ജോലി നോൺവെജ് വിഭവങ്ങളും ഉരുളകിഴങ്ങും തിന്നുക, ശമ്പളം 50,000 രൂപ

കൊവിഡ്-19 മഹാമാരി പലരുടെയും ജീവിതത്തിൽ ദുരിതം വിതച്ചത് പലവിധത്തിലാണ്. ചിലർക്ക് ജീവൻ തന്നെ നഷ്ടപ്പെട്ടപ്പോൾ ചിലർക്ക് ജോലി നഷ്ടപ്പെട്ടു. ജോലിയിൽ തുടരാൻ പലർക്കും ശമ്പളം വെട്ടിക്കുറയ്ക്കേണ്ടി വന്നു. തൊഴിൽരഹിതരാവാതിരിക്കാൻ പലരും വിദ്യാഭ്യാസ യോഗ്യത നോക്കാതെ ഏതെങ്കിലും ജോലി ഏറ്റെടുക്കാൻ തയ്യാറായ ഒരു കാലമുണ്ടായിരുന്നു. ഈ പ്രശ്‌നങ്ങൾക്കെല്ലാം ഇടയിൽ ചിലർക്ക് തങ്ങളുടെ സ്വപ്ന ജോലിയായി മാറിയേക്കാവുന്ന ഒരു ജോലിയുമായി എത്തിയിരിക്കുകയാണ് യുകെയിലെ ബോട്ടാനിസ്റ്റ് എന്ന് പേരുള്ള ഭക്ഷണശാല. ഉരുളക്കിഴങ്ങ് വിഭവങ്ങളും വിവിധ തരം മാംസാഹാരങ്ങളും രുചിക്കുക എന്നതാണ് ജോലി. ശമ്പളം 500 യൂറോ, ഏകദേശം 50,000 രൂപ. ഭക്ഷണശാല പ്രോ-ടാറ്റോ-ടാറ്റർ എന്ന സ്ഥാനത്തേക്കാണ് അപേക്ഷ ക്ഷണിച്ചിരിക്കുന്നത്.



വൈറലായി ക്രമനമ്പറിട്ട സമോസ, ബാർകോഡും കൂടെ ചേർക്കാമായിരുന്നു എന്ന് സൈബർലോകം

ജോലിയുടെ ഭാഗമായി, വിവിധ തരത്തിൽ ഫ്രൈ ചെയ്ത ഉരുളക്കിഴങ്ങ് രുചിക്കണം. കൂടാതെ, മാംസാഹാരംങ്ങളും രുചിക്കേണ്ടിവരും. പ്രോ-ടാറ്റോ-ടാറ്റർ കഴിച്ചു നല്ലത് എന്ന് സാക്ഷ്യപ്പെടുത്തിയ വിഭവങ്ങൾ മാത്രമേ ബോട്ടാനിസ്റ്റ് തങ്ങളുടെ ഉപഭോക്താക്കൾക്ക് വിൽക്കൂ. ‘നിങ്ങൾക്ക് ഉരുളക്കിഴങ്ങ് ഇഷ്ടമാണെങ്കിൽ, ഇതാണ് നിങ്ങൾക്ക് ഏറ്റവും നല്ല ജോലി’ എന്നാണ് ഭക്ഷണശാല പരസ്യം ചെയ്തിരിക്കുന്നത്. ഏറ്റവും മികച്ച ഉരുളക്കിഴങ്ങ് വിഭവങ്ങൾ ഉപഭോക്താക്കൾക്ക് എത്തിക്കുന്നതിനാണ് ഈ ജോലിക്കായി ആളെ തിരയുന്നത് എന്നാണ് ഭക്ഷണശാല പറയുന്നത്.

ബർഗർ ഡേ സ്പെഷ്യൽ! ബർഗറുകളെക്കുറിച്ച് നിങ്ങൾക്കറിയാത്ത 7 കാര്യങ്ങൾ

ഈ ജോലിക്ക് നിയോഗിക്കപ്പെടുന്ന വ്യക്തി ഉരുളക്കിഴങ്ങ് കൊണ്ടുള്ള വിഭവങ്ങൾ കൂടാതെ ബീഫ്, കോഴി, ആട്, പന്നിയിറച്ചി എന്നിവയുൾപ്പെടെ നാല് തരം മാംസവും രുചിക്കണം. അത് കൊള്ളാലോ? എന്നാൽ പിന്നെ ഈ ജോലിയ്ക്ക് ഒന്ന് ട്രൈ ചെയ്യാം എന്നാണോ ഇപ്പോൾ ചിന്തിക്കുന്നത്? എങ്കിൽ, ബൊട്ടാണിസ്റ്റ് ഈ മാസം 19ന് ഒരു ടെസ്റ്റ് ക്രമീകരിച്ചിട്ടുണ്ട്. ഇതിൽ വിവിധ ഫ്രൈ ചെയ്ത വിഭവങ്ങൾ റോസ്റ്റ് ഡിന്നറിൽ കഴിച്ച് അപേക്ഷകൻ 500 വാക്കുകളുള്ള ഒരു ഉപന്യാസം എഴുതണം. ഇതിനുപുറമെ, ഉരുളക്കിഴങ്ങിന്റെ രുചിയെക്കുറിച്ച് 60 സെക്കൻഡ് ദൈർഘ്യമുള്ള ഒരു വീഡിയോ നിർമിക്കേണ്ടതുണ്ട്.

ജോലിക്കായി അപേക്ഷിക്കാൻ പ്ലാനുണ്ടെങ്കിൽ ഈ ലിങ്കിൽ ക്ലിക്ക് ചെയ്യുക – ബൊട്ടാനിസ്റ്റ് പ്രോ-ടാറ്റോ ടെസ്റ്റർ (nwtc.uk.com).