്ട്. നല്ലൊരു പ്രകൃതിദത്ത സ്‌ക്രബറായി ഇതിനാല്‍ തന്നെ കാപ്പിപ്പൊടി ഉപയോഗിയ്ക്കുന്നു. ഇതു പോലെ ചര്‍മത്തിലെ അധിക എണ്ണമയം നീക്കി ചര്‍മ സുഷിരങ്ങള്‍ അടഞ്ഞ് മുഖക്കുരു, ബ്ലാക് ഹെഡ്‌സ് പോലുളള പ്രശ്‌നങ്ങളെ അകറ്റി നിര്‍ത്താനും കാപ്പി നല്ലതാണ്. പഞ്ചസാരയും പ്രകൃതിദത്ത സ്‌ക്രബറായി ഉപയോഗിയ്ക്കുന്ന ഒന്നാണ്.

​ബദാം ഓയില്‍

ബദാം ഓയില്‍ ചര്‍മത്തിന് ഏറെ ആരോഗ്യ ഗുണങ്ങള്‍ നല്‍കുന്നു. ഇത് വൈറ്റമിന്‍ ഇ സമ്പുഷ്ടമാണ്. ബദാം എണ്ണയിൽ അടങ്ങിയിട്ടുള്ള ഫാറ്റി ആസിഡ് ചർമ്മത്തിലെ അധിക എണ്ണ നീക്കം ചെയ്യുവാൻ സഹായിക്കും, അതേസമയം എണ്ണയിൽ അടങ്ങിയിട്ടുള്ള റെറ്റിനോയിഡുകൾ മുഖക്കുരുവിന്റെ പ്രശ്നം കുറയ്ക്കുകയും നിർജ്ജീവ കോശങ്ങളെ നീക്കി നല്ല കോശങ്ങളുടെ ഉത്പാദനം മെച്ചപ്പെടുത്തുകയും ചെയ്യും. ബദാം എണ്ണയിലെ പോഷകങ്ങളിലൊന്നായ വിറ്റാമിൻ ഇ അൾട്രാവയലറ്റ് രശ്മികൾ ഏൽക്കുന്നത് മൂലമുണ്ടാകുന്ന ചർമ്മത്തിന്റെ കേടുപാടുകൾ കുറയ്ക്കാൻ നല്ലതാണ്.

​ചുവന്ന പരിപ്പ്

ചുവന്ന പരിപ്പ് അഥവാ മസൂര്‍ ദാല്‍ ആണ് ഇതിനുള്ള മറ്റൊരു ചേരുവ.ചുവന്ന പരിപ്പിൽ ആന്റിഓക്‌സിഡന്റുകൾ അടങ്ങിയിട്ടുണ്ട്, ഇത് ഫ്രീ റാഡിക്കലുകൾ മൂലമുള്ള കോശങ്ങളുടെ കേടുപാടുകൾ കുറയ്ക്കാൻ സഹായിക്കുന്നു. ഇവയിൽ അടങ്ങിയ പോഷകങ്ങൾ ചർമ്മത്തിന്റെ പ്രതിരോധശേഷി വർദ്ധിപ്പിക്കും.ഇത് അതിശയകരമായ ചർമ്മ ശുദ്ധീകരണ ഏജന്റായി വർത്തിക്കുന്നു. ചർമ്മത്തിൽ നിന്നുള്ള എല്ലാ അഴുക്കും മാലിന്യങ്ങളും നീക്കം ചെയ്യാൻ ചുവന്ന പരിപ്പ് ഫേസ് പായ്ക്ക് സഹായിക്കും. ഇത് നിർജ്ജീവ ചർമ്മം നീക്കം ചെയ്യാൻ സഹായിക്കുന്ന ഒരു മികച്ച പ്രകൃതിദത്ത എക്സ്ഫോളിയേറ്ററായി പ്രവർത്തിക്കുകയും മുഖക്കുരു, ബ്ലാക്ക്ഹെഡ്സ് എന്നിവയിൽ നിന്ന് മുക്തി നേടാൻ സഹായിക്കുകയും ചെയ്യുന്നു.

​തൈര്

തൈര് ഇതിലെ മറ്റൊരു ചേരുവയാണ്. ആരോഗ്യ സംരക്ഷണത്തില്‍ മാത്രമല്ല, സൗന്ദര്യ സംകക്ഷണത്തിലും മികച്ചതാണ് തൈര്. ചര്‍മത്തിന് ഈര്‍പ്പം നല്‍കുന്ന, ചര്‍മത്തിലെ ചുളിവുകള്‍ അകറ്റുന്ന, പ്രോട്ടീന്‍ ഗുണം നല്‍കുന്ന ഒന്നാണിത്. . ലാക്ടിക് ആസിഡ് അടങ്ങിയ ഇത് നല്ലൊരു ബ്ലീച്ചിംഗ് ഇഫക്ടാണ് നല്‍കുന്നത്.തൈരിൽ സമ്പുഷ്ടമായി അടങ്ങിയിരിക്കുന്ന കൊഴുപ്പ് ചർമ്മത്തിലെ ഈർപ്പം നിലനിർത്തുവാൻ സഹായിക്കും, ഇത് വളരെനേരം ചർമ്മത്തിൽ ജലാംശം നിലനിർത്തുന്നു. ചർമ്മത്തിലെ കരുവാളിപ്പ്, മങ്ങൽ, നിറവ്യത്യാസം എന്നിവ പരിഹരിക്കാനും ഇത് സഹായിക്കുന്നു.നല്ലൊരു സ്വാഭാവിക ബ്ലീച്ചിംഗ് ഗുണം നല്‍കുന്ന ഒന്നാണ് ഈ തൈര്.

