ഇവർ രണ്ട് സംഘങ്ങളായാണ് പ്രവർത്തിച്ചതെന്ന് പോലീസ് പറയുന്നു. സംഘങ്ങളിൽ ഒന്നിനെ നയിച്ചിരുന്നത് ദാവൂദ് ഇബ്രാഹിമിന്റെ സഹോദരൻ അനീസ് ഇബ്രാഹിമായിരുന്നെന്നാണ് പോലീസ് വിശദീകരിക്കുന്നത്.
സ്പെഷ്യൽ സെൽ ഉദ്യോഗസ്ഥർ മാധ്യമങ്ങളെ കാണുന്നു |Photo:ANI
ഹൈലൈറ്റ്:
- പിടിയിലായവർ ഭീകരാക്രമണങ്ങൾക്ക് പദ്ധതിയിട്ടിരുന്നു
- അറസ്റ്റിലായവരിൽ രണ്ട് പേർക്ക് പാക്ക് പരിശീലനം ലഭിച്ചു
- രാജ്യത്തിന്റെ വിവിധ ഭാഗങ്ങളിൽ നടത്തിയ റെയ്ഡിന്റെ പശ്ചാത്തലത്തിലാണ് അറസ്റ്റ്
യുപിയിൽ പോത്തുകളും കാളകളും സ്ത്രീകളും ഇപ്പോൾ സുരക്ഷിതർ: യോഗി ആദിത്യനാഥ്
സീഷൻ ഖമർ, ഒസാമ, ജൻ മുഹമ്മദ് അലി ഷെയ്ഖ്, മുഹമ്മദ് അബൂബകർ, മൂൽചന്ദ്, മുഹമ്മദ് ആമിർ ജാവേദ് എന്നിവരാണ് പിടിയിലായത്. ഇവർ രണ്ട് സംഘങ്ങളായാണ് പ്രവർത്തിച്ചതെന്ന് പോലീസ് പറയുന്നു. ഒരാളെ കോട്ടയിൽ നിന്നും രണ്ടു പേരെ ഡൽഹിയിൽ നിന്നും മൂന്ന് പേരെ ഉത്തർപ്രദേശിൽ നിന്നുമാണ് അറസ്റ്റ് ചെയ്തത്. സംഘങ്ങളിൽ ഒന്നിനെ നയിച്ചിരുന്നത് ദാവൂദ് ഇബ്രാഹിമിന്റെ സഹോദരൻ അനീസ് ഇബ്രാഹിമായിരുന്നെന്നാണ് പോലീസ് വിശദീകരിക്കുന്നത്.
ആയുധങ്ങൾ എത്തിക്കുകയായിരുന്നു ഒരു സംഘത്തിന്റെ ജോലി. ആയുധങ്ങൾ എത്തിക്കുന്നതിന് ഹവാല വഴി പണം കണ്ടെത്തുകയായിരുന്നു രണ്ടാമത്തെ സംഘത്തിന്റെ ദൗത്യം. ഡൽഹി, ഉത്തര്‍പ്രദേശ്, മഹാരാഷ്ട്ര എന്നിവിടങ്ങളിൽ നടത്തിയ റെയ്ഡിന്റെ അടിസ്ഥാനത്തിലാണ് ഭീകരര് പിടിയിലായത്.
കശ്‍മീരില്‍ കൊല്ലപ്പെട്ട പോലീസുകാരന്‍റെ സംസ്‍കാരത്തിന് ആയിരങ്ങള്‍
പിടിയിലായ ഭീകരര് ഡൽഹി, മുംബൈ എന്നിവിടങ്ങളിൽ ആക്രമണത്തിന് പദ്ധതിയിട്ടിരുന്നതായും സ്പെഷ്യൽ സെൽ വ്യക്തമാക്കി. ഉത്തര്‍പ്രദേശിൽ വരാനിരിക്കുന്ന തെരഞ്ഞെടുപ്പ് ഇവരുടെ ലക്ഷ്യമായിരുന്നുവെന്ന് ടൈംസ് നൗ റിപ്പോ‍ര്‍ട്ട് ചെയ്യുന്നു.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : six including two terrorists of pakistan module arrested
Malayalam News from malayalam.samayam.com, TIL Network
