ഫങ്കി ഫ്യൂഷൻ ഗ്രീൻ കോ-ഓർഡ് സെറ്റിൽ സുന്ദരിയായി തമന്ന

വിവാഹത്തിനോ മറ്റ് ഫങ്ഷനുകൾക്കോ മറ്റുള്ളവരേക്കാൾ വ്യത്യസ്തമായി വസ്ത്രം ധരിക്കണമെന്ന് ആഗ്രഹിക്കാത്തവരായി ആരും ഉണ്ടാകില്ല. പക്ഷേ ഈ വ്യത്യസ്തതയിൽ നിന്നും അപ്പോഴും മിക്കവരും പച്ചനിറത്തെ മാറ്റി നിർത്തുന്നു. എന്താണ് പച്ചനിറത്തിന് കുഴപ്പം? പച്ചനിറത്തിലുള്ള വസ്ത്രങ്ങള്‍ വിവാഹം പോലുള്ള ആഘോഷങ്ങള്‍ക്ക് അനുയോജ്യമല്ലെന്നാണ് മിക്കവരുടെയും ധാരണ. പക്ഷേ ഇത് തെറ്റാണെന്ന് തന്‍റെ പുതിയ വസ്ത്ര ഡിസൈൻ കൊണ്ട് തെളിയിക്കുകയാണ് പ്രേക്ഷകരുടെ പ്രിയ താരം തമന്ന ഭാട്ടിയ.



മോർ ഡെയ്ലി ഗ്രീൻസ്:



തമന്ന ഭാട്ടിയയുടെ ഫങ്കി ഫ്യൂഷൻ ഗ്രീൻ കോ-ഓർഡ് സെറ്റ് ആണ് ഇപ്പോൾ സോഷ്യൽ മീഡിയയിൽ താരം. ‘മോർ ഡെയ്ലി ഗ്രീൻസ്’ എന്ന കുറിപ്പോടു കൂടിയാണ് തമന്ന തന്‍റെ പുതിയ വസ്ത്രത്തിലിരിക്കുന്ന ചിത്രം ഇൻസ്റ്റഗ്രാമിൽ പോസ്റ്റ് ചെയ്തിരിക്കുന്നത്. അമ്പരപ്പോടെയാണ് പച്ച വസ്ത്രത്തിലുള്ള തമന്നയുടെ ഭംഗി ആരാധകർ കുറിക്കുന്നത്. എല്ലാവരും അത്ഭുതത്തോടെ തമന്നയുടെ ഭംഗിയെക്കുറിച്ച് പോസ്റ്റിന് താഴെ പുകഴ്ത്തിക്കൊണ്ടേയിരിക്കുന്നു.

ആരോഗ്യകരമായ ജീവിതം നയിക്കുന്നതിനെക്കുറിച്ചുള്ള പരീക്ഷണ നിരീക്ഷണങ്ങളിൽ പ്രധാനപ്പെട്ട ഒന്നാണ് പച്ചനിറം. ആരോഗ്യകരമായിരിക്കാൻ ശരീരത്തിലേക്ക് പച്ചിലകളും മറ്റ് ഇലക്കറികളുമെല്ലാം നിർബന്ധവുമാണ്. ഇതെല്ലാം എല്ലാവർക്കും അറിയുന്ന കാര്യമാണ് എങ്കിലും നമ്മൾ എപ്പോഴും മടിച്ചുനിൽക്കും, അതാണ് പതിവ്.

വസ്ത്ര ധാരണത്തിെൻറ കാര്യത്തില്‍ നമുക്ക് പരീക്ഷിക്കാവുന്ന നിരവധി വ്യത്യസ്തതകള്‍ ഉണ്ട്, ആ കാര്യങ്ങളിലേക്കുള്ള ഓർമ്മപ്പെടുത്തൽ കൂടിയാണ് പച്ചനിറത്തിൽ നിന്ന് തമന്ന ഭാട്ടിയ ഓർമ്മപ്പെടുത്തുന്നത്. നമ്മൾ സാധാരണ ഒരു നടിമാരെയും കാണാത്ത ഒരു സ്റ്റൈലിലാണ് തമന്നയെ കണ്ടത്. ഇതുവരെ ഇങ്ങനെയൊരു വേഷത്തിൽ തമന്ന ഭാട്ടിയയെയും നമ്മൾ കണ്ടിട്ടില്ല. ഒരു ഫ്യൂഷൻ വസ്ത്രം ഇഷ്ടപ്പെടുന്നവർക്ക് ഏറെ ആകർഷകമാവും തമന്ന ഭാട്ടിയയുടെ ഗ്രീൻ കോ-ഓർഡ് പാപ്പാ ഡോണ്ട് പ്രീച്ച് (Papa Don’t Preach by Shubhika) എന്ന ലേബലിൽ തയ്യാരാക്കിയിരിക്കുന്ന വസ്ത്രം. ബാഗി ട്രൗസേഴ്സ്, വ്യത്യസ്‌തമായ എംബ്രോയിഡറി ക്രോപ്പ് ടോപ്പ്, ഒരു വശത്തെ പ്രത്യേക സ്ലീവ് എന്നിവ ഈ ലളിതമായ വസ്ത്രത്തെ ആഘോഷങ്ങൾക്ക് അനുയോജ്യമാവുന്ന രീതിയിൽ തന്നെ ക്രമീകരിച്ചിരിക്കുന്നു.

