ബഹ്‌റൈനും ഇസ്രായേലും തമ്മിൽ നയതന്ത്ര ബന്ധം ആരംഭിക്കാന്‍ കഴിഞ്ഞ വര്‍ഷമാണ് തീരുമാനിച്ചത്. ഇരു രാജ്യങ്ങളും തമ്മിലുള്ള സമാധാനവും സമൃദ്ധിയും കൈവരിക്കാൻ ഭരണ നേതൃത്വത്തിന് സാധിച്ചെന്നും ഗൾഫ് എയർ ആക്ടിങ് ചീഫ് എക്സിക്യൂട്ടിവ് ഓഫിസർ ക്യാപ്റ്റൻ വലീദ് അൽ അലാവി കൂട്ടിച്ചേര്‍ത്തു.
Also Read: 
വീടുകളില്‍ അതിക്രമിച്ച് കയറി കവര്‍ച്ച; ഒമാനില്‍ നാല് വിദേശികള്‍ പിടിയില്‍
അതേസമയം, അഫ്ഗാൻ ജനതക്കുള്ള മൂന്നാംഘട്ട സഹായം കാബൂൾ വിമാനത്താവളത്തിലെത്തിയതായി ബഹ്റൈന്‍ റോയൽ ഹ്യൂമാനിറ്റേറിയൻ ഫൗണ്ടേഷൻ സെക്രട്ടറി ജനറൽ മുസ്തഫ അസ്സയ്യിദ് അറിയിച്ചു. ആവശ്യ വസ്തുക്കളും, മരുന്നും, ഭക്ഷണവുമാണ് എത്തിച്ചിരിക്കുന്നത്. അഫ്ഗാൻ ജനതക്ക് അടിയന്തര സഹായമെത്തിക്കാൻ നിർദേശം നൽകിയത് രാജാവ് സൽമാൻ ബിൻ ഹമദ് ആൽ ഖലീഫയാണ്. ഇത് മൂന്നാം തവണയാണ് ബഹ്റൈന്‍ അഫ്ഗാന്‍ ജനതക്ക് സഹായം എത്തിക്കുന്നത്.
അതേസമയം, അമേരിക്കയുമായി നല്ല ബന്ധത്തിന് തുടക്കം കുറിക്കാനുള്ള തയ്യാറെടുപ്പിലാണ് ബഹ്റൈന്‍. അമേരിക്കൻ സെനറ്റ് കോൺഗ്രസ് പ്രതിനിധികളുമായി വനിത സുപ്രീം കൗൺസിൽ ജനറൽ സെക്രട്ടേറിയറ്റ് അംഗങ്ങൾ കഴിഞ്ഞ ദിവസം കൂടിക്കാഴ്ച നടത്തി. ഇരുരാജ്യങ്ങളും തമ്മിലുള്ള സംയുക്ത സഹകരണത്തിന്‍റെ സാധ്യതകള്‍ ആണ് ചര്‍ച്ച നടത്തിയത്. ബഹ്റൈൻ സ്ത്രീകൾ കൈവരിച്ച പുരോഗതിയെക്കുറിച്ച് അസി. സെക്രട്ടറി ജനറൽ ശൈഖ ദിന ബിൻത് റാഷിദ് ആൽ ഖലീഫ ചര്‍ച്ചയില്‍ വിശദീകരിച്ചു. ബഹ്റൈന്‍ വികസനത്തിന് സ്ത്രീകളുടെ പങ്കാളിത്വത്തെക്കുറിച്ചും കഴിഞ്ഞ 20 വര്‍ത്തിനിടയില്‍ സ്ത്രീകള്‍ മുന്നേറിയ മേഖലകളെ കുറിച്ചും കൗൺസിൽ നടത്തിയ പ്രവർത്തനങ്ങളെക്കുറിച്ചും അവര്‍ വ്യക്തമായി സംസാരിച്ചു.
സ്ത്രീകളുടെ നില മെച്ചപ്പെടുത്തുന്നതിനും രാജ്യത്തിന്‍റെ പ്രവര്‍ത്തനങ്ങളില്‍ സ്ത്രീകളുടെ പങ്കാളിത്തം വർധിപ്പിക്കുന്നതിനും എന്ത് പ്രവര്‍ത്തങ്ങള്‍ ആണ് മുന്നോട്ട് വെക്കുന്നത് എന്നതിനെ കുറിച്ച് സംഘം ചോദിച്ചറിഞ്ഞു. വിവിധ മേഖലകളിൽ ബഹ്റൈൻ സ്ത്രീകളുടെ പങ്കാളിത്തം ഉറപ്പുവരുത്തിയ പ്രവര്‍ത്തനങ്ങളെ സംഘം പ്രശംസിച്ചു. അമേരിക്കയിലേയും ബഹ്റൈനിലേയും സ്ത്രീകളുടെ ഉന്നമനത്തിനായി ഒരുമിച്ച് പ്രവര്‍ത്തിക്കണം എന്നാണ് കൗൺസിലിന്‍റെ താല്‍പര്യം എന്ന് സെക്രട്ടറി ജനറൽ ആഗ്രഹം പ്രകടിപ്പിച്ചു.
സ്‌കൂളുകൾ തുറക്കുന്ന തീയതി ഉടനെന്ന് മന്ത്രി
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : gulf air announces direct flights to tel aviv from sept 30
Malayalam News from malayalam.samayam.com, TIL Network
