മമതയ്ക്ക് നിർണായകം; ഭവാനിപൂരിൽ സെപ്റ്റംബര്‍ 30ന് ഉപതെരഞ്ഞെടുപ്പ്

കൊൽക്കത്ത: തൃണമൂൽ കോൺഗ്രസിനും പശ്ചിമ ബംഗാൾ മുഖ്യമന്ത്രി മമതാ ബാനർജിക്കും നിർണായകമായ പശ്ചിമ ബംഗാളിലെ ഭവാനിപുർ നിയമസഭാ മണ്ഡലത്തിലെ ഉപതെരഞ്ഞെടുപ്പ് സെപ്റ്റംബർ 30ന് നടക്കും. ഒക്ടോബർ മൂന്നിനാണ് വോട്ടെണ്ണൽ നടക്കുക. തെരഞ്ഞെടുപ്പ് കമ്മീഷനാണ് ഇതുസംബന്ധിച്ച പ്രഖ്യാപനം നടത്തിയത്.



കെഎസ്ആർടിസി ബസ് സ്റ്റാന്‍ഡില്‍ മദ്യക്കടകളോ? നടക്കില്ല, മന്ത്രിയുടേത് വ്യാമോഹം മാത്രമെന്ന് കെസിബിസി

പശ്ചിമ ബംഗാൾ മുഖ്യമന്ത്രി സ്ഥാനത്ത് മമതാ ബാനർജി തുടരുന്ന കാര്യത്തിൽ നിർണായകമാണ് ഭവാനിപൂരിലെ ഉപതെരഞ്ഞെടുപ്പ്. ഭാവാനിപൂരിനൊപ്പം സംസർഗഞ്ച്, ജാംഗിപുർ എന്നിവടങ്ങളിലും സെപ്റ്റംബർ 30ന് തന്നെ ഉപതെരഞ്ഞെടുപ്പ് നടക്കും. ഇതേ ദിവസം തന്നെ ഒഡീഷയിലെ പിപ്‌ലിയിലും അന്നു തന്നെ ഉപതെരഞ്ഞെടുപ്പ് നടക്കും.

മുഖ്യമന്ത്രി മമതാ ബാനർജി മത്സരിച്ചേക്കുമെന്ന് പ്രതീക്ഷിക്കുന്ന മണ്ഡലമാണ് ഭാവിനിപുർ. സംസ്ഥാന സർക്കാരിൻ്റെ അഭ്യർഥനയും ഭരണഘടനാ ആവശ്യകതയും കണക്കിലെടുത്താണ് ഭാവിനിപുരിൽ ഉപതെരഞ്ഞെടുപ്പ് നടത്താൻ തീരുമാനിച്ചതെന്ന് തെരഞ്ഞെടുപ്പ് കമ്മീഷൻ വ്യക്തമാക്കി. കഴിഞ്ഞ മെയ് മാസം നടന്ന തെരഞ്ഞെടുപ്പിൽ നന്ദിഗ്രാമിൽ ബിജെപിയുടെ സുവേന്ദു അധികാരിയോട് 1,956 വോട്ടിന് മമത പരാജയപ്പെട്ടിരുന്നു. ഭവാനിപ്പൂരിൽ എംഎൽഎ ആയിരുന്ന മുതിർന്ന ടിഎംസി നേതാവ് സൊവാൻദേബ് ചാറ്റോപാദ്യായ രാജി വെച്ചതിനെ തു‍ടർന്നാണ് ഉപതെരഞ്ഞെടുപ്പ് നടക്കുന്നത്. 2011 ലും 2016 ലും ഭവാനിപ്പൂരിലെ എംഎല്‍എ ആയിരുന്നു മമതാ ബാനർജി.

അപൂര്‍വ രോഗം, യുപിയിൽ മുടി കഴിക്കുന്ന പെൺകുട്ടി; ഡോക്ടര്‍മാര്‍ ഓപ്പറേഷൻ ചെയ്ത് നീക്കിയത് 2 കിലോ മുടി