ചുവന്ന ലെഹംഗയിൽ അതിമനോഹരിയായി കാജൽ അഗർവാൾ

ഫീലിങ് ഫ്ലോറൽ!



പച്ചനിറത്തിൽ മാത്രമല്ല തമന്ന സുന്ദരിയാകുന്നത്. അത് തുറന്നു കാണിക്കുന്നതായിരുന്നു തമന്നയുടെ മറ്റൊരു ഇൻസ്റ്റഗ്രാം പോസ്റ്റ്. ഫ്ലോറൽ ഡിസൈനിലുള്ള മറ്റൊരു വസ്ത്രത്തിൽ അതി മനോഹരിയായി അവർ സാമൂഹിക മാധ്യമങ്ങളിൽ പ്രത്യക്ഷപ്പെട്ടു. ‘ഫീലിങ് ഫ്ലോറൽ’ എന്ന കുറിപ്പോടെയാണ് പൂക്കളുടെ വർണ വിസ്മയങ്ങളുള്ള പുതിയ സ്റ്റൈലൻ വസ്ത്രത്തിൽ തിളങ്ങുന്ന തന്‍റെ ചിത്രം താരം പങ്കുവെച്ചത്. തമന്ന ഭാട്ടിയയുടെ ശരീര സൗന്ദര്യത്തിനോട് അത്രയും അടുത്തു നിൽക്കുന്നതായിരുന്നു ആ കോസ്റ്റ്യൂം എന്നതിൽ ആർക്കും സംശയമുണ്ടാവില്ല.

കഴുത്തിറങ്ങിക്കിടക്കുന്ന ഫുൾ ലെങ്ത് സ്കിന്നി ഫ്ലോറൽ വസ്ത്രത്തിൽ തമന്ന ഭാട്ടിയ അതീവ സുന്ദരിയായി കാണപ്പെടുന്നുവെന്ന് ആരാധകർ കുറിക്കുന്നു. കഴുത്തിൽ ആഭരണങ്ങളണിയാതെ കാതിൽ വളരെ സിംപ്ൾ ആയ ആഭരണമണിഞ്ഞ് നിൽക്കുന്ന തമന്നയുടെ ശൈലി പിന്തുടരുമെന്ന് പറയുന്നവർ നിരവധിയാണ്. ചുരുക്കത്തിൽ തന്‍റെ ആരാധക വൃന്ദത്തെ പിന്നെയും വലുതാക്കിക്കൊണ്ടേയിരിക്കുകയാണ് താരം പുതിയ വസ്ത്ര ശൈലികളിലൂടെ.

പിങ്ക് ലെഹങ്കയിൽ അതിസുന്ദരിയായി സാമന്ത

നീണ്ടു കിടക്കുന്ന ഗൗണുകളിലൂടെ മാത്രമല്ല, മറ്റ് വേരിയൻറുകളിലും തമന്ന പ്രത്യക്ഷപെപടുന്നുണ്ട്. ഫ്ലോറൽ വസ്ത്രശൈലിയുടെ മറ്റൊരു സ്റ്റൈലിൽ തന്റെ ഗൗണിൽ അൽപ്പംകൂടി വർക്കുകൾ ചെയ്ത് മാറ്റം വരുത്തി മറ്റൊരു ഗെറ്റപ്പിൽ കൂടി താരം നമ്മെ അതിശയെപ്പടുത്തുകയാണ്. ഒരു വസന്തകാലത്തെ മുഴുവൻ തന്‍റെ വസ്ത്രത്തിലേക്ക് ആവേശിച്ച പ്രതീതിയായിരുന്നു പിന്നീട് തമന്ന അണിഞ്ഞ വസ്ത്രത്തിന്. ‘ഇതാ ആ വസന്തകാലം ഞങ്ങൾക്കു മുന്നിൽ വന്നെത്തിയിരിക്കുന്നു’ എന്ന് ഈ പോസ്റ്റിനു കീഴിൽ കുറിപ്പെഴുതിയവർ നിരവധിയാണ്. പൂത്തുലഞ്ഞു നില്‍ക്കുന്ന വസന്ത കാലത്തിലേക്ക് തമന്നയുടെ സൗന്ദര്യം കൂടി വന്ന് ചേക്കേറിയപ്പോൾ അത് കണ്ണിന് കുളിർമ്മ നൽകുന്നതാകുന്നുവെന്നും ആരാധകർ കുറിക്കുന്നു.

ഫ്ലോറൽ, ഗ്രീൻ സ്റ്റൈലുകളിൽ നിന്നു മാറി അൽപ്പം തിളങ്ങി നിൽക്കുന്ന തമന്നയും മറ്റൊരു വേഷത്തിൽ നമുക്കു മുന്നിൽ എത്തുന്നുണ്ട്. ഷോൾഡർ ലെസ് വസ്ത്രത്തിൽ എംബ്രോയിഡറി വർക്കുകൾ ചെയ്ത് നെറ്റ് ഡിസെൻ കൂടി ഉൾപ്പടുത്തിെക്കാണ്ട് ഡിസൈൻ ചെയ്ത വസ്ത്രത്തിനും ആരാധകർ ഏറെയാണ്.