Sumayya P | Samayam Malayalam | Updated: Sep 8, 2021, 2:36 PM
2020 ആഗസ്റ്റ് 21 മുതൽ സെപ്റ്റംബർ നാലുവരെയുള്ള കണക്കുകള്‍ പരിശോധിക്കുമ്പോള്‍ 17912 വിദേശികൾ ആണ് ഒമാന്‍ വിട്ട് പോയത്.
ഹൈലൈറ്റ്:
- കൊവിഡ് കാരണം ജോലി നഷ്ടപ്പെട്ടാണ് വിദേശികള്‍ നാട്ടിലേക്ക് പോയത്
- യാത്രാ വിലക്കിന് ശേഷം കൂടുതല്‍ വിദേശികള്‍ നാട്ടിലേക്ക് തിരിച്ചെത്തും എന്ന് അധികൃതര്‍
ഒമാന്‍: കൊവിഡ് വ്യാപനം വര്‍ധിച്ച സാഹചര്യത്തിലാണ് ഒമാനില്‍ വിദേശികളുടെ കൊഴിഞ്ഞുപോക്ക് തുടങ്ങിയത്. ജോലി നഷ്ടപ്പെട്ടത് കാരണം ആണ് പലരും നാട്ടിലേക്ക് പോയത്. ഒമാനിലെ മൊത്തം ജനസംഖ്യയുടെ 37.10 ശതമാനം വിദേശികള്‍ ആണ്. സെപ്റ്റംബർ നാലുവരെയുള്ള കണക്കനുസരിച്ച് 44.16 ലക്ഷമാണ് ഒമാനിലെ മൊത്തം ജനസംഖ്യ. ഇതിൽ 16.37 ലക്ഷം പേര്‍ മാത്രമാണ് വിദേശികള്‍. കഴിഞ്ഞ രണ്ടുവർഷത്തെ കണക്കുകള്‍ പരിശോധിക്കുകയാണെങ്കില്‍ ഒമാനിലെ മൊത്തം ജനസംഖ്യയിൽ അഞ്ച് ശതമാനത്തിന്‍റെ കുറവാണ് ഇപ്പോള്‍ രേഖപ്പെടുത്തിയിരിക്കുന്നത്. ദേശീയ സ്ഥിതിവിവര കേന്ദ്രം ആണ് ഇതു സംബന്ധിച്ച കണക്കുകള്‍ പുറത്തുവിട്ടത്.
2017ൽ 20 ലക്ഷത്തിനു മുകളിൽ ആയിരുന്നു ഒമാനിലെ വിദേശികളുടെ ജനസംഖ്യ. ഇപ്പോഴത്തെ കണക്കുകള്‍ വെച്ച് നോക്കുമ്പോള്‍ 40 ശതമാനത്തിന്‍റെ കുറവ്. 2017 ന് ശേഷമുള്ള വര്‍ഷങ്ങളില്‍ എല്ലാം വിദേശികളുടെ വലിയ കുറവാണ് ഒമാനില്‍ കണ്ടെത്. 2020 ആഗസ്റ്റ് 21 മുതൽ സെപ്റ്റംബർ നാലുവരെയുള്ള കണക്കുകള്‍ മാത്രം പരിശോധിക്കുകയാണെങ്കില്‍ 17912 വിദേശികൾ ആണ് ഒമാനില്‍ നിന്നും പോയത്. ഒമാനില്‍ 11.02 ലക്ഷം വിദേശികൾ സ്വകാര്യ മേഖലയില്‍ ആണ് ജോലി ചെയ്യുന്നത് എങ്കില്‍ 39306 പേർ സർക്കാർ മേഖലയില്‍ ആണ് ജോലി ചെയ്യുന്നത്.
Also Read: 
വിവാഹ അഭ്യര്‍ത്ഥന നിരസിച്ചു; കുവൈറ്റില്‍ അധ്യാപകന്‍ വിദ്യാര്‍ത്ഥിനിക്ക് പൂജ്യം മാര്‍ക്ക് നല്‍കി
മസ്കത്തിലാണ് ഏറ്റവും കൂടുതല്‍ വിദേശികള്‍ കഴിയുന്നത്. വിദേശികളെ കൂടാതെ അവരുടെ കുടുംബാംഗങ്ങളും ആശ്രിതരുമായി 2.41 ലക്ഷം പേര്‍ രാജ്യത്ത് കഴിയുന്നുണ്ട്. യാത്രവിലക്കിനു ശേഷം വിദേശികള്‍ ഒമാനിലേക്ക് തിരിച്ചെത്തും എന്നാണ് പ്രതീക്ഷിക്കുന്നത്. വിദേശികള്‍ക്കായി കൂടുതൽ തൊഴിലവസരങ്ങളും സൃഷ്ടിക്കപ്പെടുന്നതോടൊപ്പം ഒമാന്‍റെ സമ്പദ്വ്യവസ്ഥയില്‍ ചെറിയ ഉണര്‍വും അധികൃതര്‍ പ്രതീക്ഷിക്കുന്നുണ്ട്.
