പോലീസ് ഉദ്യോഗസ്ഥയെ തോക്ക് ചൂണ്ടി തട്ടിക്കൊണ്ട് പോയി പീഡിപ്പിച്ചു; യുവാവ് അറസ്റ്റിൽ

ഇസ്ലാമാബാദ്: പാകിസ്ഥാനിൽ പോലീസ് ഉദ്യോഗസ്ഥയെ യുവാവ് തട്ടിക്കൊണ്ട് പോയി ലൈംഗികമായി പീഡിപ്പിച്ചു. പഞ്ചാബ് പ്രവശ്യയിലെ മുസഫർഘഡ് ജില്ലയിൽ ഞായറാഴ്ചയാണ് സംഭവം. തോക്ക് ചൂണ്ടി ഭീഷണിപ്പെടുത്തി കാറിൽ കയറ്റിക്കൊണ്ട് പോയാണ് പോലീസ് ഉദ്യോഗസ്ഥയെ പീഡനത്തിനിരയാക്കിയത്.



200 കോടിയുടെ സാമ്പത്തിക തട്ടിപ്പ്; നടി ലീന മരിയ പോളിനെ ഡല്‍ഹി പോലീസ് അറസ്റ്റ് ചെയ്തു

പരിക്കേറ്റ പോലീസ് ഉദ്യോഗസ്ഥയെ വൈദ്യ പരിശോധനയ്ക്ക് വിധേയമാക്കി. ഇവരെ മുസഫർ നഗർ ഡിസ്ട്രിക്റ്റ് ഹെഡ് കോർട്ടേഴ്സിലേക്ക് മാറ്റിയതായി പോലീസ് വക്താവ് വസീം ഖാൻ പറഞ്ഞു. സംഭവത്തിൽ കേസ് രജിസ്റ്റർ ചെയ്ത് അന്വേഷണം ആരംഭിച്ചെന്ന് അദ്ദേഹം വ്യക്തമാക്കി. പ്രതിയെന്ന് സംശയിക്കുന്ന യുവാവിനെ അറസ്റ്റ് ചെയ്തതായി പോലീസ് ഉദ്യോഗസ്ഥയെ തട്ടിക്കൊണ്ട് പോയ കാറ് കണ്ടെടുത്തതായും അദ്ദേഹം കൂട്ടിച്ചേർത്തു.

പോലീസിലെ ക്രൈം കേസുകൾ അന്വേഷിക്കുന്ന വിഭാഗത്തിലെ ഉദ്യോഗസ്ഥയാണ് പീഡനത്തിനിരയായ പോലീസ് ഉദ്യോഗസ്ഥ. തോക്ക് ചൂണ്ടി ഭീഷണിപ്പെടുത്തി കാറിൽ കയറ്റി ചമൻ ബൈപാസിനടുത്തുള്ള ഒറ്റപ്പെട്ട സ്ഥലത്തേക്ക് കൊണ്ട് പോകുകയായിരുന്നു. തോക്ക് ചൂണ്ടി ഭീഷണിപ്പെടുത്തി ബലാത്സംഗം ചെയ്യാൻ ശ്രമം നടത്താനും പ്രതി ശ്രമിച്ചു.

തോക്ക് ഉപയോഗിച്ച് വീഡിയോ; ആഗ്രയിലെ വൈറൽ വനിത പോലീസ് ഉദ്യോഗസ്ഥ രാജിവച്ചു

പോലീസ് ഉദ്യോഗസ്ഥയ്ക്ക് നേരെ ലൈംഗികാതിക്രമം ഉണ്ടായെന്ന വാർത്ത പുറത്തുവന്നതിന് പിന്നാലെ പോലീസിനെതിരെ വ്യാപകമായ എതിർപ്പാണ് ഉയരുന്നത്. പാകിസ്ഥാനിൽ സ്ത്രീകൾക്കും പ്രായപൂർത്തിയാകാത്ത പെൺകുട്ടികൾക്കും എതിരായ ലൈംഗികാതിക്രമം ഉയരുകയാണെന്ന ആരോപണം ശക്തമാണ്. ബലാത്സംഗ കേസുകളും സ്ത്രീ പീഡനക്കേസുകൾ റിപ്പോർട്ട് ചെയ്തിട്ടും പോലീസിൻ്റെ ഭാഗത്ത് നിന്നും ശക്തമായ നടപടികൾ ഉണ്ടാകുന്നില്ലെന്ന ആരോപണം സമൂഹമാധ്യമങ്ങളിലടക്കം ശക്തമാണ്.

