സ്ത്രീ ശരീരത്തിലെ പ്രധാന അവയവങ്ങളില്‍ ഒന്നായ മാറിടത്തിലുണ്ടാകുന്ന വ്യത്യാസങ്ങള്‍ പലപ്പോഴും സ്ത്രീകള്‍ക്ക് ആശങ്കയുണ്ടാകുന്ന ഒന്നാണ്. മാറിടങ്ങളുടെ വലിപ്പവും ഇതിലുണ്ടാകുന്ന വ്യത്യാസങ്ങളുമെല്ലാം തന്നെ ഇതില്‍ പെടു. പല സ്ത്രീകളിലും മാറിടങ്ങള്‍ രണ്ടിനും വ്യത്യസ്ത വലിപ്പമുണ്ടാകും. ഇത് പലര്‍ക്കും ആശങ്കയുണ്ടാക്കും. ഇത് രോഗം കാരണമാണോയെന്ന ചിന്ത പലര്‍ക്കും പലപ്പോഴും ഉണ്ടാകാറുണ്ട്. ഇത് രോഗ കാരണവും അതല്ലാതെയും ആകാം. ഇത് രോഗകാരണമാകുന്നതിന് ചില പ്രത്യേക ലക്ഷണങ്ങള്‍ കൂടിയുണ്ട്. അല്ലാത്ത പക്ഷം ഇതെക്കുറിച്ച് കാര്യമായ ആശങ്ക വേണ്ട. ഇതു പോലെ തന്നെ മാറിടങ്ങളുടെ സ്ഥാനങ്ങള്‍ രണ്ടു വശത്തും രണ്ടു തരം എന്നതു കൊണ്ടും പലര്‍ക്കും ചിന്താക്കുഴപ്പമുണ്ടാകാറുണ്ട്. ഇത്തരം കാര്യങ്ങളെക്കുറിച്ച് കൂടുതലായി അറിയൂ.

​ബ്രെസ്റ്റ് ക്യാന്‍സര്‍

ബ്രെസ്റ്റ് ക്യാന്‍സര്‍ പോലുളള അവസ്ഥകള്‍ മറി കടക്കാന്‍ നാം മാറിടം കൃത്യമായി നിരീക്ഷിയ്ക്കുക. മാറിടത്തില്‍ മുഴകളോ മറ്റോ ഉണ്ടെങ്കില്‍ നമുക്ക് സ്വയം പരിശോധന നടത്തി കണ്ടു പിടിയ്ക്കാന്‍ സാധിയ്ക്കും. ഇതിനായി ആര്‍ത്തവത്തിന്റെ നാലാം നാള്‍ പരിശോധന നടത്തുന്നതാണ് നല്ലത്. കണ്ണാടിയ്ക്കു മുന്നില്‍ നിന്ന് കൈകള്‍ മേലോട്ടുയര്‍ത്തി ഇത്തരം പരിശോധനകള്‍ നടത്താം. ഇതു പോലെ മാറിടത്തിനു ചുറ്റും വൃത്താകൃതിയില്‍ കൈകകള്‍ നീക്കി അമര്‍ത്തി പരിശോധിയ്ക്കാം. മുഴകളോ കഴലകളോ കണ്ടാല്‍ അത് നിസാരമാക്കാതെ പരിശോധിയ്ക്കുക. ഓര്‍ക്കുക, എല്ലായ്‌പ്പോഴും ഇത്തരം മുഴകളും കഴലകളും അപകടകാരികളാകുമെന്ന ചിന്ത വേണ്ട. . സ്തനാർബുദം: ആരംഭത്തിൽ തന്നെ രോഗലക്ഷണങ്ങൾ തിരിച്ചറിയാം

മാറിടങ്ങള്‍ക്ക്

വാസ്തവത്തില്‍ മാറിടങ്ങളുടെ വലിപ്പവും മറ്റു വ്യത്യാസങ്ങളുമെല്ലാം ഹോര്‍മോണ്‍ കാരണമാണ് സംഭവിയ്ക്കുന്നത്. ഈസ്ട്രജന്‍ ഹോര്‍മോണാണ് ഇതിന് കാരണമാകുന്നതും. ഇതു പോലെ ആര്‍ത്തവാരംഭം, ഗര്‍ഭകാലം, പ്രസവ ശേഷം, മെനോപോസ് തുടങ്ങിയ പല ഘട്ടത്തിലും മാറിടങ്ങള്‍ക്ക് ഏറെ വ്യത്യാസങ്ങള്‍ വരാന്‍ സാധ്യതയുണ്ട്. ഏതു സ്ത്രീകളിലും രണ്ടു മാറിടങ്ങളും ഒരേ രൂപത്തിലോ വലിപ്പത്തിലോ ഉണ്ടാകാന്‍ സാധ്യതയില്ല. ചിലപ്പോള്‍ പൊസിഷന്‍ വ്യത്യാസമാകും. ചിലപ്പോള്‍ ഒരു മാറിടം ഉയര്‍ന്നതാകും, മറ്റു ചിലപ്പോള്‍ ഇത് താഴ്ന്നതാകാം. ഇതെല്ലാം മാറിടത്തിനുള്ളിലെ ഫൈബര്‍ ടിഷ്യൂവിലുണ്ടാകുന്ന വ്യത്യാസം കാരണവും മാറിടത്തിന്റെ വോളിയത്തിലുണ്ടാകുന്ന വ്യത്യാസം കാരണവുമെല്ലാം ഇതുണ്ടാകാം. ഇതു പോലെ നിപ്പിളുകളുടെ കാര്യത്തിലും ഈ വ്യത്യാസം വരാം. ചിലരുടെ നിപ്പിളുകള്‍ പുറത്തേയ്ക്കായിരിയ്ക്കും, ചിലരില്‍ ഇത് ഉള്ളിലേയ്ക്കായിരിക്കും. മാറിടങ്ങള്‍ മാത്രമല്ല, ശരീരത്തിലെ ഏത് അവയവങ്ങളുടെ കാര്യത്തിലും ഈ വ്യത്യാസം കാണാം. ഉദാഹരണം, പുരികം, കൈകള്‍ എല്ലാം തന്നെ ചെറിയ വ്യത്യാസങ്ങളെങ്കിലും ഉണ്ടാകാം.

