ഗൊറില്ലകള്‍ക്ക് ചുമയും ജലദോഷവും; പരിശോധനയിൽ 13 ഗൊറില്ലകൾ കൊവിഡ് പോസിറ്റീവ്

അറ്റ്‌ലാന്‍റ: അറ്റ്‌ലാന്‍റ മൃഗശാലയിലെ 13 ഗൊറില്ലകൾക്ക് കൊവിഡ്-19 സ്ഥിരീകരിച്ചു. ഇവിടുത്തെ ഏറ്റവും പ്രായം കൂടിയ ആൺ ഗൊറില്ലയായ ഓസി (60) ഉൾപ്പെടെയുള്ള ഗൊറില്ലകൾക്കാണ് കൊവിഡ് വൈറസ് ബാധ സ്ഥിരീകരിച്ചതെന്ന് വാർത്താ ഏജൻസിയായ അസോസിയേറ്റഡ് പ്രസാണ് റിപ്പോർട്ട് ചെയ്തത്.



ഗൊറില്ലകൾക്ക് ചുമയും മൂക്കൊലിപ്പും ഭക്ഷണത്തോടുള്ള മടുപ്പും ശ്രദ്ധയിൽപ്പെട്ട മൃഗശാല അധികൃതർ സാമ്പിളുകൾ പരിശോധനയ്ക്ക് അയക്കുകയായിരുന്നു. വെള്ളിയാഴ്ചയായിരുന്നു സംഭവം. ജോർജിയയിലെ വൈറ്റിനറി ലാബിൽ നടത്തിയ പരിശോധനയിലാണ് ഗൊറില്ലകൾ കൊവിഡ് പോസിറ്റീവാണെന്ന റിസൾട്ട് വന്നത്. ലോവയിലെ നാഷണൽ വെറ്റിനറി സർവീസ് ലാബിൽ നിന്നുള്ള പരിശോധന ഫലത്തിനായി കാത്തിരിക്കുകയാണെന്ന് മൃഗശാല അധികൃതർ പറഞ്ഞു.

Also Read : ചെന്നിത്തലയെ തോൽപ്പിക്കണമെന്ന് ആവശ്യപ്പെട്ട് ‘ഉമ്മൻചാണ്ടിയുടെ’ ദൂതൻ വന്നു; വെളിപ്പെടുത്തലുമായി വെള്ളാപ്പള്ളി



ജോര്‍ജിയ സര്‍വകലാശാലയുടെ വെറ്റിനറി ഡയഗ്നോസ്റ്റിക് ലബോറട്ടറിയിലായിൽ നടന്ന പരിശോധനയിലാണ് വൈറസ് ബാധ കണ്ടെത്തിയിരിക്കുന്നത്. വൈറസ് ബാധ സ്ഥിരീകരിച്ചതിനാൽ സങ്കീർണ്ണതയ്ക്കുള്ള സാഹചര്യം പരിഗണിച്ച് ഇവയെ നിരീക്ഷിച്ച് വരികയാണെന്നും അധികൃതർ പറഞ്ഞു.

മൃഗശാലയിലുള്ള 20 ഗൊറില്ലകളെയും പരിശോധനയ്ക്ക് വിധേയമാക്കുമെന്നും അധികൃതർ പറഞ്ഞു. ഗൊറില്ലകളെ പരിചരിക്കുന്ന ജീവനക്കാരിൽ നിന്നാകാം ഇവയ്ക്ക് വൈറസ് ബാധയുണ്ടായതെന്നാണ് സംശയിക്കുന്നത്. ഇവിടുത്തെ ജീവനക്കാരെല്ലാം വാക്സിനേഷൻ പൂർത്തിയാക്കിയവരാണ്. മാസ്കും കൈയുറകളും പോലുള്ള സുരക്ഷാ മുൻകരുതലുകളും ഇവർ സ്വീകരിക്കാറുണ്ട്.

Also Read : ജോസ് കെ മാണിയ്ക്ക് പിന്നാലെ ബിഷപ്പിനെ പിന്തുണച്ച് പിജെ ജോസഫ്; ബിഷപ്പ് സംസാരിച്ചത് മദ്യത്തിനും മയക്കുമരുന്നിനുമെതിരെ



ഗൊറില്ലകളിൽ നിന്ന് മനുഷ്യരിലേക്ക് വൈറസ് ബാധ പകരുമെന്നതിന് തെളിവുകളില്ലെന്നും സന്ദർശകരിൽ നിന്ന് ഒരുപാട് അകലെയായാണ് ഗൊറില്ലകൾ കഴിയുന്നതെന്നും അധികൃതർ വ്യക്തമാക്കി. വൈറസ് ബാധയുടെ പശ്ചാത്തലത്തിൽ തങ്ങൾ ആശങ്കകുലരാണെന്ന് മൃഗശാലയിലെ സീനിയർ ഹെൽത്ത് ഡയറക്ടർ സാം റിവേര പ്രസ്താവനയിലൂടെ പറഞ്ഞു.

Also Read : ബംഗാൾ ഉൾക്കടലിൽ അതി തീവ്ര ന്യുനമർദ്ദം; ഇന്നും നാളെയും ശക്തമായ മഴ തുടരാൻ സാധ്യത



60 കാരനായ ഒസിയ്ക്ക് വൈറസ് ബാധ ആരോഗ്യപ്രശ്നങ്ങൾ സൃഷ്ടിക്കുമോയെന്ന ആശങ്ക അധികൃതര്‍ക്കുണ്ട്. ഗൊറില്ലകളെ സൂക്ഷ്മമായി നിരീക്ഷിച്ച് വരികയാണെന്നും കൂടുതൽ പ്രതിരോധ നടപടികൾ സ്വീകരിക്കുമെന്നും അധികൃതർ പറഞ്ഞു.