തങ്ങളെ ബാധിക്കുന്ന കാര്യമല്ലെന്ന് 43% പേര്‍
അഴിമതിയെ കുറിച്ചുള്ള വിവരങ്ങള്‍ അധികൃതരെ അറിയിക്കുകയെന്നത് തങ്ങളുടെ സാമൂഹിക ഉത്തരവാദിത്തമാണെന്ന് കരുതുന്നില്ലെന്ന് 43 ശതമാനം പേരും അഭിപ്രായപ്പെട്ടു. അത് തങ്ങള്‍ ചെയ്യേണ്ടതില്ലെന്നും മറ്റാരെങ്കിലുമൊക്കെ ചെയ്തുകൊള്ളും എന്നും അഭിപ്രായമുള്ളവരാണ് 38 ശതമാനം പേരും. അതേസമയം, 75 ശതമാനം പേരും അഭിപ്രായപ്പെട്ടത് അഴിമതിയെ കുറിച്ചുള്ള വിവരങ്ങള്‍ റിപ്പോര്‍ട്ട് ചെയ്യുകയെന്നത് അന്താരാഷ്ട്ര തലത്തില്‍ കുവൈറ്റിന്റെ യശസ്സ് ഉയര്‍ത്തുന്നതും രാജ്യത്തിന്റെ പുരോഗതിക്ക് അനിവാര്യമാണെന്നുമുള്ള അഭിപ്രായക്കാരാണ്.
58 % പേര്‍ പ്രത്യാഘാതം ഭയക്കുന്നു
അഴിമതി റിപ്പോര്‍ട്ട് ചെയ്യുന്നതിലൂടെ തങ്ങള്‍ക്ക് വ്യക്തിപരമായ പ്രത്യാഘാതങ്ങള്‍ ഉണ്ടാവാനുള്ള സാധ്യത ഏറെയുണ്ടെന്ന് കരുതുന്നവരാണ് സര്‍വേയില്‍ പങ്കെടുത്ത 58 ശതമാനം പേരും. സ്വദേശികളായാലും വിദേശികളായാലും സര്‍ക്കാര്‍, സ്വകാര്യ മേഖലയില്‍ നടക്കുന്ന അഴിമതിയെ കുറിച്ച് ഒന്നും മിണ്ടാതിരിക്കുന്നതിന്റെ കാരണവും ഇതാണെന്നും സര്‍വേയില്‍ പങ്കെടുത്തവര്‍ വ്യക്തമാക്കി. 618 കുവൈറ്റ് സ്വദേശികളും 87 പ്രവാസികളും ഉള്‍പ്പെടെ 705 പേരാണ് സര്‍വേയില്‍ പങ്കെടുത്തത്. ഇക്കാര്യത്തില്‍ ജനങ്ങളെ ബോധവല്‍ക്കരിക്കാനും അവര്‍ക്ക് ആത്മവിശ്വാസം നല്‍കാനും ഭരണകൂടത്തിന്റെ ഭാഗത്തു നിന്ന് വേണ്ടത്ര ശ്രമങ്ങള്‍ നടക്കുന്നില്ലെന്ന അഭിപ്രായക്കാരാണ് 49 ശതമാനം പേരും.
അഴിമതി തയുന്നതില്‍ ഭരണകൂടം പരാജയം
കുവൈറ്റില്‍ വിവിധ മേഖലകളില്‍ നിലനില്‍ക്കുന്ന അഴിമതി തടയുന്നതില്‍ സര്‍ക്കാര്‍ സ്ഥാപനങ്ങള്‍ പരാജയമാണെന്നാണ് 67 ശതമാനം പേരും അഭിപ്രായപ്പെട്ടത്. ഇക്കാര്യത്തില്‍ വേണ്ട വിധത്തില്‍ പ്രവര്‍ത്തിക്കാന്‍ ഭരണകൂടത്തിന് സാധിക്കുന്നില്ല. അഴിമതിക്കെതിരായ പോരാട്ടം രാജ്യത്ത് ശക്തിപ്പെടുത്തണമെന്നാണ് സര്‍വേയില്‍ പങ്കെടുത്ത ഭൂരിപക്ഷം പേരും അഭിപ്രായപ്പെട്ടത്. ഇതിനു പുറമെ, അഴിമതി സംഭവങ്ങളെ കുറിച്ച് രഹസ്യമായി അറിയിക്കുന്നതിന് ശരിയായ സംവിധാനങ്ങളൊന്നും നിലവിലില്ലെന്ന് 46 ശതമാനം പേരും പരാതിപ്പെടുകയുണ്ടായി.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : most people are afraid to speak out against corruption in kuwait
Malayalam News from malayalam.samayam.com, TIL Network
