കൊച്ചി : ഏറെ കാലത്തെ ഇടവേളക്ക് ശേഷം ആക്ഷൻ കിംഗ് ബാബു ആന്റണി മലയാളത്തിലേക്ക് നായകനായി തിരിച്ച് എത്തുന്ന ‘ സാന്‍റാ മരിയ ‘ ഫസ്റ്റ് ലുക്ക് പോസ്റ്റർ മലയാളസിനിമയിലെ പ്രമുഖരായ നൂറോളം താരങ്ങൾ ചേർന്ന് ഒരേ സമയം പുറത്തിറക്കി. ഒരു കയ്യിൽ വീണയും, മറു കയ്യിൽ ചോര വാർന്ന ചുറ്റികയുമായി ഒരു സോഫയിൽ ഇരിക്കുന്ന സാന്‍റാ അപ്പൂപ്പനെയാണ് പോസ്റ്ററിൽ കാണുന്നത്. വ്യത്യസ്തമായ പോസ്റ്റർ സോഷ്യൽ മീഡിയയിൽ തരംഗവുമായി.
ഡോൺ ഗോഡ്ലി പ്രൊഡക്ഷൻസിന്‍റെ ബാനറിൽ ലീമോൻ ചിറ്റിലപ്പിള്ളി നിർമ്മിക്കുന്ന സിനിമ, നവാഗതനായ വിനു വിജയ് സംവിധാനം ചെയ്യുന്നു. കഥ , തിരക്കഥ , സംഭാഷണം കൈകാര്യം ചെയ്യുന്നത് സംവിധായകനും, തിരക്കഥാകൃത്തുമായ അമൽ കെ ജോബിയാണ്. സംവിധായകൻ ഒമർ ലുലുവിന്‍റെ പവർ സ്റ്റാറിലും ബാബു ആന്റണി നായകനായി എത്തുന്നുണ്ട്.
ഇർഷാദ് , അലൻസിയർ , റോണി ഡേവിഡ് രാജ് , വിജയ് നെല്ലിസ് , മഞ്ജു പിള്ള , അമേയ മാത്യു ,ശാലിൻ സോയ, ഇടവേള ബാബു ,ശ്രീജയ നായർ , സിനിൽ സൈനുദ്ധീൻ തുടങ്ങിയ താരങ്ങൾ അണിനിരക്കുന്ന ചിത്രത്തിൽ മലയാളത്തിലെ ഒരു സൂപ്പർ താരവും അതിഥി വേഷത്തിലെത്തുമെന്നാണ് റിപ്പോർട്ടുകൾ സൂചിപ്പിക്കുന്നത് .
നവംബറിൽ ചിത്രീകരണം ആരംഭിക്കുന്ന ഈ സിനിമയുടെ ഛായാഗ്രഹകൻ ഷിജു എം ഭാസ്കറാണ്. സംഗീത സംവിധാനം കേദാർ . നടി മഞ്ജു പിള്ളയുടെ സഹോദരനായ വിവേക് പിള്ള Co-Director ആയി പ്രവർത്തിക്കുന്നു. ജോസ് അറുകാലിൽ എഡിറ്റിംഗും വസ്ത്രാലങ്കാരം സപ്ന ഫാത്തിമ , ചീഫ് അസ്സോസിയേറ്റ് കുടമാളൂർ രാജാജി , അസോസിയേറ്റ് ഡയറക്ടർ അമൽദേവ് കെ ആർ , ക്രിയേറ്റീവ് കോട്രിബ്യൂഷൻ അജ്മൽ ഷാഹുൽ , പ്രോജക്റ്റ് ഡിസൈനർ കിഷോർ ബാലു , പ്രൊഡക്ഷൻ കണ്ട്രോളർ വർഗീസ് P C , പ്രൊഡക്ഷൻ ഏക്സികുട്ടീവ് അഫ്സൽ സലീം , പ്രോജക്ട് കോ ഓർഡിനേറ്റർ മെപ്പു.അസിസ്റ്റൻറ് ഡയറക്ടർമാർ – ബിമൽ രാജ് , അജോസ് മരിയൻ പോൾ , ദയ തരകൻ ,അശ്വിൻ മധു , അഖിൽ നാഥ്.
പി ആർ ഒ പ്രതീഷ് ശേഖർ.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