സ്ത്രീകൾക്കെതിരായ അതിക്രമങ്ങളിൽ പോലീസും സർക്കാരും മൗനം പാലിക്കുകയാണെന്ന ആരോപണമാണ് പ്രധാനമായും ഉയരുന്നത്. സ്കൂളുകളിൽ പോലും പെൺകുട്ടികൾ സുരക്ഷിതരല്ലെന്ന് സമീപകാല റിപ്പോർട്ടുകൾ വ്യക്തമക്കുന്നുണ്ട്. ഒരു

വിദ്യാർഥിനിയുടെ പരാതിയിൽ റാവൽപിണ്ടിയിൽ പ്രിൻസിപ്പളും അധ്യാപികയെയും പോലീസ് അറസ്റ്റ് ചെയ്തിരുന്നു.

അതേസമയം, എയര്‍ ഹോസ്റ്റസ് പരിശീലനം നടത്തുകയായിരുന്ന 22 കാരി ഗുജറാത്തിൽ പീഡിപ്പിക്കപ്പെട്ടു. ഗുജറാത്തിലെ അഹമ്മദാബാദിലാണ് സംഭവം. ഇന്‍സ്റ്റാഗ്രാമിലൂടെ പരിചയപ്പെട്ട സുഹൃത്തായ അജിത് ത്രിവേദി ആണ് യുവതിക്ക് മയക്കുമരുന്ന് ബലാത്സംഗം ചെയ്തത്. എഞ്ചിനിയറിങ് വിദ്യാര്‍ഥിയായ പ്രതിയെ അഹമ്മദാബാദിലെ വെജൽപൂരിലെ വീട്ടിൽ നിന്നാണ് പോലീസ് പിടികൂടിയത്. പരാതിക്കാരിയായ യുവതിയുടെ വീടും വെജൽപൂരിൽ തന്നെയാണ്.

കത്തി കാട്ടി ഭീഷണിപ്പെടുത്തിയ കള്ളനെ നാട്ടുകാര്‍ ‘കൈവെച്ചു’; പോലീസിൽ പരാതിയുമായി മോഷ്ടാവ്

പീഡന ദൃശ്യങ്ങൾ പ്രതി ഫോണിൽ പകര്‍ത്തുകയും പിന്നീട് ഈ ദൃശ്യങ്ങള്‍ കാണിച്ച് പലവട്ടം പീഡിപ്പിക്കുകയും ചെയ്തെന്ന് യുവതിയുടെ പരാതിയിൽ പറയുന്നുണ്ട്. ഏഴ് മാസങ്ങള്‍ക്ക് മുൻപാണ് ഇൻസ്റ്റാഗ്രാമിലൂടെ ത്രിവേദിയുമായി പരിചയപ്പെടുന്നത്. പിന്നീട്, ഇവര്‍ സമൂഹ മാധ്യമങ്ങളിലൂടെ ചാറ്റ് ചെയ്യാനും ആരംഭിച്ചു. പിന്നീട്, ഇരുവരും ഫോൺ നമ്പരുകള്‍ കൈമാറുകയും ഫോണ്‍ വിളിക്കാനും തുടങ്ങി. അതിനിടെ ഇരുവരും നേരിട്ട് കാണാനും പദ്ധതിയിട്ടു. ഏപ്രിൽ മാസത്തിലാണ് ഇവര്‍ കാണാൻ പദ്ധതിയിട്ടത്. ഇതിന്റെ അടിസ്ഥാനത്തിൽ ത്രിവേദി പെൺകുട്ടിയെ സ്വന്തം വീട്ടിലേക്ക് ക്ഷണിക്കുകയായിരുന്നു. അവിടെ എത്തിയ പെൺകുട്ടിക്ക് മയക്കുമരുന്ന് കലര്‍ത്തിയ ശീതള പാനീയം നൽകി ബലാത്സംഗം ചെയ്യുകയായിരുന്നുവെന്ന് പരാതിക്കാരി പോലീസിനോട് പറഞ്ഞു.