​കറ്റാർ വാഴ

കറ്റാർ വാഴ ആരോഗ്യത്തിനും ഭംഗിയ്ക്കും മുടി സംരക്ഷണത്തിനുമെല്ലാം തന്നെ ഒരുപോലെ ഉപകാരപ്രദമായ ഒന്നാണിത്. പല തരത്തിലെ സൗന്ദര്യ ഗുണങ്ങളും കറ്റാര്‍ വാഴ ചര്‍മത്തിനു നല്‍കുന്നു. നിറം മുതല്‍ നല്ല ചര്‍മം വരെ ഇതില്‍ പെടുന്ന പ്രത്യേക കാര്യങ്ങളാണ്. ഇതിലെ വൈറ്റമിന്‍ ഇ ചര്‍മത്തിന് ഏറെ സഹായകമാണ്. തിളക്കമുള്ള ചര്‍മവും മാര്‍ദവമുള്ള ചര്‍മവുമെല്ലാം മറ്റു ഗുണങ്ങളാണ്.ഇപ്പോഴത്തെ കാലത്ത് വിപണിയിൽ നിറഞ്ഞു നിൽക്കുന്ന ഒരു പ്രധാന സൌന്ദര്യ വർദ്ധക വസ്തു. പല സൗന്ദര്യ വര്‍ദ്ധക വസ്തുക്കളിലും ഹെയര്‍ ജെല്ലുകളിലും ക്രീമുകളിലും ഷാംപൂവിലുമെല്ലാം ഉപയോഗിയ്ക്കുന്ന ഒന്നാണ്.തികച്ചും ശുദ്ധമായ ഒന്നാണിത്. ഇതു കൊണ്ടുതന്നെ ചര്‍മ സംരക്ഷണത്തിന് മികച്ചതും. ദിവസവും മുഖത്തു പുരട്ടാവുന്ന ഒന്നാണു കറ്റാര്‍ വാഴ. തികച്ചും ശുദ്ധമായ ഒന്നാണിത്. ഇതു കൊണ്ടുതന്നെ ചര്‍മ സംരക്ഷണത്തിന് മികച്ചതും. ദിവസവും മുഖത്തു പുരട്ടാവുന്ന ഒന്നാണു കറ്റാര്‍ വാഴ.

രണ്ടു സ്റ്റൈപ്പായി

ഇത് രണ്ടു സ്റ്റൈപ്പായി വേണം, ചെയ്യാന്‍. ആദ്യം മുഖത്ത് സ്‌ക്രബ് ചെയ്യാന്‍ ആവശ്യമായ കാപ്പിപ്പൊടി, ചെറിയ തരികളുള്ളത് എടുക്കുക. ഇതിലേയ്ക്ക് അല്‍പം പഞ്ചസാര, അല്‍പം സ്വീറ്റ് ആല്‍മണ്ട് ഓയില്‍, അല്‍പം കറ്റാര്‍ വാഴ ജെല്‍ എന്നിവ ചേര്‍ത്തിളക്കാം. ആദ്യം മുഖം ചൂടുവെള്ളത്തില്‍ മുക്കിയ ടവല്‍ കൊണ്ട് അല്‍പ നേരം മൂടി വയ്ക്കുക. ഇത് നല്ല സ്റ്റീം ഗുണം നല്‍കും. ശേഷം മുകളില്‍ തയ്യാറാക്കിയ പായ്ക്ക് മുഖത്തു പുരട്ടി സ്‌ക്രബ് ചെയ്യാം. വല്ലാതെ അമര്‍ത്തി സ്‌ക്രബ് ചെയ്യരുത്. അത് അല്‍പ നേരം സ്‌ക്രബ് ചെയ്ത ശേഷം തുടച്ചെടുക്കാം. പിന്നീട് രണ്ടാമത്തെ പായ്ക്ക് തയ്യാറാക്കാം. ഇതിനായി കാപ്പിപ്പൊടിയില്‍ അല്‍പം ചുവന്ന പരിപ്പ് പൊടി, തൈര് എന്നിവ ചേര്‍ത്തിളക്കാം. ഇത് മുഖത്തിടാം. ഇത് ഉണങ്ങുമ്പോള്‍ കഴുകാം. പിന്നീട് മുഖം തുടച്ച് ഒരു നുള്ള് നെയ്യോ കറ്റാര്‍ വാഴ ജെല്ലോ മുഖത്ത് പുരട്ടാം. മുഖത്തിന് തിളക്കം നല്‍കുന്ന, ചെറുപ്പം നല്‍കുന്ന നല്ലൊരു കോഫി ഫേഷ്യലാണ് ഇത്. പുളിച്ച കഞ്ഞിവെള്ളം മുടിയില്‍, പലതുണ്ടു കാര്യം…