ഈ വർഷം രണ്ട് ലക്ഷത്തിലധികം തൊഴിലുകൾ കൂടി സ്വദേശികൾക്ക് വേണ്ടി കണ്ടെത്തും: സൗദി

​തൊഴിൽ രംഗത്ത്​ ഗുണമേന്മയും സമഗ്രതയും ഉറപ്പാക്കുക

മന്ത്രാലയ ഉദ്യോഗസ്ഥരുടെയും സ്വകാര്യ മേഖലയിലെ പ്രതിനിധികളുടെ സാന്നിധ്യത്തില്‍ ആയിരുന്നു കൂടിക്കാഴ്ച നടന്നത്. സൗദി കൗൺസിൽ ഓഫ് ചേംബേഴ്സുമായി സഹകരിച്ചാണ് തൊഴിൽ വിപണിയുമായി ബന്ധപ്പെട്ട വിഷയങ്ങളിൽ തീരുമാനമെടുക്കുന്നതെന്ന് സൗദി മാനവ വിഭവശേഷി വകുപ്പ് മന്ത്രി അഹമദ് ബിൻ സുലൈമാൻ അൽറാജിഹി പറഞ്ഞു. സ്വദേശികള്‍ക്ക് തൊഴില്‍ രംഗത്ത് ഗുണമേന്മയും സമഗ്രതയും ഉറപ്പാക്കുക. രാജ്യത്തെ ബിസിനസ് സേവനങ്ങളുടെ ഗുണനിലവാരം ഉയര്‍ത്തുക, ഇതിന് ആവശ്യമായ പ്രവര്‍ത്തനങ്ങള്‍ കണ്ടെത്തി അത് നടപ്പിലാക്കുകയെന്നാണ് എന്നിവയാണ് ലക്ഷ്യം വെക്കുന്നത്.

​ഡിജിറ്റൽ ലോകത്തേക്കുള്ള പ്രയാണത്തിന്‍ സൗദി

സമ്പൂർണ ഡിജിറ്റൽ പരിവർത്തനത്തിലേക്കുള്ള പ്രവര്‍ത്തനങ്ങളിലാണ് സൗദി ഇപ്പോള്‍. ഓഫീസ് പ്രവര്‍ത്തനങ്ങള്‍ എല്ലാം ഇലക്ട്രോണിക് പ്ലാറ്റ്ഫോമിലൂടെയാണ് നടക്കുന്നത്. പ്രതിദിനം 21,000 ത്തിലധികം ജോലികൾ ആണ് ഇപ്പോള്‍ നടക്കുന്നത്. ആദ്യം ഇത് 700 ആയിരുന്നു. സൗദി രാജകുമാരന്‍ പ്രഖ്യാപിച്ച വിഷൻ 2030ന്‍റെ ഭാഗമായാണ് തൊഴിൽ വിപണിയില്‍ വലിയ മന്നേറ്റവുമായി സൗദി മുന്നോട്ട് പോകുന്നത്. പുതിയ ഭാവി മുന്നില്‍ കണാനും തൊഴിൽ രീതികളിൽ മാറ്റങ്ങൾ വരുത്താനും ഇതിലൂടെ സാധിക്കുന്നു. അതിന് തന്നെയാണ് മന്ത്രാലയം ശ്രമിക്കുന്നത്. കമ്പനി ഉണ്ടാക്കി സ്വതന്ത്ര പ്ലാറ്റ്ഫോം ആരംഭിച്ചു. എട്ട് ലക്ഷത്തിലധികം തൊഴില്‍ രേഖകള്‍ ഇതിനകം നല്‍കി കഴിഞ്ഞു.

​സ്വദേശികള്‍ക്കായി ധാരാളം തൊഴിലവസരങ്ങള്‍

വിദൂര തൊഴിൽ അവസരങ്ങൾ ഇപ്പോള്‍ ധാരളം സൃഷ്ട്ടിച്ചിട്ടുണ്ട്. 52,000 ത്തിലധികം പേര്‍ക്ക് ഇതിലൂടെ ജോലി നല്‍കാന്‍ സാധിച്ചു. പുരുഷന്മാർക്കും സ്ത്രീകൾക്കും ഇതിലൂടെ പ്രയോജനം ലഭിച്ചതായി സൗദി മാനവ വിഭവശേഷി മന്ത്രി പറഞ്ഞു. സ്വകാര്യമേഖലയിലെ ജീവനക്കാരെ ക്രമീകരിക്കുന്നതിനും സാധിച്ചു.

ദേശീയ തൊഴിൽ വിപണിയിൽ സ്വദേശികളുടെ പങ്കാളിത്തം വര്‍ദ്ധിപ്പിക്കാന്‍ ആണ് സൗദി ഇപ്പോള്‍ തീരുമാനിച്ചിരിക്കുന്നത്. പൂര്‍ണ്ണമായും ഇലക്ട്രോണിക് പ്ലാറ്റ്ഫോമുകളിലേക്ക് തൊഴില്‍ രംഗത്തെ മാറ്റുന്നതിലൂടെ വലിയ രീതിയിലുള്ള മെച്ചമാണ് സൗദി പ്രതീക്ഷിക്കുന്നത്.