ഇടുക്കിയിൽ വീട്ടമ്മയെ കൊന്ന് അടുക്കളയിൽ കുഴിച്ചിട്ട സംഭവം; പ്രതി പിടിയില്‍

കൊച്ചി: ഇടുക്കി പണിക്കൻകുടിയിൽ യുവതിയെ കൊലപ്പെടുത്തി അടുക്കളയിൽ കുഴിച്ചിട്ട സംഭവത്തിൽ പ്രതി ബിനോയി അറസ്റ്റിൽ. പെരിഞ്ചാംകുട്ടിയിൽ നിന്നാണ് ഇയാൾ പിടിയിലായത്. വെളത്തൂവൽ പോലീസാണ് ഇയാളെ പിടികൂടിയത്. പ്രതിയെ ചോദ്യം ചെയ്യുന്നതിലൂടെ കൊലപാതകത്തിന്റെ കൂടുതൽ വിവരങ്ങൾ പുറത്തുവരുമെന്നാണ് പോലീസ് കരുതുന്നത്.



കൊലപാതകത്തിനു ശേഷം കഴിഞ്ഞ 20 ദിവസം പ്രതി ഒളിവിലായിരുന്നു. ഒളിവിൽ കഴിയവെ രണ്ട് സുഹൃത്തുക്കളുമായും ഒരു പോലീസ് ഉദ്യോഗസ്ഥനുമായും പ്രതി ആശയവിനിമയം നടത്തിയിരുന്നു. ഇതിനിടെയാണ് പ്രതിയുള്ള സ്ഥലത്തേക്കുറിച്ച് സൂചന ലഭിച്ചത്. മൊബൈൽ ലൊക്കേഷൻ അനുസരിച്ച് പാലക്കാടും പൊള്ളാച്ചിയിലും പ്രതിക്കായി പോലീസ് തെരച്ചിൽ നടത്തിയിരുന്നു.

സിന്ധുവിനെ കൊലപ്പെടുത്തിയത് ശ്വാസം മുട്ടിച്ച്; മർദ്ദനത്തിൽ വാരിയെല്ലുകൾ പൊട്ടി: പോസ്റ്റ്മോർട്ടം റിപ്പോർട്ട്

ബിനോയിയുടെ അടുക്കളയിൽ കുഴിച്ചിട്ട നിലയിലായിരുന്നു സിന്ധുവിന്റെ മൃതദേഹം. തല പ്ലാസ്റ്റിക്ക് ഉപയോഗിച്ച് മറച്ച നിലയിലായിരുന്നു. ശരീരത്തിൽ വസ്ത്രങ്ങളുമായിരുന്നില്ല. ശനിയാഴ്ചയാണ് സിന്ധുവിന്റെ മൃതദേഹം കണ്ടെത്തിയത്. മകനും സഹോദരനും എത്തിയാണ് മൃതദേഹം കാമാക്ഷി താമഠത്തിൽ സിന്ധുവിന്റേതാണെന്ന് തിരിച്ചറിഞ്ഞത്.

ഇടുക്കി തഹസിൽദാരുടെ നേതൃത്വത്തിലാണ് മൃതദേഹം പുറത്തെടുത്തത്. ശ്വാസം മുട്ടിക്കുന്നതിനിടെ സിന്ധുവിന് മർദ്ദനമേറ്റെന്നാണ് പോസ്റ്റ്മോർട്ടം റിപ്പോർട്ട് വ്യക്തമാക്കുന്നത്. വാരിയെല്ലുകൾ ഒടിഞ്ഞ് അകന്ന നിലയിലായിരുന്നു. കഴിഞ്ഞ 12 മുതലാണ് സിന്ധുവിനെ കാണാതായത്. പണിക്കൻ കുടിയിൽ വാടക വീടെടുത്ത് ഇളയ മകനോടൊപ്പമാണ് സിന്ധു താമസിച്ചിരുന്നത്. അന്വേഷണം നടക്കുന്നതിനിടെയാണ് അയൽവാസിയായ ബിനോയി ഒളിവിൽ പോയത്. ഇതോടെയാണ് സിന്ധുവിന്റെ തിരോധാനത്തിനു പിന്നിൽ ബിനോയിക്ക് പങ്കുണ്ടെന്ന സംശയം ഉയർന്നത്.

