പി പി ഇ കിറ്റും ധരിച്ച് ഭിത്തി തുറന്ന് ബാങ്ക് മോഷണം; സംഭവം കര്‍ണാടകത്തിൽ

ബെംഗളൂരു: കര്‍ണാടകത്തെ ഞെട്ടിച്ച് ബാങ്ക് മോഷണം റിപ്പോര്‍ട്ട് ചെയ്തു. കര്‍ണാടകത്തിലെ ധാര്‍വാർഡിലാണ് ഞെട്ടിക്കുന്ന സംഭവമുണ്ടായിരിക്കുന്നത്.



പി പി ഇ കിറ്റ് ധരിച്ചെത്തിയ കവര്‍ച്ചക്കാരാണ് മോഷണം നടത്തിയത്. ഇതിന്റെ സി സി ടി വി ദൃശ്യങ്ങള്‍ അധികൃതര്‍ക്ക് ലഭിച്ചിട്ടുണ്ട്.

Also Read : ‘പ്രതികരിക്കുമ്പോള്‍ ജാഗ്രത പുലര്‍ത്തണം’; ജലീലിന്റെ ഇ ഡി നിലപാട് തള്ളി സിപിഎം, മുഖ്യമന്ത്രിയെ അഭിനന്ദിച്ച് ലീഗ് നേതാവ്

മോഷണം നടത്തുന്നതിന് വേണ്ടി കവര്‍ച്ചക്കാര്‍ ബാങ്കിന്റെ ഭിത്തി തുരന്നാണ് ഉള്ളിൽ പ്രവേശിച്ചത്. ലോക്കറുകള്‍ തുറക്കുന്നതിന് ഗ്യാസ് കട്ടര്‍ അടക്കമുള്ള സാമഗ്രികളും പ്രതികള്‍ ഉപയോഗിച്ചിട്ടുണ്ട്.

പി പി ഇ കിറ്റും ധരിച്ച് ബാങ്കിനുള്ളിൽ പ്രവേശിച്ച കവര്‍ച്ചക്കാര്‍ അകത്ത് കടന്ന ശേഷം സി സി ടി വി ക്യാമറയും പ്രവര്‍ത്തന രഹിതമാക്കുന്നത് കാണാൻ സാധിക്കും. ഒപ്പമുള്ളയാളുടെ നിർദ്ദേശം അനുസരിച്ചാണ് ഇയാൾ ക്യാമറ നശിപ്പിക്കുന്നത്.

Also Read : നിപ പ്രതിരോധം: ഏകോപനമില്ലാതെ വകുപ്പുകള്‍, ഒരു തവണ പോലും യോഗം ചേര്‍ന്നില്ല, ആശങ്ക

രണ്ട് പേര്‍ ചേര്‍ന്നാണ് മോഷണം നടത്തിയിരിക്കുന്നത് എന്ന് സി സി ടി വി ദൃശ്യങ്ങള്‍ പരിശോധിച്ചപ്പോള്‍ വ്യക്തമായി. അതേസമയം, മറ്റാരെങ്കിലും ഇവരെ സഹായിച്ചിരുന്നോ എന്ന് വ്യക്തമല്ല.

ബാങ്കിലെ ജനലിന് കീഴിലായി ഒരു വലിയ ദ്വാരമുണ്ടാക്കിയാണ് പ്രതികള്‍ അകത്ത് കടന്നത്. ബാങ്കിന്റെ സുരക്ഷാ സംവിധാനങ്ങളെക്കുറിച്ച് വ്യക്തമല്ല. അലാറം അടക്കമുള്ള കാര്യങ്ങള്‍ മുഴങ്ങിയോ എന്നുള്ള കാര്യങ്ങളാണ് അന്വേഷിച്ചുവരുന്നത്. മോഷ്ടാക്കൾ എവിടെ നിന്നാണ് പി പി ഇ കിറ്റ് വാങ്ങിയത് എന്നും പോലീസ് അന്വേഷിക്കുന്നുണ്ട്.

Also Read : കെഎസ്ആര്‍ടിസിയിൽ പ്രതിസന്ധി; ശമ്പളം മുടങ്ങി, ആവശ്യം 80 കോടി



സൈബര്‍ കുറ്റകൃത്യങ്ങളും മയക്കുമരുന്ന് മാഫിയയും ഡാര്‍ക്ക് വെബുമാണ് പോലീസിന്റെ പ്രധാന വെല്ലുവിളികള്‍ എന്ന് കഴിഞ്ഞ ദിവസം കര്‍ണാടക മുഖ്യമന്ത്രി പറഞ്ഞിരുന്നു.

പുതിയ സാങ്കേതികവിദ്യയും നൂതന ഉപകരണങ്ങളും ഉപയോഗിച്ച് അത്തരം പുതിയ കുറ്റകൃത്യങ്ങൾ ഇല്ലാതാക്കേണ്ടതുണ്ടെന്നും അദ്ദേഹം വ്യക്തമാക്കി. കേസുകൾ പതിവായി നിരീക്ഷിക്കുന്നതിന് ഡി ജിയോടും, എല്ലാ എസ്പിമാർക്കും ഒരു നിര്‍ദ്ദേശം നൽകിയിട്ടുണ്ടെന്നും അദ്ദേഹം പറഞ്ഞു.