Saifudheen Tm | SPOTLIGHT | Updated: Sep 14, 2021, 7:36 PM
ശ്വാസസംബന്ധമായ ഒരു വൈറൽ രോഗമാണ് ഫ്ലൂ അഥവാ സീസണൽ ഇൻഫ്ലുവന്‍സ (പകര്‍ച്ചപ്പനി). ഇത് തടയുന്നതിന് വേണ്ട മുന്‍കരുതലുകളെ കുറിച്ചും വാക്സിനേഷനെ കുറിച്ചും അറിയാം.
സാധാരണയായി ഫ്ലൂ എന്നറിയപ്പെടുന്ന സീസണൽ ഇന്‍ഫ്ലുവൻസ (പകര്‍ച്ചപ്പനി) പകരുന്ന ശ്വാസസംബന്ധമായ ഒരു വൈറൽ രോഗമാണ്. എന്നാൽ മറ്റൊരു വൈറൽ ബാധ കാരണമുണ്ടാകുന്ന സാധാരണ ജലദോഷമായി ഇത് എളുപ്പത്തിൽ തെറ്റിദ്ധരിക്കപ്പെടാറുണ്ട്. കഫകെട്ട്, തൊണ്ട വേദന, മൂക്കടപ്പ് തുടങ്ങിയ ചില സാമ്യതകള്‍ ഈ രണ്ട് അസുഖങ്ങള്‍ തമ്മിൽ ഉള്ളതോടൊപ്പം ചില പ്രധാന വ്യത്യാസങ്ങളുമുണ്ട്. പനി, കുളിര്, ശരീരവേദന, തലവേദന, ക്ഷീണം, ഛര്‍ദ്ദി, വയറിളക്കം തുടങ്ങിയ സാധാരണ ജലദോഷമുള്ളപ്പോള്‍¹ ഉണ്ടാകാത്ത ലക്ഷണങ്ങളും ഫ്ലൂ ബാധിതനായ ഒരു വ്യക്തിയിൽ കണ്ടേക്കാം.
മഴക്കാലത്തും തണുപ്പുകാലത്തും കൂടുതൽ ജാഗ്രത പാലിക്കാം
മിത ശീതോഷ്ണ മേഖലകളിൽ ഇന്‍ഫ്ലുവന്‍സ തണുപ്പ് കാലത്താണ് പടര്‍ന്ന് പിടിക്കുന്നത്. ഉഷ്ണമേഖലകളിലാണെങ്കിൽ വര്‍ഷം മുഴുവന്‍ ക്രമരഹിതമായി¹ കാലാവസ്ഥാ സംബന്ധമായ പകര്‍ച്ചവ്യാധികള്‍ പ്രത്യക്ഷപ്പെടുന്നു.
ഇന്ത്യയിലെ കാലാവസ്ഥാ വൈവിധ്യം കാരണം വടക്ക് മുതൽ തെക്ക് വരെയുള്ള പ്രദേശങ്ങളിള്‍ ഇന്‍ഫ്ലുവന്‍സ ബാധിക്കുന്ന കാര്യത്തിൽ വലിയ വ്യത്യാസങ്ങള്‍ കാണാം. രാജ്യത്തിന്‍റെ ചില ഭാഗങ്ങളിൽ, പ്രത്യേകിച്ചും വടക്കു ഭാഗങ്ങളിൽ തണുപ്പു കാലത്താണ് ഇന്‍ഫ്ലുവന്‍സ ഉയര്‍ന്ന തോതിൽ ബാധിക്കുന്നത്. മറ്റു സ്ഥലങ്ങളിലാകട്ടെ, ഇത് കൂടുതലായി ബാധിക്കുന്നത് മഴക്കാലങ്ങളിലാണ്.2 അതുകൊണ്ട് തന്നെ വ്യത്യസ്ത മേഖലാ കേന്ദ്രീകൃതമായ വര്‍ഷം മുഴുവന്‍ നീണ്ടു നിൽക്കുന്ന പ്രവര്‍ത്തന രീതികളാണ് ഇന്‍ഫ്ലുവന്‍സയിൽ നിന്നുള്ള സുരക്ഷക്കായി നമുക്ക് ആവശ്യം.
