മുഖക്കുരു, മറ്റ് ചർമ്മപ്രശ്നങ്ങൾ എന്നിവയ്ക്ക് പേരയില കൊണ്ട് പരിഹാരം

​പേരയില

പേരയ്ക്കയിൽ ഉള്ളത് പോലെതന്നെ നിരവധി ആൻറി ഓക്സിഡൻ്റുകളും വിറ്റാമിനുകളുമെല്ലാം പേരയുടെ ഇലകളിലും അടങ്ങിയിട്ടുണ്ട്. ഇത്തരം പോഷകങ്ങളുടെ സാന്നിധ്യം പേരയിലയെ ചർമ്മത്തിന് ഏറ്റവും അനുയോജ്യമായ ഒരു ഘടകമാക്കി മാറ്റുന്നു.

കറുത്ത പാടുകൾ മുഖക്കുരു എന്നിവ അകറ്റിനിർത്തി ചർമത്തിനു തിളക്കവും മിനുസതയും നൽകാൻ പേരയിലകളുടെ ഉപയോഗം സഹായിക്കും എന്ന് പറഞ്ഞാൽ വിശ്വസിക്കുമോ. ദിവസവും പലതരം ചർമപ്രശ്നങ്ങളെ നേരിടേണ്ടി വരുന്നുണ്ടെങ്കിൽ നിങ്ങൾക്ക് ചർമ്മസംരക്ഷണ ആനുകൂല്യങ്ങൾ നേടിയെടുക്കാനായി ഒരു ജാലവിദ്യ പോലെ പേരയുടെ ഇലകൾ ഉപയോഗിക്കാം. കുറച്ച് പേരയിലകൾ കയ്യിൽ ഉണ്ടെങ്കിൽ ഒട്ടും ചിലവില്ലാതെ നിങ്ങളുടെ ചർമ്മത്തിന് എന്തൊക്കെ നല്ല കാര്യങ്ങൾ എന്ന് ചെയ്യാനാകുമെന്നത് ഇന്ന് കണ്ടെത്തിയാലോ.

​എണ്ണമയമുള്ള ചർമ്മത്തിന്

എണ്ണമയമുള്ള മുഖചർമം പലപ്പോഴും അസ്വസ്ഥതകൾക്കും പ്രകോപനങ്ങൾക്കും കാരണമാകുന്നതാണ്. ചർമത്തിലെ അമിത എണ്ണമയ ഉൽപാദനം കുറയ്ക്കാനായി പേരയില ഉപയോഗിച്ച് പ്രതിവിധികൾ ചെയ്യാനാകും.

ആവശ്യമായ ചേരുവകൾ

> ഒരു പിടി പേരയിലകൾ

> അഞ്ച് ടേബിൾസ്പൂൺ വെള്ളം

> രണ്ട് ടേബിൾസ്പൂൺ നാരങ്ങ നീര്

പേരയിലയും വെള്ളവും ചേർത്ത് നന്നായരച്ച് പേസ്റ്റ് രൂപത്തിലാക്കുക. ഒരു പാത്രത്തിൽ ഈ പേസ്റ്റ് രണ്ട് ടേബിൾസ്പൂൺ എടുത്ത് ഇതിലേക്ക് രണ്ട് ടേബിൾസ്പൂൺ നാരങ്ങ നീര് ചേർത്ത് ഇളക്കുക. ഈ മിശ്രിതം നിങ്ങളുടെ എണ്ണമയമുള്ള ചർമ്മത്തിൽ പുരട്ടി 30 മിനിറ്റ് സൂക്ഷിക്കുക. തുടർന്ന് തണുത്ത വെള്ളത്തിൽ കഴുകി ഉണക്കുക. ചർമത്തിലെ അധിക എണ്ണമയം നിയന്ത്രിക്കുന്നതിനും നിങ്ങളുടെ ചർമ്മസ്ഥിതി വൃത്തിയാക്കുന്നതിനുമായി എല്ലാ ദിവസവും ഈ പ്രതിവിധി പരീക്ഷിക്കുക.

​മുഖക്കുരു, ബ്ലാക്ക്ഹെഡ്സ് എന്നിവ അകറ്റാൻ

മുഖക്കുരു, ബ്ലാക്‌ഹെഡ്സ് എന്നിവ എല്ലാവർക്കും ഏറ്റവും അസ്വസ്ഥതയുണ്ടാക്കുന്ന നന്നായിരിക്കും. പേരയിലകൾ കയ്യിലുണ്ടെങ്കിൽ ഇതിനെ പ്രതിരോധിക്കാനുള്ള പരിഹാരം എളുപ്പത്തിൽ ചെയ്യാനാവും.

