വിവാഹ അഭ്യര്‍ത്ഥന നിരസിച്ചു; കുവൈറ്റില്‍ അധ്യാപകന്‍ വിദ്യാര്‍ത്ഥിനിക്ക് പൂജ്യം മാര്‍ക്ക് നല്‍കി

കുവൈറ്റ് : വിവാഹ അഭ്യര്‍ത്ഥന നിരസിച്ചതിന്‍റെപേരില്‍ പെണ്‍കുട്ടിയുടെ പരീക്ഷയുടെ മാര്‍ക്ക് തിരുത്തിയെന്ന പരാതിയില്‍ അധ്യാപകനെതിരെ വിചാരണ. കുവൈറ്റിലെ പ്രാദേശിക പത്രമാണ് വാര്‍ത്ത റിപ്പോര്‍ട്ട് ചെയ്തിരിക്കുന്നത്. കുവെെറ്റിന്‍റെ ചരിത്രത്തില്‍ ആദ്യമായാണ് ഇത്തരത്തൊരു സംഭവം നടക്കുന്നതെന്നും പത്ര റിപ്പോര്‍ട്ടില്‍ പറയുന്നു. കോളേജില്‍ നിന്നും പെണ്‍കുട്ടിയെ കണ്ട് ഇഷ്ടപ്പെട്ട അധ്യാപകന്‍ പെണ്‍കുട്ടിയുടെ വീട്ടുകാരുമായി വിവാഹാലോചന നടത്തി. എന്നാല്‍ കുട്ടിയുടെ വീട്ടുക്കാര്‍ വിവാഹത്തിന് സമ്മതിച്ചില്ല. ഇതിന് പിന്നാലെ അധ്യാപകന്‍ പരീക്ഷയിലെ മാര്‍ക്കുകള്‍ എല്ലാം തിരുത്തുകയായിരുന്നു എന്നാണ് പരാതി. അധ്യാപകന്‍ പഠിപ്പിക്കുന്ന വിഷയത്തിന് പെണ്‍കുട്ടിക്ക് പ്യൂജ്യം മാര്‍ക്കാണ് നല്‍കിയത്.

Also Read: രാജ്യങ്ങള്‍ക്കിടയിലെ യാത്രകള്‍ കൂടുതല്‍ എളുപ്പമാക്കാന്‍ ലക്ഷ്യം; ജിസിസി രാജ്യങ്ങളിലെ കൊവിഡ്​ ആപ്പ് യുഎഇയിൽ ഉപയോഗിക്കാം

എല്ലാ ക്ലാസിലും പങ്കെടുത്തിരുന്നു എന്നും പരീക്ഷ നന്നായി എഴുതിയിരുന്നു എന്നും പെണ്‍കുട്ടി സമര്‍പ്പിച്ച പരാതിയില്‍ പറയുന്നു. മനപ്പൂര്‍വ്വം തന്‍റെ മാര്‍ക്ക് അധ്യാപകന്‍ തിരുത്തിയതാണെന്നാണ് വിദ്യാര്‍ത്ഥിനി പരാതിയില്‍ പറയുന്നത്. എന്നാല്‍ കേടതിയില്‍ എത്തിയപ്പോള്‍ കളി മാറി. പബ്ലിക് പ്രോസിക്യൂഷന് മുന്നില്‍ താന്‍ തെറ്റ് ഒന്നും ചെയ്തിട്ടില്ലെന്ന് അധ്യാപകന്‍ വാദിച്ചു. തുടര്‍ന്ന് അധ്യാപകനെ കോടതി ജാമ്യത്തില്‍ വിട്ടു. എന്നാല്‍, ഔദ്യോഗിക രേഖകളില്‍ കൃത്രിമം കാണിച്ചതിന് ക്രിമിനല്‍ കോടതിയിലേക്ക് കേസ് മാറ്റി.

