യുവതിയെ തട്ടിക്കൊണ്ടുപോയി കൂട്ടബലാത്സംഗം ചെയ്ത് കഴുത്തുഞെരിച്ച് കൊന്നു; ക്രൂരസംഭവം ഛത്തീസ്ഗഡില്‍

റായ്പൂര്‍: മഹാരാഷ്ട്രയിൽ ബലാത്സംഗത്തിനിരയായ മുപ്പതുകാരി മരിച്ചതിന് പിന്നാലെ ഛത്തീസ്ഗഡില്‍ നിന്നും ഞെട്ടിക്കുന്ന വാർത്ത. ബെമേതാര ജില്ലയിൽ യുവതിയെ തട്ടിക്കൊണ്ടുപോയ സംഘം കഴുത്തുഞെരിച്ച് കൊലപ്പെടുത്തി. വെള്ളിയാഴ്ചയാണ് നാടിനെ നടുക്കിയ സംഭവം നടന്നതെന്ന് ഇംഗ്ലീഷ് വാർത്താ ചാനലായ ടൈംസ് നൗവാണ് റിപ്പോർട്ട് ചെയ്തത്. മദ്യലഹരിയിലായിരുന്ന രണ്ടുപേരാണ് കൃത്യം ചെയ്തതെന്നാണ് പുറത്തുവരുന്ന റിപ്പോർട്ട്.



സംഭവവുമായി ബന്ധപ്പെട്ട് രണ്ടുപേരെ പോലീസ് അറസ്റ്റ് ചെയ്തിട്ടുണ്ട്. യുവതി ശക്തമായി ചെറുത്തതോടെയാണ് കൊലപാതകം നടത്തിയെന്നാണ് പ്രതികൾ പോലീസിനോട് പറഞ്ഞത്. അമ്മയോടൊപ്പം കൃഷിസ്ഥലത്ത് പോയ യുവതിയാണ് കൊല്ലപ്പെട്ടത്. വീട്ടിലേക്ക് മടങ്ങുന്നതിന് മുൻപ് അമ്മ കുളിക്കാൻ പോയിരുന്നു. ഇവരെ അൽപ്പം സമയം കാത്ത് നിന്ന മകൾ, ഭക്ഷണം പാചകം ചെയ്യാനായി വീട്ടിലേക്ക് മടങ്ങുകയായിരുന്നു. അമ്മയോട് കാര്യം പറഞ്ഞ ശേഷമായിരുന്നു യുവതി വീട്ടിലേക്ക് തിരിച്ചത്.

Also Read : ‘പാലാ അരമനയിലേയ്ക്ക് ജാഥ വേണ്ട’, ബിഷപ്പിന്‍റെ മുന്നറിയിപ്പ് കുട്ടികൾ പിഴച്ചു പോകാതിരിക്കാൻ; യുഡിഎഫ് നേതൃത്വത്തെ തള്ളി കാപ്പൻ



കൃഷി സ്ഥലത്ത് നിന്ന് യുവതി മടങ്ങുന്നതിനിടെയാണ് മദ്യപിചെത്തിയ രണ്ടുപേർ കുട്ടിയെ കാണുന്നതും തടയുന്നതും. തുടർന്ന് രണ്ടുപേരും ചേർന്ന് യുവതിയെ ബലംപ്രയോഗിച്ച് തട്ടിക്കൊണ്ടുപോവുകയും ലൈംഗികമായി പീഡിപ്പിക്കുകയുമായിരുന്നു. ലൈംഗികാതിക്രമത്തെ യുവതി ശക്തമായി ചെറുക്കാൻ ശ്രമിച്ചതോടെ പ്രതികൾ ബലം പ്രയോഗിക്കുകയും പെൺകുട്ടിയുടെ ദുപ്പട്ട ഉപയോഗിച്ച് കഴുത്തുഞെരിച്ച് കൊല്ലുകയുമായിരുന്നു.

Also Read : മുസ്‌ലിം നാമധാരി എന്തെങ്കിലും ചെയ്‌താൽ സമൂഹത്തെ ആകെ അപമാനിക്കുന്ന സാഹചര്യം: ജിഫ്രി മുത്തുക്കോയ തങ്ങള്‍

വീട്ടില്‍ തിരിച്ചെത്തിയ പെണ്‍കുട്ടിയുടെ അമ്മ, മകൾ ഇതുവരെ വീട്ടിലെത്തിയില്ലെന്നറിഞ്ഞ് പേടിക്കുകയായിരുന്നു. തുടർന്ന് പ്രദേശത്ത് തിരച്ചിൽ നടത്തുകയും ചെയ്തു. കുട്ടിയെ കണ്ടെത്താൻ കഴിയാതെ വന്നതോടെ പോലീസിൽ വിവരം അറിയിച്ചു. പെൺകുട്ടിയെ കാണാതായെന്ന പരാതിയെത്തുടർന്ന് പ്രദേശത്ത് പോലീസും പരിശോധന ശക്തമാക്കി. ഇതിനിടെ രണ്ട് പേരെ സംശയാസ്പദമായ സാഹചര്യത്തിൽ കാണുകയായിരുന്നു.

Also Read : മീനച്ചിലാർ ഒഴുകുന്ന താലൂക്കുകൾക്ക് മാത്രമായി യൂത്ത് കോൺഗ്രസിന് പ്രത്യേക നിലപാടില്ല; ദീപികയ്ക്ക് മറുപടിയുമായി ശബരീനാഥ്



തുടർന്ന് ഇവരെ രണ്ട് പേരെയും കസ്റ്റഡിയിലെടുത്ത് ചോദ്യം ചെയ്തപ്പോഴാണ് ക്രൂരകൃത്യം പുറത്തറിയുന്നത്. പെൺകുട്ടിയെ കൂട്ടബലാത്സംഗത്തിനിരയാക്കി കൊലപ്പെടുത്തിയെന്ന് ഇവർ പോലീസിനോട് തുറന്ന് പറയുകയായിരുന്നു. പെൺകുട്ടി ചെറുത്ത് നിന്നതോടെയാണ് കൊലപാതകം നടത്തിയതെന്നും തങ്ങളെ തിരിച്ചറിയുമോയെന്ന ഭയം ഉണ്ടായിരുന്നെന്നും ഇവർ പോലീസിനോട് പറഞ്ഞെന്നാണ് റിപ്പോർട്ട്.