മഴക്കാലം പൊതുവേ പല കാര്യങ്ങളിലും ശ്രദ്ധ വേണ്ട സമയം കൂടിയാണ്. അസുഖങ്ങള്‍ വരാന്‍ സാധ്യതയേറെയുളള കാലം. ആരോഗ്യകാര്യങ്ങിലും ഇതു കൊണ്ടു തന്നെ ഭക്ഷണ കാര്യങ്ങളിലും ശ്രദ്ധയും വേണം. മഴക്കാല ഭക്ഷണങ്ങളുടെ കാര്യത്തിലും ഇത് പ്രധാനം തന്നെയാണ്. വിശപ്പു തോന്നുന്ന സമയമെങ്കിലും കയ്യില്‍ കിട്ടിയത് വാരിക്കഴിയ്ക്കുന്നത് ദോഷം വരുത്തും. മഴക്കാലത്ത് കഴിയ്ക്കാന്‍ അനുയോജ്യമായ ചില ഭക്ഷണങ്ങളുണ്ട്.

​മഴക്കാലത്ത്

മഴക്കാലത്ത് കഴിയ്ക്കാന്‍ പറ്റിയ അത്താഴഭക്ഷണത്തില്‍ ഒന്നാണ് കഞ്ഞി. പണ്ടു കാലത്തെ അടുക്കളകളിലെ അത്താഴ സമയത്തെ പ്രധാന വിഭവമായ ഇത് കാലം മാറിയപ്പോള്‍ വളരെ ചുരുക്കമായിപ്പോയി. ഇപ്പോഴത്തെ തലമുറയില്‍ കഞ്ഞി പ്രണയമുള്ളവര്‍ ചുരുങ്ങും. മാത്രമല്ല, ആരോഗ്യത്തെ പറ്റിയും ഡയറ്റിനെ പറ്റിയുമെല്ലാം ചിന്ത വന്നപ്പോള്‍ രാത്രി സമയത്ത് അരിയാഹാരം തന്നെ ഒഴിവാക്കിയവരുമുണ്ട്. പ്രത്യേകിച്ചും പ്രമേഹവും അമിതവണ്ണവുമെല്ലാമുളളവര്‍.

നെയ്യു കൂടി ചേര്‍ത്താല്‍

എന്നാല്‍ മഴക്കാല രാത്രികളില്‍ ആരോഗ്യത്തിന് ഏറെ നല്ല ഭക്ഷണമാണ് കഞ്ഞി. വെറും കഞ്ഞിയല്ല, നല്ല ചൂടു കഞ്ഞി. ഒപ്പം ലേശം നെയ്യു കൂടി ചേര്‍ത്താല്‍ ഗുണമേറും. നെയ്യ് കൊഴുപ്പല്ലേ, കൊളസ്‌ട്രോള്‍ വരില്ലേ തുടങ്ങിയ ചിന്തകളുള്ളവരുണ്ട്. ഇതു മിതമായി കഴിച്ചാല്‍ ദോഷമല്ല, ഗുണമാണുള്ളത്. പ്രത്യേകിച്ചും ഇത് കഞ്ഞിയില്‍ ചേര്‍ത്തു കഴിയ്ക്കുന്നത് ആരോഗ്യകരമെന്നു പറയാന്‍ കാരണവുമുണ്ട്.

​കഞ്ഞി കുടിയ്ക്കാന്‍

കഞ്ഞി കുടിയ്ക്കാന്‍ പലരേയും അലട്ടുന്ന ഭയം പ്രമേഹവും ഈ സാധ്യതയുമാണ്. ഇതിന് നല്ലൊരു പ്രതിവിധിയാണ് നെയ്യ്. ഇതില്‍ നെയ്യു ചേര്‍ക്കുമ്പോള്‍ ഗ്ലൈസമിക് ഇന്‍ഡെക്‌സ് കുറയുകയാണ് ചെയ്യുന്നത്. അതായത് പ്രമേഹ സാധ്യത കുറയുന്നു. ഇത് ഷുഗറിനെ പതുക്കെ മാത്രമേ രക്തത്തിലേയ്ക്കു കടത്തി വിടുന്നുള്ളൂ. ഇതാണ് ഇതിനുളള ഒരു കാരണമായി പറയുന്നത്. പ്രമേഹ രോഗികള്‍ക്ക് ചോറിലും കഞ്ഞിയിലും അല്‍പം നെയ്യു ചേര്‍ക്കുന്നത് ഏറെ നല്ലതാണ്.

തടി കുറയ്ക്കാന്‍

ഇനി രാത്രി കഞ്ഞി തടി കൂട്ടുമെന്ന ഭയമെങ്കില്‍ ഇതിന് പരിഹാരമാണ് ഇത്തിരി നെയ്യ്. തടി കുറയ്ക്കാന്‍ സഹായിക്കുന്ന ഫാറ്റ് സോലുബിള്‍ വൈറ്റമിനുകള്‍ അടങ്ങിയതാണ് നെയ്യ്. ഇതാണ് നെയ്യ് തടി കൂട്ടില്ല, കുറയ്ക്കാന്‍ സഹായിക്കുമെന്നു പറയുന്നതിന്റെ ഒരു കാരണം. ശരീരത്തിലെ കൊഴുപ്പു കളയാന്‍ നെയ്യു സഹായിക്കും. ഇത് കൊഴുപ്പു വലിച്ചെടുക്കും.വിശപ്പു കുറയ്ക്കാനും ഇതു നല്ലതാണ്.

​ദഹന പ്രശ്‌നങ്ങള്‍

ദഹന പ്രശ്‌നങ്ങള്‍ മഴക്കാലത്ത് സാധാരണയാണ്. ഭക്ഷണം ദഹിയ്ക്കാന്‍ ബുദ്ധിമുട്ടുണ്ടാകും. ഇതിന് രാത്രിയിലെ കഞ്ഞി നല്ലൊരു പ്രതിവിധിയാണ്. പെട്ടെന്നു ദഹിയ്ക്കും. നെയ്യു ചേര്‍ക്കുമ്പോള്‍ ദഹനം വേഗമാകും. ഗ്യാസ്, അസിഡിറ്റി പ്രശ്‌നങ്ങള്‍ക്ക് പരിഹാരമാകും. വയറിനെ ആല്‍ക്കലൈനാക്കി മാറ്റുന്ന ക്ഷാര സ്വഭാവമുള്ള ഒന്നാണ് നെയ്യ്.മിതമായി, അല്ലെങ്കില്‍ പേരിനു മാത്രം എന്നതാണ് വേണ്ടത്. ബിപി മരുന്നു കഴിച്ചാല്‍ സ്ഥിരം വേണോ, എത്ര ബിപിയെങ്കില്‍ മരുന്ന്…