ഇതിനായി വേണ്ടത്

> ഒരു പിടി പേരയിലകൾ

> അഞ്ച് ടേബിൾസ്പൂൺ വെള്ളം

> ഒരു നുള്ള് മഞ്ഞൾ

> ഒരു ടേബിൾ സ്പൂൺ കറ്റാർ വാഴ ജെൽ

പേരയിലകൾ വെള്ളത്തോടൊപ്പം കലർത്തി അരച്ചെടുത്ത് കട്ടിയുള്ള പേസ്റ്റ് രൂപപ്പെടുത്തുക. ഒരു ടേബിൾ സ്പൂൺ കറ്റാർവാഴ ജെല്ലും ഒരു നുള്ള് മഞ്ഞളും ഈ പേസ്റ്റിലേക്ക് കൂട്ടിച്ചേർക്കുക. ഈ മിശ്രിതം മുഖത്ത് പുരട്ടി 20 മിനിറ്റ് സൂക്ഷിക്കാം. തണുത്ത വെള്ളത്തിൽ കഴുകി ഉണക്കുക. മികച്ച ഫലങ്ങൾക്കായി ആഴ്ചയിൽ രണ്ടോ മൂന്നോ തവണ ഈ പ്രതിവിധി പരീക്ഷിക്കുക.

Also read: പതിവായി മേക്കപ്പ് ചെയ്യുന്നവർ അറിയാൻ ചില കാര്യങ്ങൾ

​ചർമ്മത്തിലെ അസ്വസ്ഥതകൾ കുറയ്ക്കാൻ

ചർമപ്രശ്നങ്ങളും പ്രകോപനങ്ങളും അകറ്റിനിർത്താനായി എല്ലാവർക്കും എപ്പോഴും എന്തെങ്കിലും ഒരു പ്രതിവിധി കൈയിൽ വേണം. ചർമത്തിലെ പ്രകോപനങ്ങൾ കുറയ്ക്കാനും ഗുണങ്ങൾ നൽകാനും സഹായിക്കുന്ന സ്കിൻ ബൂസ്റ്റർ സ്പ്രേ തയ്യാറാക്കുന്നതെങ്ങനെയെന്നു നോക്കിയാലോ.

ആവശ്യമായ ചേരുവകൾ

> ഒരു പിടി പേരക്ക ഇലകൾ

> ഒരു കപ്പ് വെള്ളം

ഒരു പിടി പേരയിലകൾ ഒരു കപ്പ് വെള്ളത്തിലിട്ട് ഏകദേശം 10 മിനിറ്റ് തിളപ്പിക്കുക. തീ അണച്ച ശേഷം ഈ വെള്ളം അരിച്ചെടുത്ത് ഇലകൾ നീക്കം ചെയ്യുക. അരിച്ചെടുത്ത വെള്ളം ഒരു പാത്രത്തിൽ ഒഴിച്ചു വെച്ച് താനെ തണുക്കാൻ അനുവദിക്കുക. തണുത്തു കഴിഞ്ഞാൽ, ഒരു സ്പ്രേ കുപ്പിയിലേക്ക് ഇത് മാറ്റുക. നിങ്ങൾക്ക് സെൻസിറ്റീവ് ചർമ്മമുണ്ടെങ്കിൽ ഓരോ തവണയും മുഖം കഴുകിയ ശേഷം ഈ സ്പ്രേ ഉപയോഗിക്കുക.

ചർമത്തിൽ പ്രകോപന ഫലങ്ങൾ ഉണ്ടാവുമ്പോഴും ഇത് കൊതുക് കടിയേൽക്കുമ്പോഴും മറ്റുമുണ്ടാകുന്ന അസ്വസ്ഥതകൾ കുറയ്ക്കാനായി ഇത് ചർമത്തിൽ തളിക്കുന്നത് നല്ലതാണ്. നിങ്ങളുടെ ചർമ്മത്തിൽ മുഖക്കുരു പ്രശ്നങ്ങളെ നേരിടാൻ ആഗ്രഹിക്കുന്നുവെങ്കിൽ ഈ സ്പ്രേ തയ്യാറാകുമ്പോൾ ഇതിലേക്ക് കുറച്ച് തുള്ളി ടീ ട്രീ ഓയിലും ചേർത്ത് കൊടുക്കുക.