മഹാരാഷ്ട്ര, തെലങ്കാന അടക്കമുള്ള ചില വടക്കുകിഴക്കൻ സംസ്ഥാനങ്ങൾ ഉൾപ്പെടെയുള്ള മറ്റ് 31 നിയമസഭാ സീറ്റുകളിലേക്കും മൂന്ന് പാർലമെൻ്റ് സീറ്റുകളിലേക്കുമുള്ള ഉപതെരഞ്ഞെടുപ്പ് കൊവിഡിൻ്റെ പശ്ചാത്തലത്തിൽ മാറ്റിവച്ചു. ഈ സംസ്ഥാനങ്ങളിലെ തെരഞ്ഞെടുപ്പ് ഓഫീസര്‍മാരുടെയും ചീഫ് സെക്രട്ടറിമാരുടെയും അഭിപ്രായം ആരാഞ്ഞ ശേഷമാണ് ഇത്തരമൊരു തീരുമാനം തെരഞ്ഞെടുപ്പ് കമ്മീഷൻ സ്വീകരിച്ചത്.

മെയിൽ നടന്ന തെരഞ്ഞെടുപ്പിനോട് അനുബന്ധിച്ച് നന്ദിഗ്രാമിൽ വെച്ച് ആക്രമിക്കപ്പെട്ടുവെന്ന മുഖ്യമന്ത്രി മമത ബാനർജിയുടെ വാദം തള്ളി തെരഞ്ഞെടുപ്പ് കമ്മീഷൻ മുൻപ് തള്ളിയിരുന്നു. മമതയ്ക്കെതിരെ ആക്രമണം നടന്നിട്ടില്ലെന്നും തെളിവില്ലെന്നും തെരഞ്ഞെടുപ്പ് കമ്മീഷൻ വ്യക്തമാക്കി. പശ്ചിമ ബംഗാൾ ചീഫ് സെക്രട്ടറി അലാപൻ ബന്ദോപാധ്യായയുടെ റിപ്പോർട്ടിന്റെ അടിസ്ഥാനത്തിലാണ് തെരഞ്ഞെടുപ്പ് കമ്മീഷന്റെ വിശദീകരണം.

പ്രചാരണ പരിപാടിക്കിടെ നന്ദിഗ്രാമിൽ വെച്ച് മമത ബാനർജി ആക്രമിക്കപ്പെട്ടെന്നായിരുന്നു തൃണമൂൽ കോൺഗ്രസിന്റെ വാദം. ചികിത്സ കഴിഞ്ഞ് മമത ആശുപത്രി വിട്ടതിനു പിന്നാലെ അലാപൻ ബന്ദോപാധ്യായ സംഭവവുമായി ബന്ധപ്പെട്ട റിപ്പോർട്ട് തെരഞ്ഞെടുപ്പ് കമ്മീഷന് നൽകിയിരുന്നു. മമതയുടെ കാലിന് പരിക്കേറ്റത് ഡോറിൽ തട്ടിയാണെന്നായിരുന്നു ചീഫ് സെക്രട്ടറിയുടെ റിപ്പോർട്ടിൽ പറയുന്നത്.

‘കശ്മിരി മുസ്ലീങ്ങളുടെ അവകാശങ്ങള്‍ക്ക് വേണ്ടി സംസാരിക്കാൻ അവകാശമുണ്ട്’; നിലപാട് മാറ്റി താലിബാൻ

തൃണമൂൽ കോൺഗ്രസിൽ നിന്നും ബിജെപിയിലേക്ക് കൊഴിഞ്ഞ് പോക്ക് രൂക്ഷമായിരുന്നുവെങ്കിലും കഴിഞ്ഞ നിയമസഭാ തെരഞ്ഞെടുപ്പിൽ വൻ വിജയമാണ് മമതയും സംഘവും നേടിയത്. ബിജെപിയുടെ നീക്കങ്ങളെ പ്രതിരോധിച്ച മമതാ കോൺഗ്രസ് നേതൃത്വവുമായി അടുക്കുന്നുവെന്ന വാർത്ത മുൻപ് പുറത്തുവന്നിരുന്നു. വിശാല പ്രതിപക്ഷ ഐക്യം രൂപീകരിക്കുന്നതിൻ്റെ ഭാഗമായി മമതാ ബാനർജിയുമായി അടുക്കാനാണ് കോൺഗ്രസ് ശ്രമം നടത്തുന്നത്. വിശാല പ്രതിപക്ഷത്തിൻ്റെ ഭാഗമായുള്ള കോൺഗ്രസുമായുള്ള ബന്ധത്തിന് തൃണമൂൽ സർക്കാരിലും കാര്യമായ എതിർപ്പില്ല എന്നത് മമതയ്ക്ക് നേട്ടമാണ്.