ഇന്‍ഫ്ലുന്‍സയെ നിയന്ത്രിക്കാം, തടഞ്ഞുനിര്‍ത്താം
വര്‍ഷം തോറും ഈ രോഗം പൊട്ടിപ്പുറപ്പെടാനുള്ള പ്രാഥമിക കാരണങ്ങളിലൊന്ന്, ഇന്‍ഫ്ലുവന്‍സ വൈറസ് ഒരേ പോലെ നിലനില്‍ക്കുമെങ്കിലും വളരെ ചെറിയ ജനിതക മാറ്റങ്ങള്‍ സംഭവിക്കുന്നു എന്നതാണ്. “ആന്‍റിജെനിക് ഡ്രിഫ്റ്റ്” എന്നാണ് ഇതിനെ വിളിക്കുന്നത്. ആളുകളിൽ വളരെ കാലം നീണ്ടുനിൽക്കുന്ന പ്രതിരോധ ശേഷി വികസിക്കുന്നതിനെ ഇത് തടയുന്നു. ഉദാഹരണത്തിന് കഴിഞ്ഞ വര്‍ഷം ഫ്ലൂ ബാധിച്ച വ്യക്തിയിൽ വൈറസിലെ ആ ശ്രേണിയെ പ്രതിരോധിക്കുന്നതിനുള്ള പ്രതിരോധ ശേഷിയാണ് ഉണ്ടാകുന്നത്. എന്നാൽ ജനിതകമായ3 ചെറിയ മാറ്റത്തോടെ എത്തുന്ന ഈ വര്‍ഷത്തെ വൈറസ് ശ്രേണിയിൽ നിന്ന് രക്ഷ നേടാനുള്ള പ്രതിരോധ ശേഷി ഉണ്ടാകണമെന്നില്ല.
ടൈപ്പ് എ അല്ലെങ്കിൽ ടൈപ്പ് ബി ഇന്‍ഫ്ലുവന്‍സ വൈറസുകള്‍ കാരണമാണ് കൂടുതലായും സീസണൽ ഇന്‍ഫ്ലുവന്‍സ ഉണ്ടാകുന്നത്. വര്‍ഷം തോറും രോഗം പൊട്ടിപ്പുറപ്പെടുന്നതിന് ഈ രണ്ട് വൈറസുകളും ഉത്തരവാദികളാണ്. മുതിര്‍ന്നവരിൽ 5-10% ശതമാനവും കുട്ടികളിൽ 20-30% ശതമാനവും വ്യാപന നിരക്കാണ് ഉണ്ടാകാറുള്ളത്.4 ആഗോളതലത്തിൽ 2020 സപ്തംബറിന് ശേഷം ഉഷ്ണമേഖലകളിലും ഉഷ്ണമേഖലക്ക് അടുത്തുമുള്ള മേഖലകളിലുള്ളത് പോലെ തന്നെ ഉത്തരാര്‍ദ്ധ ഗോളത്തിലുള്ള സമശീതോഷ്ണ മേഖലകളിലുള്ള ചില രാജ്യങ്ങളിലും ഇന്‍ഫ്ലുവന്‍സ കൂടുതലായി റിപ്പോര്‍ട്ട് ചെയ്യപ്പെട്ടിട്ടുണ്ട്. ഇന്‍ഫ്ലുവന്‍സ ബാധ5 കൂടുതലായി റിപ്പോര്‍ട്ട് ചെയ്യപ്പെട്ട ഉഷ്ണമേഖലയില്‍പ്പെട്ട ഏഷ്യൻ രാജ്യങ്ങളിൽ ഇന്ത്യയും ഉള്‍ക്കൊള്ളുന്നുണ്ട്.
വൈറസിനെതിരെയുള്ള സുരക്ഷയിൽ ആദ്യത്തെ കാൽവെപ്പ് ‘ഫ്ലൂ ഷോട്ട്’ എന്നറിയപ്പെടുന്ന ഇന്‍ഫ്ലുവന്‍സ വാക്സിനാണ്. പ്രധാന ഇന്‍ഫ്ലുവന്‍സ വൈറസുകളിൽ ജനിതക മാറ്റങ്ങള്‍ ഉണ്ടാകുന്നതിനാൽ ഏറ്റവും അനുയോജ്യമായതും6 ആവശ്യമായതുമായ പ്രതിരോധ ശേഷി ഉറപ്പ് വരുത്താന്‍ ഏറ്റവും പുതിയ ഇന്‍ഫ്ലുവന്‍സ വാക്സിന്‍ തന്നെ എടുക്കേണ്ടതുണ്ട്.
നിങ്ങള്‍ ഇതുവരെ ഫ്ലൂ ഷോട്ട് എടുത്തില്ലേ?
