‘നിർബന്ധിത മത പരിവർത്തനം ആശങ്കയുണ്ടാക്കുന്നു’; സമുദായസംഘടനകൾ മുൻ കരുതലുകൾ സ്വീകരിക്കണമെന്ന് എൻഎസ്എസ്

ചങ്ങനാശേരി: ക്രിസ്ത്യൻ യുവതി – യുവാക്കളെ ലക്ഷ്യമിട്ട് ലൗ ജിഹാദിനൊപ്പം നാർക്കോട്ടിക് ജിഹാദും കേരളത്തിൽ നടക്കുന്നുണ്ടെന്ന പാലാ ബിഷപ്പ് മാർ ജോസഫ് കല്ലറങ്ങാട്ടിൻ്റെ പ്രസ്താവന വിവാദമായി തുടരുന്നതിനിടെ നിലപാട് വ്യക്തമാക്കി എൻഎസ്എസ്. പ്രണയം നടിച്ച് നിർബന്ധിത മത പരിവർത്തനം നടത്തുന്നത് ആശങ്ക ജനകമാണെന്ന് എൻഎസ്എസ് ജനറൽ സെക്രട്ടറി ജി സുകുമാരൻ നായർ വ്യക്തമാക്കി.



‘പ്രണയക്കെണികളിൽപ്പെടുത്തി വഞ്ചിച്ചും ഭീഷണിപ്പെടുത്തിയും പീഡനങ്ങൾ നടക്കുന്നു’; പാലാ ബിഷപ്പിനെ പിന്തുണച്ച് ചങ്ങനാശേരി അതിരൂപത

നിർബന്ധിത മത പരിവർത്തനം നടത്തുന്നത് ആശങ്ക ജനകമാണെങ്കിലും ഇത്തരം പ്രവർത്തികൾക്ക് ഏതെങ്കിലും മതത്തിൻ്റെയോ സമുദായത്തിൻ്റെയോ പരിവേഷം നൽകുന്നത് ശരിയല്ല. രാജ്യദ്രോഹപരമായ നടപടി സ്വീകരിക്കുന്നവരെ കണ്ടെത്തി അമർച്ച ചെയ്യേണ്ട ബാധ്യത കേന്ദ്ര – സംസ്ഥാന സർക്കാരുകൾക്കുണ്ട്. മതവിദ്വാഷത്തിനെതിരെ ജാതിമതഭേദമന്യ എല്ലാവരും ഒന്നിക്കണമെന്നും എൻ എസ് എസ് പ്രസ്താവനയിലൂടെ വ്യക്തമാക്കി.

സ്നേഹമെന്ന വജ്രായുധം ഉപയോഗിച്ചും മറ്റ് പ്രലോഭനങ്ങളും ഉപയോഗിച്ച് പെൺകുട്ടികളെ വലയിൽ വീഴ്ത്തി നിർബന്ധിത മതപരിവർത്തനം ചെയ്യുന്ന ഭീകരവാദ പ്രവർത്തനം നാട്ടിൽ പലയിടത്തും നടക്കുന്നുണ്ടെന്നത് ഏറെ ആശങ്കാജനകമാണ്. പ്രണയം നടിച്ചുള്ള നിർബന്ധിത മതപരിവർത്തനത്തിൽ വശം വദരാകാതിരിക്കാൻ സമുദായസംഘടനകൾ ആവശ്യമായ മുൻ കരുതലുകൾ സ്വീകരിക്കണം. മതവിദ്വേഷവും വിഭാഗീയതയും വളർത്തി രാജ്യത്തെ അപകടത്തിലേക്ക് നയിക്കുന്ന ഇത്തര പ്രവണതകളെ തൂത്തെറിയാൻ ജാതിമഭേദമില്ലാതെ എല്ലാവരും കൂട്ടായി പരിശ്രമിക്കണമെന്നും എൻഎസ്എസ് ആവശ്യപ്പെട്ടു.

