ബൈഡൻ അടക്കമുള്ളവരെ പിന്നിലാക്കി മോദി; 13 ലോക നേതാക്കളില്‍ മുന്നിലെത്തി ഇന്ത്യൻ പ്രധാനമന്ത്രി

ന്യൂഡൽഹി: യുഎസ് ആസ്ഥാനമായുള്ള ‘ഗ്ലോബൽ ലീഡർ അപ്രൂവൽ ട്രാക്കർ മോർണിങ് കൾസൾട്ട് സർവേ’ നടത്തിയ സർവേയിൽ

പതിമൂന്ന് ലോക നേതാക്കളുടെ പട്ടികയിൽ ഏറ്റവുമധികം അംഗീകാരമുള്ള (അപ്പ്രൂവല്‍ റേറ്റിംങ്) നേതാവായി ഇന്ത്യൻ പ്രധാനമന്ത്രി നരേന്ദ്ര മോദി.

ഓസ്ട്രേലിയ, ബ്രസീൽ, കാനഡ, ഫ്രാൻസ്, ജർമ്മനി, ഇന്ത്യ, ഇറ്റലി, ജപ്പാൻ, മെക്സിക്കോ, ദക്ഷിണ കൊറിയ, സ്പെയിൻ, യുകെ, യുഎസ് എന്നീ രാജ്യങ്ങളുടെ രാഷ്ട്ര തലവന്മാരാണ് ഈ പട്ടികയിലുള്ളത്. മോദി ഒന്നാമതെത്തിയ സർവേയിൽ 2,126 മുതിർന്ന പൗരന്മാരാണ് പങ്കെടുത്തത്.

പാർട്ടിയിൽ സൗഹാർദ അന്തരീക്ഷം ഉണ്ടാകണമെന്ന് തിരുവഞ്ചൂർ; സതീശനുമായി കൂടിക്കാഴ്ച നടത്തി

യുഎസ് പ്രസിഡൻ്റ് ജോ ബൈഡനെയും ജര്‍മ്മന്‍ ചാന്‍സലര്‍ ആംഗല മെര്‍ക്കല്‍ എന്നീ ലോക നേതാക്കളെ പിന്തള്ളിയാണ് മോദി ഒന്നാമത് എത്തിയത്. സെപ്റ്റംബർ രണ്ടിന് കമ്പനി പുറത്തുവിട്ട സർവേ റിപ്പോർട്ടിലാണ് ഇന്ത്യൻ പ്രധാനമന്ത്രിക്ക് ഉയർന്ന റേറ്റിങ് ലഭിച്ചതായ വിവരങ്ങളുള്ളത്. ആഴ്ചതോറും അപ്ഡേറ്റ് ചെയ്യപ്പെടുന്ന കണക്കുകളുടെ അടിസ്ഥാനത്തിലാണ് റേറ്റിങ് നിശ്ചിയിക്കുന്നത്. 70 ശതമാനം റേറ്റിങ് ആണ് പ്രധാനമന്ത്രിക്ക് ലഭിച്ചത്.

മെക്സിക്കൻ പ്രസിഡൻ്റ് ആന്ദ്രെസ് മാനുവൽ ലോപ്പസ് ഒബ്രഡോർ, ഇറ്റാലിയൻ പ്രധാനമന്ത്രി മരിയോ ഡ്രോഗി, ജർമ്മൻ ചാൻസലർ ആംഗലെ മെർക്കൽ, യു എസ് പ്രസിഡൻ്റ് ജോ ബൈഡൻ, ഓസ്‌ട്രേലിയന്‍ പ്രധാനമന്ത്രി സ്‌കോട്ട് മോറിസണ്‍, കനേഡിയൻ പ്രധാനമന്ത്രി ജസ്റ്റിൻ ട്രൂഡോ, യുകെ പ്രധാനമന്ത്രി ബോറിസ് ജോൺസൺ, ബ്രസീലിയൻ പ്രസിഡൻ്റ് ജെയർ ബോൾസോനാരോ എന്നിവരെ പിന്തള്ളിയാണ് ഇന്ത്യൻ പ്രധാനമന്ത്രി ഒന്നാമത് എത്തിയതെന്നാണ് ശ്രദ്ധേയം.

