ഗിലാനിയുടെ മൃതദേഹത്തിൽ പാക് പതാക പുതപ്പിച്ചു; യുഎപിഎ നിയമപ്രകാരം കേസ്

ശ്രീനഗര്‍: കഴിഞ്ഞദിവസം അന്തരിച്ച കശ്മീര്‍ വിഘടനവാദി നേതാവ് സയ്യിദ് അലി ഷാ ഗിലാനിയുടെ മൃതദേഹത്തിൽ പാക് പതാക പുതപ്പിച്ചത് വിവാദമാകുന്നു. വീഡിയോ ദൃശ്യങ്ങള്‍ പ്രചരിച്ചതിന് പിന്നാലെ യുഎപിഎ ചുമത്തി പോലീസ് കേസെടുക്കുകയും ചെയ്തു.



Also Read : സംസ്ഥാനത്ത് നിപ ഇത് മൂന്നാം വട്ടം, പ്രതിരോധം പ്രധാനം: നിപ വൈറസ് അറിയേണ്ടതെല്ലാം

ബുധനാഴ്ച വൈകിട്ടാണ് 92-കാരനായ പാകിസ്താൻ അനുകൂല വിഘടനവാദി നേതാവ് അന്തരിച്ചത്. ഗിലാനിയുടെ മരണത്തിന് പിന്നാലെ കശ്മീരിൽ സുരക്ഷ കര്‍ശനമാക്കുകയും ചെയ്തിരുന്നു. ഫോൺ, ഇന്റര്‍നെറ്റ് സേവനങ്ങളും നിര്‍ത്തിവച്ചിരിക്കുകയാണ്.

പിന്നീട്, ശനിയാഴ്ച രാത്രിയോടെ ഇന്റര്‍നെറ്റ് ഫോൺ സേവനങ്ങള്‍ പുനസ്ഥാപിച്ചതിന് ശേഷം വീഡിയോ ദൃശ്യങ്ങള്‍ പുറത്തുവന്നത്. സംസ്കാരത്തിന് പോലീസ് എത്തുന്നതിന് മുൻപ് പാക്ക് പതാക പുതപ്പിച്ച നിലയിലുള്ള ദൃശ്യങ്ങളാണ് ഇപ്പോള്‍ പുറത്തുവരുന്നത്. സ്ത്രീകള്‍ അടക്കം നിരവധിയാളുകള്‍ മൃതദേഹത്തിന് ചുറ്റും നിൽക്കുന്നതും വീഡിയോയിൽ കാണാൻ സാധിക്കും.

Also Read : മൂന്ന് സാംപിളുകളും പോസിറ്റീവ്, കോഴിക്കോട് മരിച്ച കുട്ടിക്ക് നിപ സ്ഥിരീകരിച്ചു; 3 ജില്ലകളില്‍ ജാഗ്രത



വീഡിയോ വന്നതിന് പിന്നാലെ ഇന്റര്‍നെറ്റ് സേവനങ്ങള്‍ തടഞ്ഞിരിക്കുകയാണ്. സ്വകാര്യ സമ്മേളനങ്ങള്‍ക്കും പോലീസ് നിയന്ത്രണങ്ങള്‍ ഏര്‍പ്പെടുത്തിയിട്ടുണ്ട്. അതിനിടെ, പോലീസ് മൃതദേഹം ബലംപ്രയോഗിച്ച് കൊണ്ടുപോയെന്നും അന്ത്യകര്‍മങ്ങള്‍ ചെയ്യാൻ അനുവദിച്ചില്ലെന്നും ആരോപിച്ച് കുടുംബാംഗങ്ങള്‍ രംഗത്തുവന്നിട്ടുണ്ട്.

ദേശവിരുദ്ധ പ്രവര്‍ത്തനങ്ങള്‍ക്കാണ് എഫ്ഐആര്‍ രജിസ്റ്റര്‍ ചെയ്തിട്ടുണ്ടെന്ന് ജമ്മു കശ്മീര്‍ പോലീസ് ഡയറക്ടര്‍ ജനറൽ ദിൽബാഗ് സിങ് പറഞ്ഞു.

ഇത്തരത്തിൽ ഒരു അച്ചടക്കമില്ലാത്ത പ്രവൃത്തി ഗിലാനിയുടെ കുടുംബത്തിന്റെയോ മറ്റുള്ളവരുടേയോ ഭാഗത്തു നിന്നും ഉണ്ടാകുമെന്ന് കരുതിയില്ല. പ്രത്യേകിച്ച് പോലീസ് ഇവരുമായി തുടര്‍ച്ചയായി ബന്ധപ്പെട്ടിരുന്നിട്ടുമെന്നും അദ്ദേഹം പറഞ്ഞു.

കഴിഞ്ഞയാഴ്ച ഞങ്ങളുടെ ഓഫീസർമാരിൽ ഒരാളെ സന്ദർശിച്ചപ്പോൾ ഗീലാനി ഒരു പുസ്തകം സമ്മാനിച്ചതായും സിങ് പറഞ്ഞു.

Also Read : ഗ്രൂപ്പ് രാഷ്ട്രീയത്തിന്റെ രക്തസാക്ഷി, സോളാർ കേസിൽ ഉമ്മൻചാണ്ടിയെ സംരക്ഷിച്ചത് താൻ, അന്ന് ഈ ഭക്തരെ കണ്ടില്ല; രാജ്മോഹൻ ഉണ്ണിത്താൻ

അതേസമയം, പോലീസിനെതിരെ ആരോപണവും ഉന്നയിച്ച് കുടുംബങ്ങളും രംഗത്ത് വന്നിട്ടുണ്ട്. സംസ്കാരം രാവിലെ നടത്താമെന്നാണ് നിശ്ചയിച്ചിരുന്നത് എന്നാണ് പോലീസ് ബലം പ്രയോഗിച്ച് മൃതദേഹം കൊണ്ടുപോയി എന്നും മകൻ നസീം ഗിലാനി ആരോപിച്ചു. വീടിന്റെ വാതിൽ തകര്‍ത്ത് ഉള്ള കയറിയ പോലീസ് സ്ത്രീകള്‍ അടക്കമുള്ളവരോട് അപമര്യാദയായി പെരുമാറിയെന്നും കുടുംബം ആരോപിക്കുന്നു. ദേശീയ മാധ്യമമായ എൻഡിടിവിയാണ് റിപ്പോർട്ട് ചെയ്തിരിക്കുന്നത്.