​സാധാരണ ഗതിയില്‍

സാധാരണ ഗതിയില്‍ മാറിടങ്ങളുടെ ഇത്തരം വലിപ്പ വ്യത്യാസം പ്രശ്‌നമല്ലെങ്കിലും ചില ഘട്ടങ്ങളില്‍ പ്രത്യേക ശ്രദ്ധ വേണം. ഇത് പെട്ടെന്നാണ് വലിപ്പവ്യത്യാസം വരുന്നത്, ഇതു പോലെ ഇതിനൊപ്പം കക്ഷത്തില്‍ കഴലയോ അല്ലെങ്കില്‍ മുഴ പോലെയോ മറ്റോ വന്നാല്‍ ശ്രദ്ധ വേണം. ഇതു പോലെ ചിലരില്‍ പെട്ടെന്ന് നിപ്പിള്‍ ഉള്ളിലേയ്ക്ക് വലിയുകയാണെങ്കില്‍ ഇതുണ്ടാകാം. ഇതു പോലെ മാറിടത്തിലെ ചര്‍മത്തില്‍ പെട്ടെന്ന് വ്യത്യാസം, മാറിടത്തില്‍ നിന്ന് ബ്ലഡ് അടങ്ങിയ ഡിസ്ചാര്‍ജ് എന്നിവയെല്ലാം ഉണ്ടാകുകയാണെങ്കില്‍ ശ്രദ്ധ വേണം. ഇതു പോലെ വിശപ്പില്ലായ്മ, പെട്ടെന്ന് ഭാരം കുറയല്‍ എന്നിവയെല്ലാം തന്നെ ശ്രദ്ധ വേണ്ടവയാണ്. കാരണം ഇവ ബ്രെസ്റ്റ് ക്യാന്‍സര്‍ പോലുള്ള രോഗങ്ങള്‍ കാരണവുമാകാം.

​ചിലപ്പോള്‍

ചിലപ്പോള്‍ ആര്‍ത്തവ സമയത്ത് ഇത്തരം വ്യത്യാസങ്ങള്‍ ഉണ്ടാകാം. ഇത് പേടിയ്‌ക്കേണ്ട ആവശ്യമില്ല.ഇതു പോലെ ആര്‍ത്തവ സമയത്ത് മാറിടങ്ങള്‍ക്ക് കട്ടി കൂടുന്നത്, അതായത് കല്ലിച്ചതു പോലുള്ള അവസ്ഥയുണ്ടാകും. ഇതിനും ഹോര്‍മോണ്‍ തന്നെയാണ് ഉത്തരവാദി. എന്നാല്‍, ആര്‍ത്തവ സമയത്തല്ലാതെ ഒരു മാറിടത്തില്‍ മാത്രം വേദനയോ ഇല്ലെങ്കില്‍ ഇത്തരം കല്ലിപ്പോ തോന്നിയാല്‍ മെഡിക്കല്‍ സഹായം തേടുക. ഇതു പോലെ മുഴ പോലെ തോന്നിയാല്‍ തന്നെയും ഫൈബ്രോ അഡിനോസ് എന്നിവ പോലുലുള്ള അവസ്ഥകളെങ്കില്‍ ഇത്തരം മുഴകളുണ്ടാകാം. എന്നാല്‍ ഇവ അത്ര അപകടകരമല്ല. ഇതു പോലെ പ്രായമേറുമ്പോള്‍ മാറിടങ്ങള്‍ തൂങ്ങുന്നതും സ്വാഭാവികമാണ്. ഇതും രോഗ ലക്ഷണമായി എടുക്കേണ്ടതില്ല. ഇതിനായി കൃത്യ അളവിലെ ബ്രാ, വ്യായാമം തുടങ്ങിയവ ചെയ്യുന്നത് നല്ലതാണ്. മാറിടത്തിലെ മസിലുകള്‍ക്ക് ഉറപ്പ് നല്‍കാനുള്ള വഴികള്‍ നോക്കുന്നതാണ് മാറിടം അയഞ്ഞു തൂങ്ങാതെയിരിയ്ക്കാന്‍ നല്ല വഴി.