‘സ്ത്രീകളുടെ ടോയ്‍ലറ്റിൽ കയറണം’; ബുര്‍ഖ ധരിച്ച് വനിതകളുടെ വാർഡിൽ കയറിയ യുവാവ് പിടിയിൽ

കാന്‍പൂര്‍ : ബുര്‍ഖ ധരിച്ച് ആശുപത്രിയിലെ സ്ത്രീകളുടെ വാര്‍ഡില്‍ കയറിയ യുവാവ് പിടിയില്‍. കാൻപുരിലെ ജില്ലാ ആശുപത്രിയിൽ ബുധനാഴ്ചയാണ് നാടകീയ സംഭവങ്ങൾ അരങ്ങേറിയത്. സൽവാറും കൂർത്തയും ധരിച്ച് അതിന് മുകളിൽ ബുര്‍ഖയുമായിട്ടായിരുന്നു ഇയാൾ വാർഡിലേക്ക് കയറിയത്. ഇയാളുടെ ശരീരഭാഷയിൽ സംശയം തോന്നിയ സ്ത്രീകൾ കാൽ വിരലുകളിലേക്ക് നോക്കിയതോടെയാണ് സംഭവം വ്യക്തമായത്. ഇതിന് പിന്നാലെ സാഹസികമായി യുവാവിനെ പിടികൂടുകയും ചെയ്തു.



വാർഡിലുണ്ടായിരുന്ന രോഗികൾ കാൽവിരലുകളെക്കുറിച്ച് സംശയം പ്രകടിപ്പിച്ചതോടെ ഇയാൾ അത്യാഹിത വിഭാഗത്തിലേക്ക് ഓടുകയായിരുന്നു. മതിൽ ചാടി രക്ഷപ്പെടാൻ ശ്രമിച്ചെങ്കിലും ആശുപത്രി ജീവനക്കാർ ഇയാളെ പിടികൂടി പോലീസിലേൽപ്പിച്ചു. സ്ത്രീകളുടെ വാർഡിലേക്ക് വേഷംമാറി കടന്ന യുവാവിനെതിരെ രോഗികളും മറ്റും രോഷം ഉയർത്തിയെങ്കിലും ജീവനക്കാർ ഇയാളെ പോലീസിനെ ഏൽപ്പിച്ചതുകൊണ്ട് കയ്യേറ്റത്തിന് ഇരയായില്ല.

Also Read : ‘തീവ്രവാദികളുമായി താലിബാൻ സർക്കാർ’; കാണ്ഡഹാർ വിമാന റാഞ്ചല്‍ ആസൂത്രണം ചെയ്തയാളുടെ മകന്‍ പ്രതിരോധ മന്ത്രി



ഒരു വനിതാ ഡോക്ടറുടെ ഡ്രൈവറാണ് പിടിയിലായ യുവാവെന്നാണ് ഇംഗ്ലീഷ് വാർത്താ ചാനലായ ഇന്ത്യ ടുഡേ റിപ്പോർട്ട് ചെയ്യുന്നത്. സംഭവ ദിവസം ഡോക്ടറെ ആശുപത്രിയിലെത്തിച്ച ശേഷമാണ് ഇയാൾ സ്ത്രീകളുടെ വാർഡിലേക്ക് വേഷം മാറി കയറിയത്.

ഇയാൾ സ്ത്രീകളുടെ അടിവസ്ത്രങ്ങളും ധരിച്ചിരുന്നെന്നാണ് വൃത്തങ്ങളെ ഉദ്ധരിച്ചുള്ള റിപ്പോർട്ട് പറയുന്നത്. അതേസമയം ഇയാൾക്ക് മാനസിക പ്രശ്നങ്ങൾ ഉണ്ടെന്നാണ് ബന്ധുക്കൾ പറയുന്നതെന്ന് പോലീസ് ഉദ്യോഗസ്ഥനായ അരുൺ കുമാർ സിങ് പറഞ്ഞു.

Also Read : യുഡിഎഫിൻ്റെ ശക്തി അംഗീകരിക്കണം; ബിജെപിയും ദുർബലമല്ല; അണികൾക്ക് നിർദേശവുമായി സിപിഎം



സ്ത്രീകളുടെ ടോയ്‍ലറ്റിൽ കയറുകയായിരുന്നു യുവാവിന്‍റെ ലക്ഷ്യമെന്നാണ് റിപ്പോർട്ടുകൾ പറയുന്നത്. ഇയാൾ ബുർഖയ്ക്ക് പുറമെ കുർത്തയും സൽവാറും ധരിച്ചിരുന്നു. എന്നാൽ തന്നെ ആരും പിടികൂടി പോലീസിൽ ഏൽപ്പിച്ചതല്ലെന്നാണ് യുവാവ് പറയുന്നത്. താൻ പോലീസ് കോൺസ്റ്റബിളിനൊപ്പം സ്വമേധയാ വരികയായിരുന്നെന്നാണ് അദ്ദേഹത്തിന്‍റെ വാദം.

Also Read : മതമേലധ്യക്ഷന്‍മാര്‍ സംയമനവും ആത്മനിയന്ത്രണവും പാലിക്കണം; ചെളിവാരിയെറിഞ്ഞ് സാമൂഹിക അന്തരീക്ഷം കലുഷിതമാക്കരുതെന്ന് വിഡി സതീശൻ