ഖ​ത്ത​റി​ലേ​ക്കു​ള്ള യാ​ത്ര സം​ബ​ന്ധി​ച്ച്​ ആ​രോ​ഗ്യ മ​ന്ത്രാ​ല​യ​ത്തിന്‍റെ മു​ന്ന​റി​യി​പ്പു​ക​ൾ ഓ​ർ​മി​പ്പി​ച്ച്​ ഇ​ന്ത്യ​ൻ എം​ബ​സി

ഖത്തര്‍: ഇന്ത്യയില്‍ നിന്ന് ഖത്തറിലേക്കുള്ള യാത്ര സംബന്ധിച്ച് ആരോഗ്യ മന്ത്രാലയത്തിന്‍റെ മുന്നറിയിപ്പുകൾ ഓർമിപ്പിച്ച് ഇന്ത്യൻ എംബസി. ട്വീറ്ററിലൂടെയാണ് അവര്‍ മന്ത്രാലയത്തിന്‍റെ മുന്നറിയിപ്പുകള്‍ ഓര്‍മ്മിച്ചിരിക്കുന്നത്. വാക്സിൻ സ്വീകരിക്കാത്ത കുട്ടികൾക്ക് ടൂറിസ്റ്റ് വിസയിലോ, കുടുംബ വിസയിലോ ഖത്തറിലേക്ക് വരാൻ സാധിക്കില്ല. ഇന്ത്യ ഉൾപ്പെടെ ആറ് രാജ്യങ്ങളിൽ നിന്ന് ഖത്തറിലേക്ക് എത്തുന്നവര്‍ക്ക് ഏര്‍പ്പെടുത്തിയ യാത്രാനിബന്ധനകൾ സംബന്ധിച്ചാണ് അധികൃതര്‍ ഓര്‍മ്മപ്പെടുത്തുന്നത്.



കൊവിഡ് കാരണം ഏര്‍പ്പെടുത്തിയിരുന്ന യാത്രാനിബന്ധനകളിൽ പല തരത്തിലുള്ള ഇളവ് ഖത്തര്‍ നല്‍കിയിട്ടുണ്ട്. സന്ദർശകവിസയിലെത്തുന്ന കുട്ടികളുടെ യാത്രകൾക്ക് ഇതുവരെ ഖത്തര്‍ അനുമതി നല്‍കിയിട്ടില്ല. കുടുംബ സന്ദർശകവിസക്ക് അപേക്ഷിച്ച പലരും കുട്ടികളുടെ കാര്യം വീണ്ടും ഉന്നയിച്ച് സാഹചര്യത്തിലാണ് ഖത്തര്‍ എംബസി ആരോഗ്യമന്ത്രാലയം പുറത്തിറക്കിയ നിബന്ധന വീണ്ടും ഓര്‍മ്മിപ്പിക്കുന്നത്.

Also Read: സൗദിയിലേക്കുള്ള യാത്രമാർഗമായി ബഹ്​റൈൻ മാറുന്നു; പ്രത്യേക പാ​ക്കേജുകളുമായി ട്രാവൽ ഏജൻസികൾ രംഗത്ത്

ആഗസ്റ്റ് രണ്ട് മുതൽ നേപ്പാൾ, ഇന്ത്യ, ഫിലിപ്പീൻസ്, ബംഗ്ലാദേശ്, ശ്രീലങ്ക, പാകിസ്താൻ എന്നീ രാജ്യങ്ങള്‍ക്ക് പുതിയ നിബന്ധനയാണ് ഖത്തര്‍ ഇറക്കിയിരിക്കുന്നത്. കൊവിഡ് നിയന്ത്രണങ്ങളുടെ ഭാഗമായി രാജ്യങ്ങളെ റെഡ്, യെല്ലോ, ഗ്രീൻ എന്നിങ്ങളെ പട്ടികളായാണ് ഖത്തര്‍ തിരിച്ചിരിക്കുന്നത്. കുടുംബ വിസ, സന്ദർശകവിസ എന്നിവയില്‍ അപേക്ഷ നല്‍കിയ പലര്‍ക്കും അടുത്തിടെ വിസ ലഭിക്കുകയുണ്ടായി. വിമാന ടിക്കറ്റും ക്വാറൻറീൻ ഹോട്ടലും ബുക്ക് ചെയ്ത് എയർപോർട്ടിലെത്തുമ്പോള്‍ പലര്‍ക്കും യാത്ര മുടങ്ങുന്ന അവസ്ഥയാണ്. വാക്സിൻ സ്വീകരിക്കാത്ത കുട്ടികൾക്ക് ഖത്തറിലേക്ക് പ്രവേശനം അനുവദിക്കുന്നില്ല. നിരവധി പേരാണ് ഇത്തരത്തില്‍ ടിക്കറ്റ് കിട്ടാതെ പോകുന്നത്. പലരും പരാതിയുമായി എംബസിയെ ബന്ധപ്പെട്ടപ്പോള്‍ ആണ് ഇതു സംബന്ധിച്ച കാര്യങ്ങളില്‍ വ്യക്തത വരുത്തി എംബസി രംഗത്തെത്തിയത്.

ഖത്തർ ഐഡി ഉള്ളവർക്കും കുടുംബ റെസിഡൻറ് വിസയുള്ളവർക്കും ഖത്തറിലേക്ക് തിരിച്ചെത്താം. ക്വാറൻറീൻ കഴിഞ്ഞ ശേഷം മാത്രമേ ഇവര്‍ക്ക് പുറത്തിറങ്ങാനുള്ള അവസരം ഖത്തര്‍ നല്‍ക്കുന്നുള്ളു. ഖത്തറിൽ 12 വയസ്സിന് മുകളിലുള്ള കുട്ടികൾക്ക് മാത്രമാണ് കൊവിഡ് വാക്സിന്‍ നല്‍ക്കുന്നത്. പുതിയ നിയമ പ്രകാരം ഖത്തറിൽ നിന്ന് രണ്ടു ഡോസ് വാക്സിൻ സ്വീകരിച്ചവർക്കും, ഖത്തറില്‍ വെച്ച് കൊവിഡ് ബാധിച്ച് അസുഖം മാറിയവര്‍ക്കും രണ്ട് ദിവസം ഹോട്ടൽ ക്വാറൻറീൻ വേണം. രണ്ട് ദിവസത്തിന് ശേഷം ആർ.ടി.പി.സി.ആർ പരിശോധനാഫലം നെഗറ്റിവായാൽ അവര്‍ക്ക് പുറത്തിറങ്ങാം. എന്നാല്‍ ഖത്തറിന് പുറത്തു നിന്നും കൊവിഡ് വാക്സിന്‍ സ്വീകരിച്ചവര്‍ക്ക് 10 ദിവസ ഹോട്ടൽ ക്വാറൻറീൻ വേണം. ഓൺ അറൈവൽ, സന്ദർശകവിസയില്‍ എത്തുന്നവര്‍ക്കും ഈ നിബന്ധനകള്‍ ബാധകമാണ്.