Sumayya P | Samayam Malayalam | Updated: Sep 6, 2021, 4:23 PM
അഫ്ഗാനിലെ ഖത്തർ അംബാസഡർ കാബൂള്‍ വിമാനത്താവളത്തില്‍ എത്തി സാധനങ്ങള്‍ ഏറ്റുവാങ്ങി
ഹൈലൈറ്റ്:
- 17 ടൺ സാധനങ്ങള്‍ ആണ് ഇന്നലെ എത്തിയത്.
- അടുത്ത ദിവസങ്ങളില്‍ കൂടുതല്‍ വിമാനങ്ങൾ കാബൂളിലെത്തിക്കാന്‍ ഒരുങ്ങി ഖത്തര്‍
ഖത്തര്‍: അഫ്ഗാനിസ്താന് സഹായവുമായി ഖത്തര്‍. താലിബാൻ ഭരണംപിടിച്ചതിനു പിന്നാലെയാണ് സഹായവുമായി ഖത്തര്‍ എത്തിയിരിക്കുന്നത്. മരുന്നുകളും, ഭക്ഷണങ്ങളും ആണ് ഖത്തർ ചാരിറ്റിയുടെ നേതൃത്വത്തില്‍ അഫ്ഗാനിസ്ഥാനില്‍ എത്തിച്ചിരിക്കുന്നത്. ഇന്നലെ ആണ് ഖത്തർ ചാരിറ്റി ആദ്യ വിമാനം കാബൂള്‍ ഏയര്‍പേര്‍ട്ടില്‍ എത്തിയത്. അഫ്ഗാനിലെ ഖത്തർ അംബാസഡർ സഈദ് ബിൻ മുബാറക് അൽ ഖയാറീന്‍റെ നേതൃത്വത്തിലുള്ള സംഘം കാബൂള്‍ ഏയര്‍പേര്‍ട്ടിലെത്തി സാധനങ്ങള്‍ ഏറ്റുവാങ്ങി.
അഫ്ഗാന്റെ പുനർനിർമാണത്തിന് ഖത്തര്‍ നടത്തിയ മറ്റൊരു ഇടപെടര്‍ ആയിരുന്നു ദുരിതാശ്വാസ സഹായങ്ങൾ എത്തിക്കുന്നത്. കുട്ടികൾക്കുള്ള ഭക്ഷ്യണ സാധനങ്ങള്‍, മരുന്നുകള്‍, ഗോതമ്പ്, അരി തുടങ്ങിയ 17 ടൺ ആവശ്യ സാധനങ്ങള്‍ ആണ് ഇന്നലെ ഖത്തര്‍ ചാരിറ്റിയുടെ നേതൃത്വത്തില്‍ കാബൂളിള്‍ വിമാനത്താവളത്തില്‍ എത്തിച്ചത്.
Also Read: യാത്ര പുറപ്പെടുന്നതിനുമുമ്പുള്ള ആർടിപിസിആർ ആവശ്യമില്ല; ബഹ്റൈനിലേക്കുള്ള പുതിയ നിർദേശങ്ങൾ ഇങ്ങനെ
10,000ത്തോളം കുടുംബങ്ങൾക്ക് ഉപയോഗിക്കാന്‍ സാധിക്കുന്ന സാധനങ്ങള്‍ ആണ് എത്തിച്ചിരിക്കുന്നത്. ഖത്തർ ചാരിറ്റിയെ കൂടാതെ ഖത്തർ ഫണ്ട് ഫോർ ഡെവലപ്മെന്‍റെ സഹായവും ഉണ്ടായിരുന്നു. അടുത്ത ദിവസങ്ങളിലായി ദോഹയിൽ നിന്നും മറ്റൊരു വിമാനവും കാബൂളിലെത്തും. ദുരിതാശ്വാസ പ്രവര്‍ത്തനങ്ങള്‍ക്ക് ആവശ്യമായ സാധനങ്ങള്‍ വഹിച്ചാണ് വിമാനങ്ങള്‍ കാബൂളിള്‍ എത്തുക. ഹാമിദ് കർസായി വിമാനത്താവളത്തിന്‍റെ അറ്റകുറ്റ പണികള്‍ പുരോഗമിക്കുകയാണ്. ഏറ്റുമുട്ടലിന്‍റെ ഭാഗമായി തകര്‍ന്ന വിമാനത്താവളത്തിന്‍റെ പണികള്‍ പുരോഗമിക്കുന്നത് ഖത്തറിന്‍റെ നേതൃത്വത്തിൽ ആണ്. ഖത്തറിനെ കൂടാതെ തുർക്കി നിന്നുള്ള വിദഗ്ധ സംഘം വിമാനത്താവളത്തിന്‍റെ നിര്‍മ്മാണ പ്രവര്‍ത്തനങ്ങള്‍ക്ക് മേല്‍ നോട്ടം വഹിക്കുന്നുണ്ട്.
