‘ബലാത്സംഗത്തിനിരയാക്കി സ്വകാര്യഭാഗത്ത് ഇരുമ്പ് ദണ്ഡ് കയറ്റി’; മുംബൈയിൽ യുവതിക്ക് ക്രൂരപീഡനം

മുംബൈ: നിർത്തിയിട്ടിരുന്ന വാഹനത്തിൽ യുവതിയെ അതിക്രൂരമായി പീഡിപ്പിച്ചു. മുംബൈയിലെ സാക്കിനാക്കയിലാണ് 34 കാരിയായ യുവതിയെ ബലാത്സംഗത്തിനിരയാക്കിയ ശേഷം സ്വകാര്യഭാഗത്ത് ഇരുമ്പ് ദണ്ഡ് കയറ്റിയിറക്കിയത്. സംഭവത്തിൽ പ്രതിയായ മോഹൻ ചൗഹാൻ (45) എന്നയാളെ പോലീസ് അറസ്റ്റ് ചെയ്തു.



ഗുരുതരമായി പരിക്കേറ്റ് ആശുപത്രിയിൽ ചികിത്സയിൽ കഴിയുന്ന യുവതിയുടെ ആരോഗ്യനില മോശമായി തുടരുകയാണ്. വിശദമായ അന്വേഷണമാണ് നടക്കുന്നതെന്ന് പോലീസ് വ്യക്തമാക്കി. പ്രതിക്കെതിരെ വധശ്രമം, ബലാത്സംഗം എന്നീ വകുപ്പുകൾ ചുമത്തിയാണ് നിലവിൽ കേസെടുത്തിരിക്കുന്നത്. അന്വേഷണം പുരോഗമിക്കുകയാണെന്ന് പോലീസ് പറഞ്ഞു. സംഭവത്തിൽ കൂടുതൽ പേർക്ക് പങ്കുള്ളതായാണ് പോലീസ് നിഗമനം.

ഇന്ത്യൻ ആർമി വാഹനത്തിൽ ചവിട്ടി, സൈനികനെ പിടിച്ചു തള്ളി; നടുറോഡിൽ ബഹളം വെച്ച് 22 കാരി; വീഡിയോ വൈറൽ

യുവതി പീഡനത്തിനിരയാകുന്നുവെന്ന വിവരം വെള്ളിയാഴ്ച രാവിലെയാണ് പോലീസിന് ലഭിച്ചത്. സാക്കിനാക്ക മേഖലയിൽ ഖൈറാനി റോഡിൽ ഒരു യുവാവ് യുവതിയെ മർദ്ദിക്കുന്നുവെന്നാണ് പോലീസ് കൺട്രോൾ റൂമിൽ ലഭിച്ച സന്ദേശം. സന്ദേശം ലഭിച്ചതിന് പിന്നാലെ സ്ഥലത്തെത്തി പരിശോധന നടത്തിയ പോലീസ് യുവതിയെ കണ്ടെത്തി.

ബലാത്സംഗത്തിനൊപ്പം ക്രൂര പീഡനത്തിനും ഇരയായ യുവതിയെ രക്തം വാർന്ന നിലയിലാണ് കണ്ടെത്തിയത്. ഉടൻ തന്നെ ആശുപത്രിയിലേക്ക് മാറ്റുകയായിരുന്നു. റോഡിന് വശത്തായി നിർത്തിയിട്ട ടെംബോ വാനിലാണ് യുവതി ബലാത്സംഗത്തിനും പീഡനത്തിനും ഇരയായതെന്നാണ് പ്രാഥമിക റിപ്പോർട്ട്. വാഹനത്തിനുള്ളിൽ നിന്നും രക്തക്കറ കണ്ടെത്തിയിരുന്നു. ബലാത്സംഗത്തിനിരയാക്കിയ ശേഷം പ്രതി യുവതിയുടെ സ്വകാര്യ ഭാഗത്ത് ഇരുമ്പ് ദണ്ഡ് കയറ്റിയിറക്കിയതായും പോലീസ് പറഞ്ഞു.

