Gokul Murali | Samayam Malayalam | Updated: Sep 5, 2021, 7:28 AM
പനി കുറയാത്തതിനെ തുടര്‍ന്ന് നാല് ദിവസങ്ങള്‍ക്ക് മുൻപാണ് കുട്ടിയെ ആശുപത്രിയിൽ പ്രവേശിപ്പിച്ചത്. ഇന്നലെ രാത്രിയോടെ കുട്ടിയുടെ നില ഗുരുതരമാകുകയും പുലര്‍ച്ചെ 4.45 ഓടെ മരിക്കുകയുമായിരുന്നു. അത്യാഹിത വിഭാഗത്തിൽ ചികിത്സയിലായിരുന്ന കുട്ടിക്ക് ഛര്‍ദ്ദിയും മസ്തിഷ്ക ജ്വരവുമുണ്ടായിരുന്നു.
പ്രതീകാത്മക ചിത്രം
ഹൈലൈറ്റ്:
- നാല് ദിവസങ്ങള്‍ക്ക് മുൻപാണ് കുട്ടിയെ ആശുപത്രിയിൽ പ്രവേശിപ്പിച്ചത്
- ഇന്നലെ രാത്രിയോടെ കുട്ടിയുടെ നില ഗുരുതരമാകുകയായിരുന്നു.
- പുലര്‍ച്ചെ 4.45 ഓടെ മരിക്കുകയുമായിരുന്നു
കോഴിക്കോട്: നിപ ബാധ സംശയിക്കുന്ന കുട്ടി ചികിത്സയിലിരിക്കെ മരിച്ചു. കോഴിക്കോട് സ്വകാര്യ ആശുപത്രിയിൽ ചികിത്സയിലുണ്ടായിരുന്ന 12 കാരനാണ് മരിച്ചത്.
പനി കുറയാത്തതിനെ തുടര്‍ന്ന് നാല് ദിവസങ്ങള്‍ക്ക് മുൻപാണ് കുട്ടിയെ ആശുപത്രിയിൽ പ്രവേശിപ്പിച്ചത്. ഇന്നലെ രാത്രിയോടെ കുട്ടിയുടെ നില ഗുരുതരമാകുകയും പുലര്‍ച്ചെ 4.45 ഓടെ മരിക്കുകയുമായിരുന്നു.
Also Read : ‘സാറും മേഡവും വിളി വേണ്ട’; കോൺഗ്രസ് ഭരിക്കുന്ന പഞ്ചായത്തുകൾക്ക് നിർദ്ദേശവുമായി കെപിസിസി
അത്യാഹിത വിഭാഗത്തിൽ ചികിത്സയിലായിരുന്ന കുട്ടിക്ക് ഛര്‍ദ്ദിയും മസ്തിഷ്ക ജ്വരവുമുണ്ടായിരുന്നു.
കുട്ടിയുടെ ആദ്യ സ്രവ പരിശോധനാ ഫലത്തിൽ നിപ സ്ഥിരീകരിച്ചുവെന്നാണ് മനോരമ റിപ്പോര്‍ട്ട് ചെയ്യുന്നത്. രണ്ടാം സ്രവ സാംപിളുകളുടെ പരിശോധനാ ഫലം കൂടി എത്താനുണ്ട്.
അതേസമയം, വൈറസ് ബാധയുടെ സ്ഥിരീകരണം സംബന്ധിച്ച് ആരോഗ്യവകുപ്പിന്റെയോ ജില്ലാ ഭരണകൂടത്തിന്റേയോ ഔദ്യോഗിക വിശദീകരണം ഇതുവരെ പുറത്തുവന്നിട്ടില്ല.
ആരോഗ്യമന്ത്രി വീണാ ജോര്‍ജ് കോഴിക്കോട്ടേക്ക് തിരിച്ചിട്ടുണ്ട്. എത്തിയാലുടൻ ഉന്നതതല യോഗം ചേരും. പ്രത്യേക മെഡിക്കൽ സംഘവും കേന്ദ്ര സംഘവും കോഴിക്കോട്ടേക്ക് എത്തുമെന്നാണ് റിപ്പോര്‍ട്ട്. യോഗത്തിന് പിന്നാലെ, മന്ത്രി മാധ്യമങ്ങളെ കാണുമെന്നുമാണ് പ്രതീക്ഷിക്കുന്നത്.
Also Read : ക്വാറന്റീൻ നിയമം ലംഘിക്കുന്നവര്‍ക്ക് കടുത്ത പിഴ, സ്വന്തം ചിലവിൽ നിര്‍ബന്ധിത ക്വാറന്റീന്‍; നടപടി ഇന്നുമുതൽ
നിപ സംശയത്തെ തുടര്‍ന്ന് കുട്ടിയുടെ രക്ഷിതാക്കളും ബന്ധുക്കളും അയൽവാസികളും ആരോഗ്യവകുപ്പിന്റെ നിരീക്ഷണത്തിലാണുള്ളത്. വൈറസ് ബാധ റിപ്പോര്‍ട്ട് ചെയ്ത പ്രദേശത്തെ റോഡുകള്‍ പോലീസ് അടച്ചിട്ടുണ്ട്. കുട്ടിയെ നേരത്തെ ചികിത്സിച്ച ആശുപത്രിയിലെ ആരോഗ്യപ്രവര്‍ത്തകരേയും നിരീക്ഷണത്തിലാക്കാൻ തീരുമാനിച്ചിട്ടുണ്ടെന്നാണ് മാതൃഭൂമി റിപ്പോര്‍ട്ട് ചെയ്തിട്ടുണ്ട്.
കുട്ടിയെ ഈ ആശുപത്രിയിലേക്ക് പ്രവേശിപ്പിക്കുന്നതിന് മുൻപ് കോഴിക്കോട് മെഡിക്കൽ കോളേജ് ആശുപത്രിയിലടക്കം മറ്റ് രണ്ട് ആശുപത്രികളില്‍ പ്രവേശിപ്പിച്ചതായും റിപ്പോര്‍ട്ടുകളുണ്ട്.
2018 മേയ് മാസത്തിൽ പേരാമ്പ്ര മണ്ഡലത്തിലെ ചങ്ങരോത്ത് പഞ്ചായത്തിലെ പന്തിരിക്കരയിലാണ് സംസ്ഥാനത്ത് ആദ്യമായി നിപ വൈറസ് ബാധ സ്ഥിരീകരിക്കുന്നത്. പിന്നീട് കോഴിക്കോടിന് പുറത്ത് മലപ്പുറം ജില്ലയിലടക്കം രോഗബാധ സ്ഥിരീകരിക്കുകയും ചെയ്തു. കോഴിക്കോട് മെഡിക്കൽ കോളേജിൽ നിന്ന് രോഗം പകർന്നതായും കണ്ടെത്തിയിരുന്നു. 17 പേർ അന്ന് നിപ ബാധിച്ച് മരിച്ചിരുന്നു.
2019ൽ കൊച്ചിയിലും ഒരു നിപ വൈറസ് ബാധ സ്ഥിരീകരിച്ചിരുന്നുവെങ്കിലും വേഗത്തിൽ തന്നെ ഇത് നിയന്ത്രണ വിധേയമാക്കുവാൻ സാധിക്കുകയായിരുന്നു.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : kozhikode child suspected to be infected nipah virus has died
Malayalam News from malayalam.samayam.com, TIL Network