അതേസമയം, ഖത്തറുമായി ബന്ധം ഊട്ടി ഉറപ്പിക്കുകയാണ് സൗദി. സൗദി ആഭ്യന്തരമന്ത്രി അബ്ദുല്ലസീസ് ബിൻ സൗദ് ബിൻ നെയ്ഫ് ബിൻ അബ്ദുല്ലസീസ് അൽ സൗദ് രാജകുമാരന്‍ ഖത്തര്‍ സന്ദര്‍ശനത്തിലാണ്.
ശനിയാഴ്ച ദേഹയിലെത്തിയ അദ്ദേഹത്തിന് ഖത്തര്‍ വലിയൊരു വരവേല്‍പ്പ് നല്‍കിയാണ് സ്വീകരിച്ചത്. ഖത്തർ പ്രധാനമന്ത്രിയും ആഭ്യന്തരമന്ത്രിയുമായ ഷെയ്ഖ് ഖാലിദ് ബിൻ ഖലീഫ ബിൻ അബദുല്ലസീസ് അൽതാനിയുമായി സൗദി വിദേശകാര്യമന്ത്രി കഴിഞ്ഞ ദിവസം കൂടിക്കാഴ്ച നടത്തിയിരുന്നു.2022 ഫിഫ ലോകകപ്പിനായി നടത്തിയിട്ടുള്ള തയ്യാറെപ്പുകള്‍ അധികൃതര്‍ അബ്ദുല്ലസീസ് ബിൻ സൗദ് ബിൻ നെയ്ഫ് ബിൻ അബ്ദുല്ലസീസ് അൽ സൗദിനോട് വിശദീകരിച്ചു.
Also Read: 
സൗദി അറേബ്യയില്‍ സ്‍ത്രീകളെ ശല്യം ചെയ്ത 30 വയസുകാരന്‍ പിടിയില്‍
ഖത്തറിന്‍ മേലുള്ള ഉപരോധം സൗദി പിന്‍വിലിച്ചതിനു ശേഷം ഇരു രാജ്യങ്ങളും തമ്മില്‍ വലിയ സൗഹൃദത്തിലാണ്. അൽ ഉല കരാറിൽ ഇരു രാജ്യങ്ങളും ഒപ്പുവെച്ചിട്ടുണ്ട്. സൗദിയും ഖത്തറും തമ്മിൽ വ്യാപാര ബന്ധവും, യാത്രാ ബന്ധവും നയതന്ത്ര വാണിജ്യ ബന്ധങ്ങളും ഇപ്പോള്‍ ശക്തമായിട്ടുണ്ട്. ഇരു രാജ്യങ്ങളുടേയും കര വ്യോമ, അതിര്‍ത്തികള്‍ വഴി വ്യാപാര ഇടപാടുകള്‍ സജീവമായി നടക്കുന്നുണ്ട്.
കൂടാതെ രണ്ട് രാജ്യങ്ങളും തമ്മിലുള്ള സ്വകാര്യ മേഖലകളിലെ ബന്ധം ശക്തിപ്പെടുത്താനും ഇരു രാജ്യങ്ങളും തീരുമാനിച്ചിട്ടുണ്ട്. ഇതിന് വേണ്ടി ഖത്തർ-സൗദി ബിസിനസ് കൗൺസിലിന്റെ പ്രവര്‍ത്തനം സജീവമാക്കാന്‍ ആണ് ഖത്തറിന്‍റെ തീരുമാനം
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : qatar delivers food and medical aid to kabul
Malayalam News from malayalam.samayam.com, TIL Network