അതേസമയം, കുവെെറ്റില്‍ കൊവിഡ് കേസുകള്‍ കുറവാണ് ഇപ്പേള്‍ റിപ്പോര്‍ട്ട് ചെയ്യുന്നത്. വാക്സിന്‍ നല്‍ക്കുന്നത് കൃത്യമായി നടക്കുന്നുണ്ട്. രജിസ്റ്റർ ചെയ്ത 70 ശതമാനം പേർക്കും രണ്ട് ഡോസ് വാക്സിന്‍ നല്‍കിയെന്ന് ആരോഗ്യമന്ത്രാലയത്തിലെ വാക്സിനേഷൻ കമ്മിറ്റി അംഗം ഡോ. ഖാലിദ്‌ അൽ സയീദ്‌ അറിയിച്ചു. ആരോഗ്യ പ്രവര്‍ത്തരുടേയും, നഴ്സുമാരുടേയും, ഡോക്ടര്‍മാരുടേയും കൂട്ടായ ശ്രമത്തിന്‍റെ ഫലമായിട്ടാണ് കുത്തിവെപ്പ് നടപടികൾ വിജയിപ്പിക്കാൻ സാധിച്ചതെന്ന് അദ്ദേഹം പറഞ്ഞു. കൊവിഡ് പ്രതിരോധത്തില്‍ ആഗോള സൂചികയിൽ മികച്ച സ്ഥാനത്താണ് ഇപ്പോള്‍ കുവൈറ്റ് നില്‍ക്കുന്നത്. എന്നാല്‍ ഇപ്പേഴും രാജ്യം കൊവിഡ് മുക്തമായിട്ടില്ലെന്നും എല്ലാവരും ജാഗ്രത പാലിക്കണമെന്നും അദ്ദേഹം മുന്നറിയിപ്പ്‌ നൽകിയിട്ടുണ്ട്. വാക്സിന് രജിസ്റ്റര്‍ ചെയ്തവര്‍ക്ക് ഒരുമാസത്തിനകം വാക്സിന്‍ ലഭ്യമാക്കുമെന്ന് അദ്ദേഹം പറഞ്ഞു.

Also Read: മൂന്ന് വിദേശ രാജ്യങ്ങളില്‍ നിന്നുള്ള യാത്രാവിലക്ക് സൗദി അറേബ്യ പിൻവലിച്ചു

കുവൈറ്റില്‍ 85 ശതമാനത്തിലേറെ ആളുകൾ ഒരു ഡോസ് വാക്സിന്‍ സ്വീകരിച്ച് കഴിഞ്ഞു. രണ്ടാം ഡോസ് അപ്പോയിന്‍മെന്‍റ് നല്‍കിയ തിയതിയില്‍ നിന്നും നേരത്തെ ആകാകനുള്ള ശ്രമങ്ങള്‍ ആണ് ഇപ്പോള്‍ നടന്നു കൊണ്ടിരിക്കുന്നത്. പുതുക്കിയ അപ്പോയിൻമെൻറ് തീയതി ഒരോരുത്തരുടേയും മൊബൈൽ ഫോണിലേക്ക് അയച്ചുതുടങ്ങിയിട്ടുണ്ട്. അത് കിട്ടുന്നതിന് അനുസരിച്ച് എല്ലാവരും പോയി വാക്സിന്‍ സ്വീകരിക്കണമെന്നും അദ്ദേഹം അറിയിച്ചു. ഒരു ദിവസം ഒരു ലക്ഷത്തിലധികം പേർക്ക് ഇപ്പോള്‍ കുവൈറ്റില്‍ വാക്സിന്‍ നല്‍ക്കുന്നുണ്ട്. പരമാവധി വേഗത്തില്‍ ആളുകള്‍ക്ക് വാക്സിന്‍ എത്തിക്കുകയാണ് ലക്ഷ്യം വെക്കുന്നത്. നവംബർ അവസാനത്തോടെ രണ്ട് ഡോസ് വാക്സിൻ രാജ്യത്തെ 90 ശതമാനം ആളുകള്‍ക്കും കൊടുക്കണം എന്നതാണ് കുവൈറ്റ് ലക്ഷ്യം വെക്കുന്നത്. കൊവിഡ് കേസുകള്‍ കുറഞ്ഞ രാജ്യത്ത് നിന്നും വിമാന സര്‍വീസുകള്‍ കുവൈറ്റ് ആരംഭിച്ചിട്ടുണ്ട്. അടുത്ത മാസം മുതല്‍ വിസിറ്റ് വിസയും നല്‍കാന്‍ പദ്ധതിയിട്ടിട്ടുണ്ട്.