കൂടാതെ ഒമാനിലേക്ക് പുകയില ഉത്പന്നങ്ങള്‍ കടത്താന്‍ ശ്രമിച്ച കേസില്‍ നാല് പ്രവാസികളെ കോസ്റ്റ് ഗാര്‍ഡ് അറസ്റ്റ് ചെയ്തിട്ടുണ്ട്. ഇവര്‍ യാത്ര ചെയ്തിരുന്ന ബോട്ടില്‍ നിന്നും 15,000 കിലോഗ്രാം നിരോധിത പുകയില ഉത്പന്നങ്ങള്‍ പോലീസ് പിടിച്ചെടുത്തു. ഒമാനിലെ മുസന്ദം ഗവര്‍ണറേറ്റ് പോലീസ് സംഘം ആണ് ഇവരെ അറസ്റ്റ് ചെയ്തത്. കള്ളക്കടത്ത് സംഘത്തെ പിടികൂടിയെന്ന് വാര്‍ത്ത് പോലീസ് തന്‍റെ ട്വിറ്റര്‍ പേജിലൂടെ പുറത്തുവിട്ടു. നാല് പേര്‍ക്കുമെതിരായ നിയമ നടപടികള്‍ പൂര്‍ത്തിയാക്കുകയാണ്.
അതിനിടെ മയക്കുമരുന്ന് കേസിൽ ഇന്ത്യയില്‍ ജാമ്യത്തിൽ കഴിയുന്ന ഒമാൻ സ്വദേശി കഴിഞ്ഞ ദിവസം രക്ഷപെടാന്‍ ശ്രമം നടത്തി. മംഗളൂരുവിൽ മയക്കുമരുന്ന് കേസിൽ പ്രതിയായിരുന്ന ഒമാൻ സ്വദേശി മുഷ്ഹാബ് ഉമരിയാണ് രക്ഷപെടാന്‍ ശ്രമം നടത്തിയത്. ഇന്ത്യ വിടരുതെന്ന വ്യവസ്ഥയോടെയായിരുന്നു ഇയാള്‍ക്ക് ജാമ്യം അനുവദിച്ചത്. എന്നാല്‍ പ്രതി കഴിഞ്ഞ ദിവസം ഫോറിനേഴ്സ് രജിസ്ട്രേഷൻ കൊച്ചി ഓഫിസീല്‍ എത്തി. വിസ കാലാവധി നീട്ടിനൽകാൻ അപേക്ഷ നൽകി.
Also Read: 
വിദേശികളുടെ ചികിത്സ ചെലവ് ചുരുക്കാൻ നടപടിയുമായി കുവൈറ്റ് ആരോഗ്യ മന്ത്രാലയം
വിസ കാലാവധി നീട്ടാന്‍ വേണ്ട പേപ്പറുകള്‍ ശരിയാക്കാന്‍ നോക്കിയപ്പോള്‍ ആണ് മംഗളൂരു പോലീസിന്‍റെ കേസ് ശ്രദ്ധയില്‍പ്പെടുന്നത്. തുടര്‍ന്ന് മംഗളൂരു പോലീസിനെ വിവരം അറിയിച്ചു. കസ്‌റ്റഡിയിൽ ആവശ്യമില്ലെന്ന് അവര്‍ മറുപടി നല്‍കി. തുടർന്ന് ഇയാൾക്ക് വിസ പുതുക്കി നൽകിയില്ല. വിസ പുതുക്കിയെടുത്തശേഷം മറ്റൊരു വ്യാജ രേഖ ഉണ്ടാക്കി രാജ്യം വിടാന്‍ ആയിരുന്നു ഇയാള്‍ ലക്ഷ്യം വെച്ചിരുന്നത്. കൂടുതൽ ചോദ്യം ചെയ്യാൻ ശ്രമിച്ചെങ്കിലും പ്രതി ദേഹാസ്വാസ്ഥ്യം പ്രകടിപ്പിക്കുകയായിരുന്നു
അതേസമയം, സലാം എയർ നിരയിൽ പുതിയ ഒരു തീവിമാനം കൂടി എത്തിയിരിക്കുന്നു. എ 321 നിയോ വിമാനമാണ് സലാം എയർ സ്വന്തമാക്കിയിരിക്കുന്നത്. ആദ്യമായാണ് വിമാന കമ്പനി എ 321 നിയോ വിമാനം സ്വന്തമാക്കുന്നത്. 212 സീറ്റുകളാണ് വിമാനത്തില്‍ ഉള്ളത്. മസീറ എന്നാണ് വിമാനത്തിന് പേരിട്ടിരിക്കുന്നത്. മികച്ച യാത്രാനുഭവം നൽകുന്നതാണ് വിമാനത്തിന്‍റെ പ്രത്യേകത. കാബിൻ സ്പേസ് കാര്യമായി ഉപയോഗിച്ചതിലൂടെ നല്ല സീറ്റിങ് സ്പേസ് കിട്ടുന്നുണ്ട്. എട്ട് മണിക്കൂർ തുടർച്ചയായി പറക്കാൻ ശേഷിയുള്ളതാണ് വിമാനം .സലാം എയറിന് ആറ് എ 320 നിയോ വിമാനങ്ങള്‍ ആണ് ഇപ്പോള്‍ ഉള്ളത്. 31 സ്ഥലങ്ങളിലേക്കാണ് സലാം എയര്‍ ഇപ്പോള്‍ സര്‍വീസ് നടത്തുന്നത്. ട്രബ്സോൺ, ഇസ്തംബൂൾ, ധാക്ക സലാല എത്തിവിടങ്ങളിലേക്കാണ് എ 321 നിയോ സര്‍വീസ് നടത്തുക.
സ്‌കൂളുകൾ തുറക്കുന്ന തീയതി ഉടനെന്ന് മന്ത്രി
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : four expats arrested on charges of vandalism and theft in muscat
Malayalam News from malayalam.samayam.com, TIL Network
