വാക്സിനേഷൻ ഡോസുകൾ തമ്മിലുള്ള ഇടവേള കുറയ്ക്കണമെന്ന് ആവശ്യപ്പെട്ട് കിറ്റക്സ് ഗ്രൂപ്പാണ് ഹ‍ര്‍ജി നൽകിയത്. രോഗ വ്യാപനം തടയുന്നതിനായി തങ്ങളുടെ ജീവനക്കാ‍ര്‍ക്ക് വേഗത്തിൽ വാക്സിൻ നൽകാൻ അനുവദിക്കണമെന്നായിരുന്നു കിറ്റക്സിന്റെ ആവശ്യം.
പ്രതീകാത്മക ചിത്രം
ഹൈലൈറ്റ്:
- താൽപര്യമുള്ളവർക്ക് രണ്ടാം ഡോസ് 28 ദിവസത്തിനു ശേഷം പണംകൊടുത്ത് വാങ്ങാം
- കേന്ദ്ര നിലപാട് ഹൈക്കോടതി തള്ളി
- ഇടവേള വ‍ര്‍ദ്ധിപ്പിച്ചാൽ ഫലം കൂടുമെന്ന കേന്ദ്രത്തിന്റെ വാദം അംഗീകരിക്കാൻ കോടതി തയ്യാറായില്ല
കൊച്ചി: കൊവിഷീൽഡ് വാക്സിന്റെ ഒന്നും രണ്ടും ഡോസുകൾ തമ്മിലുള്ള ഇടവേള കുറച്ച് ഹൈക്കോടതി. താൽപര്യമുള്ളവർക്ക് കൊവിഷീൽഡിന്റെ രണ്ടാം ഡോസ് 28 ദിവസത്തിനു ശേഷം സ്വീകരിക്കാമെന്നാണ് ഹൈക്കോടതിയുടെ ഉത്തരവ്. എന്നാൽ സർക്കാരിന്റെ വാക്സിനേഷൻ പരിപാടിക്ക് ഈ ഉത്തരവ് ബാധകമല്ല.
വാക്സിൻ ഡോസുകൾ തമ്മിലുള്ള ഇടവേള കുറയ്ക്കണമെന്ന് ആവശ്യപ്പെട്ട് കിറ്റക്സ് ഗ്രൂപ്പാണ് ഹ‍ര്‍ജി നൽകിയത്. എന്നാൽ ഇതിനെ കേന്ദ്രം എതി‍ര്‍ത്തു. കേന്ദ്രത്തിന്റെ നിലപാട് തള്ളിയാണ് ഹൈക്കോടതി ഉത്തരവിട്ടിരിക്കുന്നത്. രോഗ വ്യാപനം തടയുന്നതിനായി തങ്ങളുടെ ജീവനക്കാ‍ര്‍ക്ക് വേഗത്തിൽ വാക്സിൻ നൽകാൻ അനുവദിക്കണമെന്നായിരുന്നു കിറ്റക്സിന്റെ ആവശ്യം.
നിപ: കണ്ണൂർ, മലപ്പുറം, വയനാട് ജില്ലകളിൽ ജാഗ്രത വേണമെന്ന് കേന്ദ്രം
മുഴുവൻ ജീവനക്കാ‍ര്‍ക്കും വാക്സിൻ നൽകാൻ വാക്സിൻ വാങ്ങി സ്റ്റോക്ക് ചെയ്തിരുന്നു. എന്നാൽ കേന്ദ്രത്തിന്റെ മാനദണ്ഡം അനുസരിച്ച് വാക്സിൻ നൽകുമ്പോൾ 84 ദിവസം വരെ വാക്സിൻ കേടുകൂടാതെ സൂക്ഷിക്കാനാകില്ലെന്നും അടിയന്തരമായി വാക്സിനെടുക്കാൻ അനുവദിക്കണമെന്നും കിറ്റക്സ് വാദിച്ചു. 84 ദിവസം എന്ന ഇടവേള രാജ്യത്താകമാനം നടപ്പാക്കുന്നില്ലെന്ന് ഹൈക്കോടതി ചൂണ്ടിക്കാട്ടി.
അടിയന്തര വിദേശ യാത്ര നടത്തുന്ന വിദ്യാ‍ര്‍ത്ഥികൾ അടക്കമുള്ളവര്‍ക്ക് 28 ദിവസത്തെ ഇടവേളയ്ക്കുള്ളിൽ വാക്സിൻ നൽകുന്നുണ്ട്. വാക്സിന്റെ കാര്യത്തിൽ രാജ്യത്തെ ജനങ്ങൾക്ക് രണ്ടുതരം നീതി ശരിയല്ല. സ്വന്തം പണം മുടക്കി വാക്സിൻ വാങ്ങുന്നവ‍ര്‍ക്കെങ്കിലും 28 ദിവസത്തെ ഇടവേളയ്ക്കുള്ളിൽ വാക്സിൻ നൽകാൻ അനുമതി നൽകണമെന്ന് ഹൈക്കോടതി വ്യക്തമാക്കി.
കർഷകർ പ്രഖ്യാപിച്ച ഭാരത് ബന്ദ് വിജയിപ്പിക്കുക; ആഹ്വാനവുമായി സിപിഎം
വാക്സിൻ ഇടവേള കുറച്ച് സ്ലോട്ട് ബുക്ക് ചെയ്യാനുള്ള സംവിധാനം അടിയന്തരമായി കൊവിൻ ആപ്പിലും വെബ്സൈറ്റിലും ഉൾപ്പെടുത്താൻ ഹൈക്കോടതി നി‍ര്‍ദ്ദേശിച്ചു.
2021 ജനുവരിയിൽ വാക്സിനേഷൻ ആരംഭിക്കുമ്പോൾ ഒന്നും രണ്ടും ഡോസുകൾ തമ്മിലുള്ള അകലം 42 ദിവസമായിരുന്നു. കേന്ദ്ര ആരോഗ്യ മന്ത്രാലയം ഇടപെട്ടാണ് ഇത് 84 ദിവസമായി ഉയ‍ര്‍ത്തിയത്. ഇടവേള വ‍ര്‍ദ്ധിപ്പിച്ചത് വാക്സിന്റെ ശരിയായ ഫലം ലഭിക്കുന്നതിനാണെന്നാണ് കേന്ദ്രത്തിന്റെ വാദം. ഇടവേള വ‍ര്‍ദ്ധിപ്പിച്ചാൽ ഫലം കൂടുമെന്ന കേന്ദ്രത്തിന്റെ വാദം അംഗീകരിക്കാൻ കോടതി തയ്യാറായില്ല.
കോടികളുടെ നിക്ഷേപ തട്ടിപ്പ്; കല്ലാച്ചിയിലെ ജ്വല്ലറി പോലീസ് അടച്ച് പൂട്ടി സീല്‍ ചെയ്തു
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : kerala high court on covishield vaccine dose gap
Malayalam News from malayalam.samayam.com, TIL Network