ഫ്ലൂ പടര്‍ന്ന് പിടിക്കുന്ന സമയമാകുന്നതോടെ ആളുകള്‍ വാക്സിന്‍ എടുക്കുന്ന7 കാര്യം പരിഗണിക്കേണ്ടതുണ്ട്. ഇന്‍ഫ്ലുവന്‍സ വാക്സിനുകള്‍ സുരക്ഷിതവും ഫലപ്രദവുമാണ്.5 ഒരു പ്രത്യേക പ്രദേശത്ത് ഇന്‍ഫ്ലുവന്‍സ സീസണ്‍ ആകുന്നതിന് രണ്ട് ആഴ്ച്ചകള്‍ക്ക് മുമ്പ് തന്നെ ഏറ്റവും പുതിയ ഇന്‍ഫ്ലുവന്‍സ വാക്സിന്‍ എടുക്കണമെന്ന് ശുപാര്‍ശ ചെയ്യുന്ന ലോകാരോഗ്യ സംഘടനയുടെ നിര്‍ദ്ദേശങ്ങള്‍ ഇത് പാലിക്കുന്നുണ്ട്.
ഗുരുതരമായ ഇന്‍ഫ്ലുവന്‍സ രോഗബാധയും ആശുപത്രിയിൽ പ്രവേശിപ്പിക്കേണ്ടി വരുന്ന സാഹചര്യവും ഉണ്ടാകാനിടയുള്ള ആളുകളെ വാക്സിന്‍ എടുക്കാന്‍¹ പ്രത്യേകമായി പ്രോത്സാഹിപ്പിക്കേണ്ടതുണ്ട്. ഇവരാണ് അതിലുള്‍പ്പെടുന്നത്:
- ഗര്‍ഭിണികള്‍
- കുട്ടികള്‍ (5 വയസ്സിന് താഴെ)
- മുതിര്‍ന്നവര്‍ ( ≥ 65 വയസ്സ് പ്രായമുള്ളവര്‍)
- ആസ്ത്മ, ക്രോണിക് ഒബ്സ്ട്രക്റ്റീവ് പൾമണറി ഡിസീസ് (സിഒപിഡി), പ്രമേഹം, ഹൃദയരോഗം, വൃക്ക, കരള്‍, മെറ്റബോളിക് സംബന്ധമായ രോഗം, അല്ലെങ്കിൽ ന്യൂറോളജിക്കൽ അല്ലെങ്കിൽ ന്യൂറോഡെവലപ്മെന്‍റൽ അവസ്ഥകള്‍ പോലെയുള്ള ഗുരുതര രോഗാവസ്ഥയുള്ള ആളുകള്‍.
ആരോഗ്യമുള്ള കുഞ്ഞുങ്ങള്‍, മുതിര്‍ന്നവർ8 എന്നിവരിൽ പോലും ഇന്‍ഫ്ലുവന്‍സ ബാധ ഗുരുതരമായി മാറാം. സെന്‍റര്‍ ഫോര്‍ ഡിസീസ് കണ്‍ട്രോള്‍ ആന്‍റ് പ്രിവന്‍ഷന്‍ (സിഡിസി) പറയുന്നത് അനുസരിച്ച് വാക്സിനേഷന്‍ എടുക്കുന്നത് വഴി ഇന്‍ഫ്ലുവന്‍സക്കെതിരെ9,10 പോരാടുന്ന ആന്‍റി ബോഡികള്‍ തയ്യാറാക്കിക്കൊണ്ട് നിങ്ങളുടെ പ്രതിരോധ സംവിധാനത്തെ ശക്തിപ്പെടുത്താന്‍ സാധിക്കും. നാല് വ്യത്യസ്ത തരം ഫ്ലൂ വൈറസുകളിൽ നിന്ന് ഒരേ സമയം സുരക്ഷ ഒരുക്കുന്ന ഏറ്റവും പുതിയ ക്വാഡ്രിവലന്‍റ് വാക്സിനുകള്‍ ഇന്ന് ലഭ്യമാണ്. ഒരു ബി-സ്ട്രെയിനെതിരെയുള്ള സുരക്ഷ ഒരുക്കിയിട്ടുള്ള ട്രൈവലന്‍റ് വാക്സിനുകളുമായി താരതമ്യം ചെയ്യുമ്പോള്‍ ഇവ ഇന്‍ഫ്ലുവന്‍സ വൈറസുകളുടെ രണ്ടാമത്തെ ബി-സ്ട്രെയിനിനെയും ഉള്‍പ്പെടുത്തുന്നു.
നിങ്ങളും കുടുംബവും ഇതുവരെ വാക്സിന്‍ എടുത്തിട്ടില്ലെങ്കിൽ ഇത് തന്നെയായിരിക്കാം നിങ്ങളുടെ ഫാമിലി ഡോക്ടറുമായി ബന്ധപ്പെടാനുള്ള ശരിയായ സമയം.