പിണറായിക്കു മുന്നിൽ സിപിഐ അസ്ഥിത്വം പണയപ്പെടുത്തി; കാനത്തിന് അസാധാരണ വിധേയത്വം: കെ സുധാകരൻ

മനുഷ്യരാശിക്ക് സഹിക്കാനും പൊറുക്കാനും വയ്യാത്ത രാജ്യദ്രോഹപരമായ ഇത്തരം പ്രവർത്തനം നടത്തുന്നവരെ കണ്ടുപിടിച്ച് അവരെ അമർച്ച് ചെയ്യേണ്ട സാധ്യത കേന്ദ്ര – സംസ്ഥാന സർക്കാരുകൾക്ക് ഉണ്ടെന്നും എന്‍എസ്എസ് ജനറല്‍ സെക്രട്ടറി ജി സുകുമാരന്‍ നായര്‍ പ്രസ്താവനയിലൂടെ വ്യക്തമാക്കി.

ക്രിസ്ത്യൻ യുവതി – യുവാക്കളെ ലക്ഷ്യമിട്ട് ലൗ ജിഹാദിനൊപ്പം നാർക്കോട്ടിക് ജിഹാദും കേരളത്തിലുണ്ടെന്നായിരുന്നു പാലാ ബിഷപ്പിൻ്റെ പ്രസ്താവന. ആയുധം ഉപയോഗിക്കാനാവാത്ത സ്ഥലങ്ങളിൽ ഇത്തരം മാർഗങ്ങൾ ഉപയോഗിക്കുന്ന അവസ്ഥയാണ്. ഇളം പ്രായത്തിൽ തന്നെ പെൺകുട്ടികളെ വശത്താക്കുക എന്ന ലക്ഷ്യത്തോടെയാണ് ഇത്തരം നീക്കങ്ങൾ നടക്കുന്നത്. ഇതിന് സഹായം നൽകാൻ ഒരു വിഭാഗം സംസ്ഥാനത്ത് പ്രവർത്തിക്കുന്നുണ്ട്. ഇതര മതസ്ഥരായ യുവതികൾ ഐ എസ് ക്യാമ്പിൽ എത്തിയത് എങ്ങനെ ആണെന്ന് പരിശോധിച്ചാൽ ഇക്കാര്യങ്ങൾ മനസിലാകുമെന്നും ബിഷപ്പ് പറഞ്ഞിരുന്നു.

പാലാ ബിഷപ്പിന് സുരക്ഷ നൽകണം; അമിത്ഷായ്ക്ക് ബിജെപിയുടെ കത്ത്

അതേസമയം, മദ്യ – ലഹരിമരുന്ന് ഉപയോഗം തടയാൻ ‘ആൻ്റി നാർക്കോട്ടിക് ജാഗ്രത സെല്ലുകൾ’ രൂപവത്കരിക്കുമെന്ന് പാലാ രൂപതയുടെ കെസിബിസി മദ്യ വിരുദ്ധ സമിതി വ്യക്തമാക്കി. സ്വന്തം സമുദായത്തിലെ യുവാക്കൾ ലഹരി ഉപയോഗത്തിലേക്ക് പോകാതിരിക്കാൻ കരുതൽ സ്വീകരിക്കണമെന്ന പാലാ ബിഷപ്പിൻ്റെ വിമർശനം ഉണ്ടായതിന് പിന്നാലെയാണ് കെസിബിസിയുടെ നീക്കം. സമുദായത്തിലെ യുവാക്കൾ ലഹരിമരുന്ന് ഉപയോഗത്തിലേക്ക് കടക്കാതിരിക്കാനുള്ള കരുതലാണ് ഇത്തരം സെല്ലുകൾ കൊണ്ട് ഉദ്ദേശിക്കുന്നതെന്നാണ് സംഘടനയുടെ വിശദീകരണം. നാർക്കൊട്ടിക് ജിഹാദ് പരാമർശം നടത്തിയ പാലാ ബിഷപ്പ് ജോസഫ് കല്ലറങ്ങാട്ടിനെ കെസിബിസി മദ്യ വിരുദ്ധ സമിതി പൂർണമായും പിന്തുണച്ചിരുന്നു.

അതിനിടെ പാലാ ബിഷപ്പിൻ്റെ പ്രസ്താവന നിർഭാഗ്യകരമാണെന്ന് സി പി ഐ സംസ്ഥാന സെക്രട്ടറി കാനം രാജേന്ദ്രൻ പ്രതികരിച്ചു. മതമേലാധ്യക്ഷന്മാർ മിതത്വം പാലിക്കണമെന്നും എൻഎസ്എസ് സ്വീകരിച്ച നിലപാടിനോട് പ്രതികരിക്കാനില്ലെന്നും അദ്ദേഹം വ്യകതമാക്കി.