ഓടുന്ന കാറി നിന്നും യുവതിയുടെ അര്‍ദ്ധനഗ്നമായ മൃതദേഹം വലിച്ചെറിഞ്ഞ് നിർത്താതെ പോയി

കൊയമ്പത്തൂര്‍‍: ഓടുന്ന കാറിൽ നിന്നും യുവതിയുടെ അര്‍ദ്ധനഗ്നമായ മൃതദേഹം റോഡിലേക്ക് വലിച്ചെറിഞ്ഞു. തിങ്കളാഴ്ച പുലര്‍ച്ചെ അഞ്ച് മണിക്കാണ് സംഭവമുണ്ടായത്. ഇതിന്റെ സിസിടിവി ദൃശ്യങ്ങള്‍ പുറത്തുവന്നിട്ടുണ്ട്.



Also Read : മാധ്യമപ്രവര്‍ത്തകയുടെ ചോദ്യങ്ങള്‍ക്ക് ഉത്തരമായി അശ്ലീലച്ചുവയുള്ള സ്റ്റിക്കര്‍; ‘കളക്ടര്‍ ബ്രോ’യ്ക്കതിരെ കേസ്



കൊയമ്പത്തൂര്‍ ചിന്നിയംപാളയത്ത് അവിനാശി റോഡിലാണ് ഇത്തരത്തിൽ ദാരുണ സംഭവമുണ്ടായിരിക്കുന്നത്. അതേസമയം, മൃതദേഹം ആരുടേതാണെന്ന് തിരിച്ചറിഞ്ഞിട്ടില്ല. ദൃശ്യത്തിലെ കാറിനായുള്ള അന്വേഷണം പുരോഗമിക്കുകയാണ്. മൃതദേഹം ഇപ്പോൾ കൊയമ്പത്തൂർ മെഡിക്കൽ കോളേജിലാണുള്ളത്.

നിരവധി വാഹനങ്ങള്‍ പോകുന്ന വഴിയിലാണ് സംഭവമുണ്ടായത്. മൃതദേഹം വീണതിന് ശേഷവും സമീപത്തുകൂടി ലോറികളും ഓട്ടോറിക്ഷയും അടക്കം പോകുന്നത് കാണാൻ സാധിക്കും. പിന്നാലെ ചില യാത്രക്കാര്‍ വിവരം അറിയിച്ചതിനെ തുട‍‍ർന്ന് പോലീസ് സ്ഥലത്ത് എത്തിയാണ് മൃതദേഹം മാറ്റിയത്.

Also Read : ശ്രീനാരായണ ജയന്തി: ജനയുഗത്തെ വിമർശിച്ച ഇടുക്കി ജില്ല സെക്രട്ടറിക്ക് കാരണം കാണിക്കൽ നോട്ടീസ് അയച്ച് സിപിഐ

പോലീസ് ഇൻസ്പെക്ടര്‍ മുത്തുമണിയുടെ സംഘവുമാണ് മൃതദേഹം കണ്ടെത്തിയത്. ഇവരെത്തിയപ്പോൾ മുഖത്തും തലയിലുമടക്കം വാഹനങ്ങള്‍ കയറിയിറങ്ങി ചതഞ്ഞരഞ്ഞ നിലയിലായിരുന്നുവെന്ന് ടൈംസ് ഓഫ് ഇന്ത്യ റിപ്പോര്‍ട്ട് ചെയ്യുന്നു.

ദുരൂഹമരണത്തിന് സിആര്‍പിസി 174ാം വകുപ്പ് പ്രകാരം കേസെടുത്തിട്ടുണ്ട്. പീളമേട് പൊലീസിനാണ് കേസിന്റെ അന്വേഷണ ചുമതല. രണ്ട് സംഘമായി തിരിഞ്ഞാണ് അന്വേഷണം നടത്തുക. പോസ്റ്റുമോര്‍ട്ടം നടപടികള്‍ക്കായി മൃതദേഹം ഇപ്പോൾ കൊയമ്പത്തൂർ മെഡിക്കൽ കോളേജിലാണുള്ളത്.

Also Read : രാജ്യത്ത് 31,222 രോഗബാധിതർ കൂടി, 290 മരണം; ഇതുവരെ 69 കോടി വാക്സിനേഷൻ



പോലീസ് സിസിടിവി ദൃശ്യങ്ങള്‍ പരിശോധിച്ചു വരികയാണ്. ഒരു എസ് യു വി വാഹനത്തിൽ നിന്നുമാണ് മൃതദേഹം വലിച്ചെറിഞ്ഞത്. പിന്നാലെ, രണ്ട് വാഹനങ്ങള്‍ ശരീരത്തിലൂടെ കയറിയിറങ്ങി പോകുകയുമായിരുന്നു. പാതി നഗ്നമായിട്ടായിരുന്നു പെൺകുട്ടിയുടെ മൃതദേഹമുണ്ടായിരുന്നത്. കൊലപാതകമാണ് എന്നാണ് പോലീസ് സംശയിക്കുന്നത്. പോസ്റ്റുമോര്‍ട്ടം റിപ്പോര്‍ട്ട് വന്നതിന് ശേഷമേ മരണകാരണം വ്യക്തമാകൂ എന്നാണ് പോലീസ് പറയുന്നത്.

മൃതദേഹത്തിൽ സാരമായ മുറിപ്പാടുകളും കണ്ടിരുന്നുവെന്നാണ് റിപ്പോര്‍ട്ടുകള്‍.