തൃപ്പൂണിത്തുറ, തൃക്കാക്കര, പിറവം, പെരുമ്പാവൂർ മണ്ഡലങ്ങളിലെ തോൽവി സംബന്ധിച്ച പരിശോധനയ്ക്ക് ശേഷമാണ് നേതാക്കൾക്കെതിരെ നടപടി സ്വീകരിച്ചിരിക്കുന്നത്. 12 നേതാക്കൾക്ക് കാരണം കാണിക്കൽ നോട്ടീസ് നൽകിയിരുന്നു.
പ്രതീകാത്മക ചിത്രം |Photo: Samayam Malayalam
ഹൈലൈറ്റ്:
- നേതാക്കളുടെ മറപടി ലഭിച്ച ശേഷമാണ് നടപടി
- നാല് മണ്ഡലങ്ങളിലെ തോൽവി സംബന്ധിച്ചാണ് നടപടി ഉണ്ടായിരിക്കുന്നത്
- ചൊവ്വാഴ്ച ചേർന്ന യോഗത്തിലാണ് നടപടി ഉണ്ടായത്
തൃക്കാക്കര മണ്ഡലത്തിലെ തോൽവിയുമായി ബന്ധപ്പെട്ട് സി കെ മണിശങ്കറെ ജില്ലാ സെക്രട്ടറിയേറ്റിൽ നിന്നും ജില്ലാ കമ്മിറ്റിയിലേക്ക് തരംതാഴ്ത്തി. ജില്ലാ കമ്മിറ്റി അംഗം സി എം സുന്ദരനെ ജില്ലാ കമ്മിറ്റിയിൽ നിന്നും ഒഴിവാക്കി. വൈറ്റില ഏരിയാ സെക്രട്ടറി കെ ഡി വിൻസെന്റിനെ എല്ലാ ചുമതലകളിൽ നിന്നും നീക്കി.
Also Read: ‘കുറേ മറ്റേ സാധനങ്ങൾ; ജോലി എന്തെന്നൊക്കെ എല്ലാവർക്കും അറിയാം’; കന്യാസ്ത്രീകൾക്കെതിരെ പിസി ജോർജ്
പിറവം മണ്ഡലത്തിലെ പരാജയത്തെത്തുടർന്ന് കൂത്താട്ടുകുളം ഏരിയാ കമ്മിറ്റി സെക്രട്ടറിയും ജില്ലാ കമ്മിറ്റി അംഗവുമായ ഷാജു ജേക്കബിനെ രണ്ട് ചുമതലകളിൽ നിന്നും നീക്കി. കൂത്താട്ടുകുളം പാർട്ടി ഓഫീസ് സെക്രട്ടറി അരുണിനേയും മാറ്റി. ജില്ലാ സെക്രട്ടറിയേറ്റ് അംഗം എം സി മോഹനനനെതിരെയുള്ള നടപടി പരസ്യ ശാസനയിൽ ഒതുക്കി. പെരുമ്പാവൂരിലെ ഘടകകക്ഷി സ്ഥാനാർത്ഥിയുടെ തോൽവിയുമായി ബന്ധപ്പെട്ടാണ് നടപടി.
Also Read: ‘ദൈവം എല്ലാവരേയും ഉൾക്കൊള്ളുന്നു; ശിഷ്യർക്ക് എന്തുകൊണ്ട് കഴിയുന്നില്ല?’
നിയമസഭാ തെരഞ്ഞെടുപ്പിൽ സംഭവിച്ച പരാജയം സംബന്ധിച്ച് അന്വേഷണം നടത്താൻ പാർട്ടി രണ്ട് അംഗ കമ്മീഷനെ വെച്ചിരുന്നു. പരിശോധനയുടെ അടിസ്ഥാനത്തിൽ 12 നേതാക്കൾക്ക് കാരണം കാണിക്കൽ നോട്ടീസ് നൽകിയിരുന്നു. നേതാക്കൾ വിശദീകരണം നൽകിയതിനു പിന്നാലെയാണ് നടപടി. ചൊവ്വാഴ്ച ചേർന്ന യോഗത്തിലാണ് നടപടി ഉണ്ടായിരിക്കുന്നത്.
20 വർഷമായി കാട് മൂടി ഒരു ഹോസ്റ്റൽ, ആദിവാസി കുട്ടികളോട് അധികൃതരുടെ അനാസ്ഥ!
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : cpm action against its leaders over election campaign lapses
Malayalam News from malayalam.samayam.com, TIL Network