അതേസമയം, ഇന്ധന സ്റ്റേഷനുകളിൽ ബാങ്ക് കാർഡുകൾ ഉപയോഗിക്കുന്നവർ ശ്രദ്ധിക്കണമെന്ന് ഒമാന്‍ റോയല്‍ പോലീസിന്‍റെ മുന്നറിയിപ്പ്. കാര്‍ഡുകള്‍ നല്‍കിയ ഒരു ഉപഭോക്താവിന്‍റെ കാർഡുകളുടെ ചിത്രങ്ങളെടുത്ത രണ്ട് പേരെ കഴിഞ്ഞ ദിവസം അറസ്റ്റ് ചെയ്തതായി പോലീസ് അറിയിച്ചു. ദോഫാർ ഗവർണറേറ്റിലാണ് ഇത്തരത്തിലൊരു സംഭവം നടന്നതെന്നും എല്ലാവരും ഇക്കാര്യങ്ങള്‍ ശ്രദ്ധിക്കണമെന്നും ഒമാന്‍ റോയല്‍ പോലീസ് അറിയിച്ചു.
Also Read: 
രാജ്യങ്ങള്‍ക്കിടയിലെ യാത്രകള്‍ കൂടുതല്‍ എളുപ്പമാക്കാന്‍ ലക്ഷ്യം; ജിസിസി രാജ്യങ്ങളിലെ കൊവിഡ് ആപ്പ് യുഎഇയിൽ ഉപയോഗിക്കാം
ഉപഭോക്താക്കൾ നൽകിയ കാർഡുകളുടെ ചിത്രങ്ങള്‍ ഫോണില്‍ പകര്‍ത്തും. ഇങ്ങനെ പകര്‍ത്തിയ കാര്‍ഡിന്‍റെ ചിത്രങ്ങള്‍ ആവശ്യക്കാര്‍ക്ക് അയച്ചു കൊടുക്കും. പിന്നീട് പിന്‍ നമ്പര്‍ കൂടി മനസ്സിലാക്കി അതും കൈമാറും ഇങ്ങനെയാണ് തട്ടിപ്പിന്‍റെ രീതിയെന്ന് ഒമാന്‍ പോലീസ് അറിയിച്ചു. ഒമാന്‍റെ പുറത്താണ് ഇതിന്‍റെ പ്രവര്‍ത്തനങ്ങള്‍ എല്ലാം നടക്കുന്നത്. സ്കിമ്മർ എന്ന് വിളിക്കുന്ന ഉപകരണം ഉപയോഗിച്ചാണ് ഇവര്‍ കാര്‍ഡുകളിലെ വിവരങ്ങള്‍ ചോര്‍ത്തിയെടുക്കുന്നത്. പിന്നീട് കിട്ടിയ വിവരങ്ങള്‍ എല്ലാം ഉള്‍പ്പെടുത്തി അവര്‍ വ്യാജ കാര്‍ഡ് ഉണ്ടാക്കുന്നു. കാര്‍ഡുകള്‍ ഉപയോഗിക്കുന്നവര്‍ അന്താരാഷ്ട്ര ഇടപാടുകള്‍ കാര്‍ഡില്‍ ഓഫ് ചെയ്തു വെച്ചാല്‍ ഒരു പരിതിവരെ തട്ടിപ്പില്‍ നിന്നും രക്ഷപെടാന്‍ സാധിക്കുമെന്ന് ഒമാന്‍ റോയല്‍ പോലീസ് മുന്നറിയിപ്പ് നല്‍ക്കുന്നു.
വയനാട്ടിലെ വനത്തിൽ കടുവകളെത്ര? കണക്കെടുക്കാൻ 620 ക്യാമറക്കണ്ണുകൾ
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : expatriate population drops to 37percentage amid pandemic
Malayalam News from malayalam.samayam.com, TIL Network
