33 മണിക്കൂ‍ർ സമയത്തെ പ്രയത്നം വിഫലം; മുംബൈ പീഡനത്തിന് ഇരയായ പെൺകുട്ടി മരിച്ചു

34 കാരിയായ യുവതിയെ ക്രൂരമായി ബലാത്സംഗം ചെയ്തതിന് ശേഷം സ്വകാര്യ ഭാഗത്ത് ഇരുമ്പ് ദണ്ഡ് കയറ്റി ഇറക്കിയതായും പോലീസ് പറഞ്ഞിരുന്നു.

Also Read : 9/11 ഭീകരാക്രമണ വാര്‍ഷികത്തിന് സത്യപ്രതിജ്ഞ ഇല്ല; സമ്മര്‍ദ്ദത്തിൽ സര്‍ക്കാര്‍ രൂപീകരണം മാറ്റി താലിബാൻ

സംഭവത്തിൽ വിശദമായ അന്വേഷണമാണ് നടക്കുന്നതെന്ന് പോലീസ് വ്യക്തമാക്കി. പ്രതിക്കെതിരെ വധശ്രമം, ബലാത്സംഗം എന്നീ വകുപ്പുകൾ ചുമത്തിയാണ് നിലവിൽ കേസെടുത്തിരിക്കുന്നത്. അന്വേഷണം പുരോഗമിക്കുകയാണെന്ന് പോലീസ് പറഞ്ഞു. സംഭവത്തിൽ കൂടുതൽ പേർക്ക് പങ്കുള്ളതായാണ് പോലീസ് നിഗമനം.

വെള്ളിയാഴ്ച രാവിലെയാണ് യുവതി പീഡനത്തിന് ഇരയാകുന്നുവെന്ന വിവരം പോലീസിന് ലഭിച്ചത്. സാക്കിനാക്ക മേഖലയിൽ ഖൈറാനി റോഡിൽ ഒരു യുവാവ് യുവതിയെ മർദ്ദിക്കുന്നുവെന്നാണ് പോലീസ് കൺട്രോൾ റൂമിൽ ലഭിച്ച സന്ദേശം. സന്ദേശം ലഭിച്ചതിന് പിന്നാലെ സ്ഥലത്തെത്തി പരിശോധന നടത്തിയ പോലീസ് യുവതിയെ കണ്ടെത്തി.

Also Read : 9/11 ഓര്‍മ്മകളിൽ അമേരിക്ക: ലോകം നടുങ്ങിയ ഭീകരാക്രമണത്തിന് 20 വയസ്സ്

ക്രൂരമായ പീഡനത്തിന് ഇരയായ യുവതിയെ രക്തം വാര്‍ന്ന നിലയിലാണ് കണ്ടെത്തിയത്. അപ്പോള്‍ തന്നെ ആശുപത്രിയിലേക്ക് മാറ്റുകയായിരുന്നു. റോഡിന് വശത്തായി നിർത്തിയിട്ട ടെംബോ വാനിലാണ് യുവതി ബലാത്സംഗത്തിനും പീഡനത്തിനും ഇരയായതെന്നാണ് പ്രാഥമിക റിപ്പോർട്ട്.

പോലീസ് നടത്തിയ പരിശോധനയിൽ വാഹനത്തിനുള്ളിൽ നിന്നും രക്തക്കറ കണ്ടെത്തിയിരുന്നു. ബലാത്സംഗത്തിന് ഇരയാക്കിയ ശേഷം പ്രതി യുവതിയുടെ സ്വകാര്യ ഭാഗത്ത് ഇരുമ്പ് ദണ്ഡ് കയറ്റിയിറക്കിയതായും പോലീസ് പറഞ്ഞു.