മഞ്ചേശ്വരം തെരഞ്ഞെടുപ്പ് കോഴക്കേസ്: കെ സുരേന്ദ്രനെ നാളെ ചോദ്യം ചെയ്യും

കൊച്ചി: മഞ്ചേശ്വരം തെരഞ്ഞെടുപ്പ് കോഴക്കേസിൽ കെ സുരേന്ദ്രൻെ നാളെ ചോദ്യം ചെയ്യും. ജില്ല ക്രൈം ബ്രാഞ്ച് ഇത് സംബന്ധിച്ച് സുരേന്ദ്രന് നോട്ടീസ് നൽകി.



Also Read : ‘ലീഗിന്റെ ആദര്‍ശത്തിൽ വിശ്വസിക്കുന്നു, പാര്‍ട്ടി മാറുന്നതിനെക്കുറിച്ച് ചിന്തിച്ചിട്ടില്ല’; ഫാത്തിമ തെഹ്ലിയ



മഞ്ചേശ്വരത്തെ സ്ഥാനാര്‍ത്ഥിത്വം പിൻവലിക്കാൻ സ്ഥാനാര്‍ത്ഥിയായിരുന്ന കെ സുന്ദരയ്ക്ക് കോഴ നൽകിയെന്ന കേസിലാണ് സുരേന്ദ്രന് ക്രൈംബ്രാഞ്ച് നോട്ടീസ് നൽകിയിരിക്കുന്നത്. മണ്ഡലത്തിലെ ഇടത് സ്ഥാനാര്‍ത്ഥിയായിരുന്ന വി വി രമേശാണ് ഇത് സംബന്ധിച്ച് പരാതി നൽകിയിരിക്കുന്നത്.

Also Read : തെരഞ്ഞെടുപ്പ് പ്രവർത്തനത്തിലെ വീഴ്ച; എറണാകുളം സിപിഎമ്മിൽ കൂട്ട നടപടി

നാമനിര്‍ദേശ പത്രിക പിൻവലിക്കാൻ സുന്ദരയ്ക്ക് നേരിട്ട് പണം നൽകിയ ആളുകളുടെ മൊഴിയും സുന്ദരയുടെ കുടുംബാംഗങ്ങളുടെ മൊഴിയും നേരത്തെ അന്വേഷണസംഘം രേഖപ്പെടുത്തിയിരുന്നു. സുന്ദരയിൽ നിന്നും രണ്ട് ലക്ഷം രൂപ പോലീസ് കണ്ടെടുക്കുകയും ചെയ്തിരുന്നു. ഇയാള്‍ക്ക് ലഭിച്ച മൊബൈൽ ഫോണും അന്വേഷണ സംഘം കസ്റ്റഡിയിലെടുത്തിരുന്നു.

Also Read : ‘മയക്കുമരുന്ന് നൽകി പീഡിപ്പിച്ചു’; എംപിക്കെതിരെ കേസെടുത്ത് പോലീസ്



15 ലക്ഷം രൂപയും മംഗളൂരുവിൽ ഒരു വൈൻ പാര്‍ലറും ചോദിച്ചുവെന്നും എന്നാൽ രണ്ടരലക്ഷം രൂപയും 15,000 രൂപയുടെ മൊബൈൽ ഫോണും ലഭിച്ചുവെന്നായിരുന്നു സുന്ദരയുടെ മൊഴി.

തെരഞ്ഞെടുപ്പ് അട്ടിമറിക്കാൻ കൈക്കൂലി നൽകിയതിന് ഇന്ത്യൻ ശിക്ഷാ നിയമം 171 ബി, ഇ എന്നീ വകുപ്പുകള്‍ ചുമത്തിയാണ് കേസെടുത്തിരിക്കുന്നത്. കേസിൽ പ്രതിചേര്‍ത്ത് മൂന്നാം മാസമാണ് കെ സുരേന്ദ്രനെ ചോദ്യം ചെയ്യാൻ ജില്ലാ ക്രൈംബ്രാഞ്ച് സംഘം തീരുമാനിക്കുന്നത്. കേസിൽ അന്വേഷണം ഇഴഞ്ഞ് നീങ്ങുന്നുവെന്ന ആരോപണങ്ങള്‍ ഉയരുന്നതിനിടെയാണ് ക്രൈംബ്രാഞ്ച് നടപടി.

Also Read : ‘അടുപ്പമുള്ള ഒരു മന്ത്രി ഫോൺ വിളിച്ചാൽ എടുക്കുന്നില്ല’, പരിഭവം പറഞ്ഞ് യു പ്രതിഭ എംഎൽഎ

ഇതിന്റെ തുടര്‍ അന്വേഷണത്തിന്റെ ഭാഗമായി ബിജെപി സംസ്ഥാന അധ്യക്ഷൻ കെ സുരേന്ദ്രന് ക്രൈംബ്രൈഞ്ച് നോട്ടീസ് നൽകിയിരുന്നു. കേസിൽ നേരത്തേയും സുരേന്ദ്രന് നോട്ടീസ് നൽകിയിരുന്നുവെങ്കിലും പല കാരണങ്ങള്‍ ചൂണ്ടിക്കാണിച്ച് ഹാജരായിരുന്നില്ല.