ആവശ്യത്തിന് വഴങ്ങിയില്ല, വിദ്യാര്‍ഥിനിയുടെ നമ്പ‍ര്‍ പോൺ സൈറ്റിലിട്ടു, സെക്സ് ടോയ് അയച്ചു കൊടുത്തു; യുവാവ് അറസ്റ്റിൽ

അതേസമയം സഹപ്രവര്‍ത്തകനെ കൊല്ലാൻ ക്വട്ടേഷൻ കൊടുത്ത വനിതാ പോലീസ് അറസ്റ്റിലായി. മഹാരാഷ്ട്രയിലെ പന്‍വേലിലാണ് സംഭവമുണ്ടായത്. ശീതൾ പൻസാരെ എന്ന യുവതിയാണ് കേസിൽ അറസ്റ്റിലായിരിക്കുന്നത്. കൊല നടത്തുന്നതിന് ഇവര്‍ രണ്ട് വാടക കൊലയാളികളെ ഇടപാട് ചെയ്യുകയായിരുന്നു. കഴിഞ്ഞമാസമാണ് കേസിനാസ്പദമായ സംഭവമുണ്ടായിരിക്കുന്നത്. പോലീസ് ഉദ്യോഗസ്ഥനായ ശിവാജി സനാപ് എന്ന 54 കാരനെയാണ് കൊലപ്പെട്ടത്. മുൻ വൈരാഗ്യമാണ് ഇത്തരത്തിൽ കൊല നടത്തുവാൻ കാരണമെന്നാണ് റിപ്പോര്‍ട്ട്.

ഒരു വാഹനാപകടമാണെന്ന് തെറ്റിധരിപ്പിക്കുന്ന തരത്തിലായിരുന്നു കൊലപാതകം. സംശയം തോന്നിയ പോലീസ് നടത്തിയ അന്വേഷണത്തിലാണ് അപകടകരമല്ലെന്നും ആസൂത്രിതമായ കൊലപാതകമാണെന്നും കണ്ടെത്തി. ഓഗസ്റ്റ് 15നാണ് സംഭവമുണ്ടായത്. പോലീസ് സ്റ്റേഷനിലേക്ക് പോകുന്ന വഴി നാനോ കാര്‍ ഇടിച്ചാണ് ശിവാജി അപകടത്തിൽ പെടുന്നത്. അപകടത്തിന് പിന്നാലെ ഇയാലെ ആശുപത്രിയിലേക്ക് കൊണ്ടു പോയെങ്കിലും ജീവന്‍ രക്ഷിക്കാൻ സാധിച്ചില്ല.

സ്കൂളുകൾ തുറക്കുന്നതിൽ നിലപാടറിയിച്ച് മുഖ്യമന്ത്രി; കോളേജ് വിദ്യാർഥികൾക്ക് വാക്സിനേഷൻ സൗകര്യമൊരുക്കും

കേസന്വേഷണത്തിന്റെ തുടക്കത്തിൽ ഇത് ഒരു വാഹനാപകടം തന്നെയാണെന്നാണ് അന്വേഷണസംഘം കണ്ടെത്തിയിരിക്കുന്നത്. അതേസമയം, അന്വേഷണത്തിൽ എന്തോ സംശയം തോന്നിയതോടെ പോലീസ് കേസ് അന്വേഷിക്കുകയായിരുന്നു.

അപകടം നടന്ന സ്ഥലത്ത് നിന്നും കുറച്ച് കിലോമീറ്ററുകള്‍ മാറി നാനോ കാറും കണ്ടെത്തി. അതിനാൽ ഒരു സൂചനയും അവശേഷിക്കുന്നില്ലെന്നും പോലീസ് പറഞ്ഞു. അന്വേഷണത്തിനിടെയാണ് സനാപും ശീതളും തമ്മിൽ മുൻ വൈരാഗ്യമുണ്ടായിരുന്നുവെന്ന് പോലീസ് കണ്ടെത്തിയത്. തുടര്‍ന്ന് നടത്തിയ അന്വേഷണത്തിൽ സനാപിനെ കൊല്ലുന്നതിന് ശീതള്‍ വിശാൽ ജാദവിനും ബാബൻ ചൗഹാനും ചട്ടം കെട്ടുകയായിരുന്നുവെന്ന് കണ്ടെത്തി. ഇവര്‍ കാര്‍ ഓടിച്ച് സനാപിനെ ഇടിച്ചുവീഴ്ത്തുകയായിരുന്നു. വ്യാഴാഴ്ച വനിതാ പോലീസിനെയും രണ്ട് കുറ്റവാളികളേയും അറസ്റ്റ് ചെയ്യുകയായിരുന്നു.