ഇറോട്ടിക് നോവലിസ്റ്റുമായി പ്രണയം; സ്പെയിനിൽ യുവ ബിഷപ്പ് രാജിവെച്ചു

മഡ്രിഡ്: ഇറോട്ടിക് നോവലിസ്റ്റുമായി പ്രണയത്തിലായതിന് പിന്നാലെ സ്പെയിനിലെ യുവ ബിഷപ് സേവ്യർ നോവൽ രാജിവെച്ചു. നോവലിസ്റ്റ് സിൽവിയ കബാല്യോളുമായി ഒരുമിച്ച് ജീവിക്കാൻ തീരുമാനിച്ചതിന് പിന്നാലെയാണ് യുവ ബിഷപ്പിന്‍റെ രാജിയെന്ന് പ്രാദേശിക മാധ്യമങ്ങളെ ഉദ്ധരിച്ച് ബിബിസിയാണ് റിപ്പോർട്ട് ചെയ്തത്.



കഴിഞ്ഞമാസമായിരുന്നു സേവ്യർ നോവൽ സ്ഥാനമൊഴിഞ്ഞത്. അന്ന് തികച്ചും വ്യക്തിപരമായ കാരണങ്ങളാലാണ് രാജിയെന്നായിരുന്നു ബിഷപ്പും കത്തോലിക്കാ സഭയും വ്യക്തമാക്കിയത്. ഇതിന് പിന്നാലെയാണ് പ്രണയ വാർത്ത പുറത്ത് വന്നത്.

Also Read : ‘തീവ്രവാദികളുമായി താലിബാൻ സർക്കാർ’; കാണ്ഡഹാർ വിമാന റാഞ്ചല്‍ ആസൂത്രണം ചെയ്തയാളുടെ മകന്‍ പ്രതിരോധ മന്ത്രി



2010 ൽ തന്‍റെ നാൽപ്പത്തിയൊന്നാം വയസിൽ സ്പെയിനിലെ ഏറ്റവും പ്രായംകുറഞ്ഞ ബിഷപ്പായി ചുമതലയേറ്റ വ്യക്തിയാണ് സേവ്യർ നോവൽ. കാറ്റലോണിയൻ മേഖലയായ സോൾസോനയിലെ ബിഷപ്പായാണ് ഇദ്ദേഹം ചുമതലയേറ്റത്.

സ്പെയിനിലെ കത്തോലിക്കാ സഭയിൽ ശ്രദ്ധിക്കപ്പെട്ടിരുന്ന ബിഷപ്പ്, വത്തിക്കാൻ അംഗീകാരത്തോടെ രാജിവെച്ചത് മേഖലയെ അത്ഭുതപ്പെടുത്തിയ വാർത്തയായിരുന്നു. വത്തിക്കാൻ അധികൃതരുമായും മാർപ്പാപ്പയുമായും ഇദ്ദേഹം നിരവധി തവണ കൂടിക്കാഴ്ച നടത്തിയിരുന്നെന്നാണ് റിപ്പോർട്ട്.

Also Read : യുഡിഎഫിൻ്റെ ശക്തി അംഗീകരിക്കണം; ബിജെപിയും ദുർബലമല്ല; അണികൾക്ക് നിർദേശവുമായി സിപിഎം



‘ബാധ ഒഴിപ്പിക്കൽ’ ക്രിയകൾക്ക് പേരുകേട്ട ബിഷപ്പ് കാറ്റലോണിയൻ സ്വാതന്ത്ര്യം, സ്വവർഗരതി തുടങ്ങിയ വിഷയങ്ങളിൽ സ്വീകരിച്ച നിലപാടുകൾ പലപ്പോഴും വിവാദമായിരുന്നു. താൻ പ്രണയത്തിലായിരുന്നുവെന്നും ശരിയായ കാര്യം ചെയ്യാൻ ഇപ്പോൾ ആഗ്രഹിക്കുന്നുവെന്നും നോവൽ പറഞ്ഞതായി റിപ്പോർട്ടുകളുണ്ട്.

Also Read : ‘സമുദായങ്ങളെ ഭിന്നിപ്പിക്കാൻ ഇന്ധനം നൽകരുത്’; നാർക്കോട്ടിക് ജിഹാദിൽ പാലാ ബിഷപ്പിനെതിരെ പിടി തോമസ്



പൈശാചികതയും ലൈംഗികതയും പ്രമേയമാകുന്ന നോവലുകളിലൂടെ ശ്രദ്ധനേടിയ വ്യക്തിയാണ് സിൽവിയ കബാല്യോൾ. വിവാഹ മോചിതയായ ഇവർ രണ്ട് കുട്ടികളുടെ അമ്മ കൂടിയാണെന്നാണ് ബ്രിട്ടീഷ് മാധ്യമമായ ഡെയ്‍ലി മെയിൽ റിപ്പോർട്ട് ചെയ്യുന്നത്. സൈക്കോളജിസ്റ്റു കൂടിയായ സിൽവിയ സെക്സോളജി, യോഗ എന്നിവയും, കത്തോലിക്കാ, ഇസ്ലാം വിഭാഗങ്ങളെക്കുറിച്ചും പിശാചുക്കളെക്കുറിച്ചും പഠിച്ചിട്ടുണ്ട്.