അതേസമയം, മുതിർന്നവരുടെ ഇടയിൽ ഏറ്റവും കുറവ് പേർ നിരസിച്ച ഡിസപ്പ്രൂവല്‍ റേറ്റിംങ് മോദിക്കായിരുന്നുവെന്ന പ്രത്യേകതയുമുണ്ട്. ഇന്ത്യയിൽ നിന്ന് സർവേയിൽ പങ്കെടുത്ത 25 ശതമാനം പേർ മാത്രമാണ് മോദിയെ പിന്തുണച്ചത്.

മോർണിങ് കൺസൾട്ടിൻ്റെ ഡേറ്റ പ്രകാരം ഇത് രണ്ടാം തവണയാണ് മോദി ഒന്നാമത് എത്തുന്നത്. കഴിഞ്ഞ ആഴ്ചത്തെ റിപ്പോർട്ടുകളിലും ഇന്ത്യൻ പ്രധാനമന്ത്രി തന്നെയാണ് ഏറ്റവും ഉയർന്ന തോതിൽ റേറ്റിങ് നേടിയത്. ഇന്ത്യയിൽ കൊവിഡ് കേസുകൾ ഉയർന്ന തോതിൽ റിപ്പോർട്ട് ചെയ്തിരുന്ന ഈ വർഷം ജൂണിൽ മോദിയുടെ റേറ്റിങ് 66 ശതമാനമായി കുറഞ്ഞിരുന്നു. 2019ൽ ഓഗസ്റ്റിൽ 82 ശതമാനമായിരുന്നു ലഭിച്ച റേറ്റിങ്. ഇതുവരെ ലഭിച്ചതിൽ എറ്റവും ഉയർന്ന റേറ്റിങ് ആയിരുന്നു ഇത്.

ഗിലാനിയുടെ മൃതദേഹത്തിൽ പാക് പതാക പുതപ്പിച്ചു; യുഎപിഎ നിയമപ്രകാരം കേസ്

തെരഞ്ഞെടുപ്പ്, തിരഞ്ഞെടുക്കപ്പെട്ട ഉദ്യോഗസ്ഥർ, വോട്ടിംഗ് പ്രശ്നങ്ങൾ എന്നിവയെക്കുറിച്ചുള്ള തത്സമയ പോളിംഗ് ഡേറ്റ നൽകുന്ന മോണിംഗ് കൺസൾട്ടിന്റെ പ്ലാറ്റ്ഫോമാണ് പൊളിറ്റിക്കൽ ഇന്റലിജൻസ്. പ്രസിഡന്റ്, കോൺഗ്രസ് തെരഞ്ഞെടുപ്പുകളെക്കുറിച്ച്, മാർട്ടിംഗ് കൺസൾട്ട്, ലോകമെമ്പാടുമുള്ള 11,000 ലധികം ദൈനംദിന അഭിമുഖങ്ങളും നേതൃത്വവുമായി ബന്ധപ്പെട്ട വിവരങ്ങളും ഇതുവഴി ചർച്ചയാകാറുണ്ട്.

അതേസമയം, പ്രധാനമന്ത്രി മോദി ഈ മാസം അമേരിക്കൻ പ്രസിഡൻ്റ് ജോ ബൈഡനുമായി കൂടിക്കാഴ്ച നടത്തും. ഈ മാസം 22 മുതൽ 27 വരെയാണ് മോദിയുടെ അമേരിക്കൻ സന്ദർശനം. അമേരിക്കൻ പ്രസിഡൻ്റ് സ്ഥാനത്തേക്ക് ബൈഡൻ എത്തിയ ശേഷമുള്ള കൂടിക്കാഴ്ചയാണിത്.