മാ​സ്കു​ക​ൾ ഉ​പ​യോ​ഗ​ശേ​ഷം പൊ​തു​സ്ഥ​ല​ത്ത് വലിച്ചെറിഞ്ഞാൽ നടപടി; മു​ന്ന​റി​യി​പ്പു​മാ​യി സൗദി ആ​രോ​ഗ്യ​വി​ദ​ഗ്ധ​ർ

സൗദി: രാജ്യത്ത് കൊവിഡ് കേസുകള്‍ കുറഞ്ഞു വരുകയാണ്. കൊവിഡ് പ്രതിരോധത്തിന്‍റെ ഭാഗമായി മുഖത്ത് ധരിക്കുന്ന മാസ്കുകൾ ഉപയോഗത്തിന് ശേഷം പൊതുസ്ഥലത്ത് വലിച്ചെറിഞ്ഞാല്‍ ശക്തമായ നടപടി സ്വീകരിക്കുമെന്ന് അധിക‍ൃതര്‍ അറിയിച്ചു. ഉപയോഗ ശേഷം ഇങ്ങനെ വലിച്ചെറിയുന്ന മാസ്കുകളില്‍ അണുബാധ ഉണ്ടാകും. അത് വീണ്ടും കൊവിഡ് വര്‍ധിപ്പിക്കാന്‍ കാരണം ആകുമെന്ന് ആരോഗ്യവിദഗ്ധർ മുന്നറിയിപ്പ് നല്‍കി. അതുകൊണ്ട് ഉപയോഗത്തിനുശേഷം അവ ശരിയായ രീതിയില്‍ നശിപ്പിക്കണമെന്നും ആരോഗ്യവിദഗ്ധർ പറയുന്നു. പൊതുസ്ഥലത്ത് ആരെങ്കിലും ഉപയോഗിച്ച മാസ്ക് വലിച്ചെറിയുന്നുണ്ടെങ്കില്‍ അത് കര്‍ശനമായി നിരീക്ഷിക്കണമെന്ന് സൗദി പൊതുജനാരോഗ്യ ഉപമന്ത്രി ഹാനി ജോഖ്ദാർ പറഞ്ഞു.



ബിച്ചുകളിലും, പാര്‍ക്കുകളിലും. തെരുവിലും ഇത്തരത്തില്‍ വലിച്ചെറിയപ്പെടുന്ന മാസ്കുകൾ കാണുന്നത് വളരെ മോശമാണെന്ന് അദ്ദേഹം പറഞ്ഞു. വൃത്തിയുള്ളയും, സുരക്ഷിതമായി സമൂഹം നിലനില്‍ക്കാന്‍ എല്ലാവരും സഹകരിക്കണമെന്നും അത് നമ്മുടെ ഉത്തരവാദിത്തമാണെന്നും അദ്ദേഹം കൂട്ടിച്ചേര്‍ത്തു. ഒരേ മാസ്ക് പതിവായി ഉപയോഗിക്കരുതെന്നും ഒരു ദിവസം ഒരുസതവണയെങ്കിലും ഫേസ് മാസ്കുകൾ മാറ്റണമെന്നും ആരോഗ്യ ഉദ്യോഗസ്ഥർ പറയുന്നു. ഒരു മാസ്ക് നിരവധി തവണ ഉപയോഗിക്കുന്നത് വലിയ ആരോഗ്യപ്രശ്നങ്ങള്‍ക്ക് കാരണമാകും എന്ന് ആരോഗ്യ ഉദ്യോഗസ്ഥർ പറയുന്നു.

Also Read: ഖത്തറില്‍ 2.4 ടണ്‍ നിരോധിത പുകയില പിടിച്ചെടുത്തു; കടത്താൻ ശ്രമിച്ചത് മെഡിക്കല്‍ മാസ്ക്കുകളിൽ പൊതിഞ്ഞ്

ഉപയോഗിച്ച മാസ്കുകള്‍ വീണ്ടും ഉപയോഗിക്കുന്നത് വൈറസ് പരത്താന്‍ കാരണമാകും അതുകൊണ്ട് തന്നെ മാസ്കുകൾ ഒരിക്കലും പുനരുപയോഗം ചെയ്യാൻ സാധിക്കില്ല. ഒരോ ദിവസവും 25 ലക്ഷം മാസ്കുകൾ നിര്‍മ്മിക്കുന്ന ഒമ്പത് ഫാക്ടറികള്‍ സൗദിയില്‍ പ്രവര്‍ത്തിക്കുന്നുണ്ട്. ഉപയോഗിച്ച് മാസ്കുകള്‍ പ്രത്യേകം കവറുകളില്‍ ആക്കി ചവറ്റുകുട്ടയിൽ കളയണമെന്ന് ധാതുവിഭവ മന്ത്രാലയ വക്താവ് ജറാബിൻ മുഹമ്മദ് അൽ-ജർറ പറഞ്ഞു. ഉപയോഗിച്ച് മാസ്കുകള്‍ സുരക്ഷിതമായി കളയുന്നത് ജനങ്ങളെ രോഗങ്ങളില്‍ നിന്നും സംരക്ഷിക്കുന്നതിന് സഹായിക്കും എന്ന് അദ്ദേഹം പറഞ്ഞു. നിയമങ്ങള്‍ ലംഘിക്കുന്നവര്‍ക്കെതിരെ ശക്തമായ നടപടികള്‍ സ്വീകരിക്കാന്‍ ആണ് അധികൃതര്‍ തീരുമാനിച്ചിരിക്കുന്നത്.

അതേസമയം, സൗദിയില്‍ അഴിമതി കണ്ടെത്തുന്നതിനായുള്ള പരിശോധനകള്‍ ശക്തമായി തുടരുന്നു. ഇതിന്‍റെ ഭാഗമായി നടത്തിയ പരിശോധനയില്‍ 282 പേരെ അറസ്റ്റ് ചെയ്തു. കഴിഞ്ഞ മാസം ആണ് ശക്തമായ തെരച്ചില്‍ അധിക‍തര്‍ ആരംഭിച്ചത്. 748 പേരെ സംഭവുമായി ബന്ധപ്പെട്ട് ചോദ്യം ചെയ്യുകയുണ്ടായി. അറസ്റ്റ് ചെയ്തവരില്‍ സ്വദേശികളും വിദേശികളും ഉള്‍പ്പെടും. കൈക്കൂലി വാങ്ങിക്കല്‍, വ്യാജരേഖകൾ ഉണ്ടാക്കുക,

അധികാര ദുർവിനിയോഗം എന്നീ കുറ്റങ്ങള്‍ ചുമത്തിയാണ് പോലീസ് പ്രതികളെ അറസ്റ്റ് ചെയ്തിരിക്കുന്നത്. പ്രതികളെ കോടതിയില്‍ ഹാജറാക്കി നടപടിക്രമങ്ങള്‍ പൂര്‍ത്തിയാക്കി വരുകയാണെന്ന് അഴിമതിവിരുദ്ധ അതോറിറ്റി അറിയിച്ചു.

86059676