സിന്ധുവിനെ കാണാതായതിനു തലേന്ന് വീട്ടിൽ വഴക്കുണ്ടായതായി ബന്ധുക്കൾ പറയുന്നു. അകന്നു കഴിയുന്ന ഭർത്താവിനെ സിന്ധു കാണാൻ പോയതാണ് പ്രതിയെ പ്രകോപിപ്പിച്ചത്. ഇതുമായി ബന്ധപ്പെട്ട തർക്കം കൊലപാതകത്തിൽ കലാശിക്കുകയായിരുന്നുവെന്നാണ് പോലീസിന്റെ നിഗമനം. സിന്ധു കഴിഞ്ഞ അഞ്ച് വർഷമായി ബിനോയിയുടെ വീടിനു സമീപത്താണ് താമസിച്ചിരുന്നത്. ഇരുവരും അടുപ്പത്തിലായിരുന്നു. അകന്നു കഴിയുന്ന ഭർത്താവ് ബാബുവിന് ഈയിടെ കാൻസർ ബാധിക്കുകയും കോട്ടയം മെഡിക്കൽ കോളേജിൽ ചികിത്സ തേടുകയും ചെയ്തിരുന്നു. ഇതിനിടെയാണ് എതിർപ്പ് വകവെയ്ക്കാതെ സിന്ധു ഭർത്താവിനെ കാണാൻ പോയത്.

സിഐടിയുവിനെ പഴിചാരരുത്; ഐഎസ്ആര്‍ഓയുടെ ഭീമൻ യന്ത്രത്തിനു നോക്കൂകൂലി ചോദിച്ചതിൽ പങ്കില്ലെന്ന് സംഘടന

സിന്ധുവിന്റെ സഹോദരന്റെ കേസുമായി ബന്ധപ്പെട്ട് ആറ് വർഷം മുമ്പ് കോടതിയിൽ എത്തിയപ്പോഴാണ് സിന്ധുവും ബിനോയിയും പരിചയപ്പെടുന്നത്. മറ്റൊരു ക്രിമിനൽ കേസിൽ കോടതിയിൽ എത്തിയതായിരുന്നു ബിനോയി. ബിനോയി മുൻകയ്യെടുത്താണ് സിന്ധുവിനെ വീടിനു സമീപത്ത് വാടകയ്ക്ക് താമസിപ്പിച്ചത്. 2013 ൽ ഭാര്യയുമായി ബിനോയി ബന്ധം വേർപെടുത്തിയിരുന്നു. നിരവധി ക്രമിനൽ കേസുകളിൽ ബിനോയി പ്രതിയാണ്. ബിനോയിക്ക് സംശയ രോഗം ഉണ്ടായിരുന്നതിനാൽ സിന്ധുവിനെ മറ്റെങ്ങും പോകാൻ അനുവദിച്ചിരുന്നില്ലെന്നാണ് വിവിധ മാധ്യമങ്ങൾ റിപ്പോർട്ട് ചെയ്തത്.

മകനെ സഹോദരിയുടെ വീട്ടിൽ കൂട്ടുകിടക്കാൻ പറഞ്ഞയച്ച ശേഷമാണ് പ്രതി സിന്ധുവിനെ വകവരുത്തിയത്. മൃതദേഹം അടുക്കളയിൽ കുഴിച്ചിട്ട ശേഷം ചാണകം ഉപയോഗിച്ച് തറ മെഴുകി. മുകളിൽ അടുപ്പ് നിർമ്മിച്ചു. ഇതിനു മുകളിൽ ജാതിപത്രി ഉണങ്ങാനിടുകയും ചെയ്തു. തെളിവ് നശിപ്പിക്കാനായിരുന്നു പ്രതിയുടെ ശ്രമം. കൂടാതെ കുഴിയിൽ മുളക് പൊടി വിതറുകയും ചെയ്തു. അടുക്കളയിൽ നാലടിയോളം ആഴമുള്ള കുഴിയിൽ ചമ്രംപടിഞ്ഞിരിക്കുന്ന നിലയിലായിരുന്നു മൃതദേഹം. അടുക്കളയുടെ ഭിത്തി പൊളിച്ചു മാറ്റിയ ശേഷമാണ് മൃതദേഹം പുറത്തെടുത്തത്.