ഡോ. പ്രമീള ജോജി (DCH (GLAS), DNB – SAT, TVM, DAA-CMC, Vellore) ആണ് ഈ ആര്‍ട്ടിക്കിള്‍ കോണ്‍ട്രിബ്യൂട്ട് ചെയ്തത്. പീഡിയാട്രിക്സ് ഐസിയു ആൻ്റ് എമര്‍ജൻസി കൺസള്‍ട്ടന്‍റ് ആയും അലര്‍ജി ആന്‍റ് ആസ്ത്മ സ്പെഷ്യലിസ്റ്റ് ആയും അവര്‍ പ്രവര്‍ത്തിക്കുന്നു.
ഈ ആര്‍ട്ടിക്കിളിൽ നൽകിയിരിക്കുന്ന വിവരങ്ങൾ ബോധവൽക്കരണം ലക്ഷ്യമിട്ട് കൊണ്ട് മാത്രമുള്ളതാണ്. ഒരു ഡോക്ടറുടെ ഉപദേശത്തിന് പകരമായി ഇതിനെ കണക്കാക്കരുത്. ദയവായി നിങ്ങളുടെ ഡോക്ടറെ സമീപിക്കുക. ഈ വിവരങ്ങളുടെ അടിസ്ഥാനത്തിലുള്ള ഏതെങ്കിലും കാര്യങ്ങള്‍ക്ക് Abbott India Limited ഒരു തരത്തിലും ബാധ്യസ്ഥരാകില്ല, കൂടാതെ ഈ ആര്‍ട്ടിക്കിളിലെ വിവരങ്ങളിൽ നിന്ന് ഉണ്ടാകുന്ന ഏതെങ്കിലും അനന്തരഫലങ്ങൾക്ക് നിയമപരമായോ അല്ലാതെയോ ഉത്തരവാദിയാവുകയുമില്ല.
Reference
1 World Health Organization. (2018, November 06). Fact Sheet-Influenza (seasonal). Retrieved from https://www.who.int/news-room/fact-sheets/detail/influenza-(seasonal).
2 Koul, Parvaiz A et al. “Differences in influenza seasonality by latitude, northern India.” Emerging infectious diseases vol. 20,10 (2014): 1723-6. doi:10.3201/eid2010.140431
3 World Health Organization. How pandemic Influenza emerges. Retrieved from: https://www.euro.who.int/en/health-topics/communicable-diseases/influenza/pandemic-influenza/how-pandemic-influenza-emerges
4 Houser K, Subbarao K. Influenza vaccines: challenges and solutions. Cell Host Microbe. 2015;17(3):295-300. doi:10.1016/j.chom.2015.02.012
5 World Health Organization. (2021, February 21). Recommended compositions of influenza virus vaccines for use in the 2021-2022 northern hemisphere influenza season.
6 World Health Organization. How can I avoid getting the flu? (2020, January 20). Retrieved from: https://www.who.int/news-room/q-a-detail/how-can-i-avoid-getting-the-flu?
7 World Health Organization.Coronavirus disease (COVID-19): Similarities and differences with influenza. (2020, March 17). Retrieved from: https://www.who.int/emergencies/diseases/novel-coronavirus-2019/question-and-answers-hub/q-a-detail/coronavirus-disease-covid-19-similarities-and-differences-with-influenza
8 National Foundation for Infectious Diseases. Influenza. (updated November 2020). Retrieved from: https://www.nfid.org/infectious-diseases/influenza-flu/
9 Center For Disease Control and Prevention. Key Facts About Flu Vaccine. Retrieved from: https://www.cdc.gov/flu/prevent/keyfacts.htm
10 World Health Organization (2021).Global Influenza Programme. Retrieved from: https://www.who.int/teams/global-influenza-programme/vaccines
ഡിസ്ക്ലെയിമര്‍: ഡോക്ടര്‍മാര്‍ പങ്കുവെക്കുന്ന അഭിപ്രായങ്ങള്‍ അവരുടെ സ്വതന്ത്രമായ പ്രൊഫഷണല്‍ ജഡ്ജ്മെന്‍റ് അടിസ്ഥാനമായിട്ടുള്ളതാണ്. അവരുടെ അഭിപ്രായങ്ങളിലെ കൃത്യതയുടെ കാര്യത്തില്‍ ഞങ്ങള്‍ക്ക് ഉത്തരവാദിത്വം ഉണ്ടായിരിക്കുന്നതല്ല. ഒരു ഫിസീഷ്യന്‍റെ ഉപദേശത്തിന് പകരമായി ഇത് പരിഗണിക്കാനാവില്ല. കൂടുതല്‍ വിവരങ്ങള്‍ക്കായി നിങ്ങളെ ചികിത്സിക്കുന്ന ഡോക്ടറോട് സംസാരിക്കുക.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : all latest information you need to know about who-recommended influenza vaccines for recently evolved strains
Malayalam News from malayalam.samayam.com, TIL Network
