2021 ഡിസംബര്‍ 8 വരെയുള്ള യാത്രയ്ക്കാണ് ഈ ഇളവുകള്‍ ലഭിക്കുക.
ഭാവി ടിക്കറ്റുകള്‍ക്ക് 25 ശതമാനം നിരക്കിളവ്
ഇവിടെ നിന്ന് ടിക്കറ്റെടുക്കുന്നവര്‍ക്ക് മറ്റൊരു ഓഫര്‍ കൂടി ഇത്തിഹാദ് മുന്നോട്ടുവയ്ക്കുന്നുണ്ട്. ഇവര്‍ക്ക് ഭാവിയിലെ ടിക്കറ്റ് ബുക്കിംഗിന് 25 ശതമാനം ഡിസ്‌കൗണ്ട് അനുവദിക്കുന്ന കോഡും ഇവിടെ നിന്ന് ലഭിക്കും. ആ കോഡ് ഉപയോഗിച്ചാല്‍ പിന്നീടുള്ള യാത്രകളില്‍ ടിക്കറ്റ് നിരക്കിന്റെ നാലിലൊന്ന് ഇളവ് ലഭിക്കും. ഇക്കോണമി, ബിസിനസ്, ഫസ്റ്റ് ക്ലാസ്സ് ടിക്കറ്റുകള്‍ക്കും ഈ ഓഫറുകള്‍ ലഭ്യമാകുമെന്ന് ഇത്തിഹാദ് എയര്‍വെയ്‌സിന്റെ ബ്രാന്റ് മാര്‍ക്കറ്റിംഗ് ആന്റ് സ്‌പോണ്‍സര്‍ഷിപ്പ് വൈസ് പ്രസിഡന്റ് ആമിന താഹിര്‍ അറിയിച്ചു.
ഇളവുകള്‍ ദുബായിലേക്കുള്ള യാത്രക്കാരെ ലക്ഷ്യമിട്ട്
അബൂദാബി കേന്ദ്രമായി പ്രവര്‍ത്തിക്കുന്ന ഇത്തിഹാദ് എയര്‍വെയ്‌സിലേക്ക് ദുബായില്‍ നിന്നുള്ള യാത്രക്കാരെ ആകര്‍ഷിക്കുകയെന്ന ലക്ഷ്യത്തിന്റെ ഭാഗമായാണ് പുതിയ പോപ് അപ് സ്റ്റാന്‍ഡ് ഓഫറുമായി വിമാന കമ്പനി രംഗത്തെത്തിയിരിക്കുന്നത്. അബൂദാബിയിലേക്ക് വിദേശത്തു നിന്നെത്തുന്ന വാക്‌സിന്‍ സ്വീകരിച്ച യാത്രക്കാര്‍ക്ക് ക്വാറന്റൈന്‍ ഇളവ് നല്‍കാനുള്ള തീരുമാനത്തിന്റെ പശ്ചാത്തലത്തില്‍ ആളുകളെ കൂടുതലായി യാത്ര ചെയ്യാന്‍ പ്രോല്‍സാഹിപ്പിക്കുകയാണ് ഓഫറിലൂടെ ലക്ഷ്യമിടുന്നതെന്നും ആമിന താഹിര്‍ അറിയിച്ചു. അബുദാബിയില്‍ നിന്ന് ഇത്തിഹാദ് വിമാനത്തില്‍ യാത്ര ചെയ്യുകയെന്നത് ദുബായ് നിവാസികള്‍ക്കും ഏറെ എളുപ്പമാണെന്ന് ബോധ്യപ്പെടുത്തുന്നതിനു വേണ്ടിയാണ് മാള്‍ എമിറേറ്റില്‍ തന്നെ ഇത്തരമൊരു ഓഫര്‍ അവതരിപ്പിച്ചതെന്നും അവര്‍ പറഞ്ഞു. ദുബായില്‍ നിന്ന് അബൂദാബി ഇന്റര്‍നാഷനല്‍ എയര്‍പോര്‍ട്ടിലേക്കും തിരിച്ചും സൗജന്യ വാഹന സര്‍വീസ് ഉണ്ടായിരിക്കുന്നതാണെന്നും ഇത് യാത്ര കൂടുതല്‍ അനായാസമാക്കുമെന്നും അവര്‍ വ്യക്തമാക്കി.
10 കിലോ അധിക ബാഗേജ് ഓഫറുമായി എയര്‍ ഇന്ത്യ
അതിനിടെ, ദുബായില്‍ നിന്നുള്ള യാത്രക്കാര്‍ക്ക് അധിക ബാഗേജ് ഓഫറുമായി എയര്‍ ഇന്ത്യ രംഗത്തെത്തി. ദുബായില്‍ നിന്ന് കൊച്ചി, തിരുവനന്തപുരം, ചെന്നൈ എന്നിവിടങ്ങളിലേക്കുള്ള എയര്‍ ഇന്ത്യ വിമാനങ്ങളില്‍ ഒക്ടോബര്‍ 31 വരെ യാത്ര ചെയ്യുന്നവര്‍ക്ക് 10 കിലോ ഗ്രാം അധിക ബാഗേജ് കൊണ്ടുപോകാമെന്നാണ് ഓഫര്‍. ഇതു പ്രകാരം ഇക്കണോമി ക്ലാസില്‍ 40 കിലോ വരെയും ബിസിനസ് ക്ലാസില്‍ 50 കിലോ വരെയും കൊണ്ടുപോകാം. നേരത്തെ ഇത് യഥാക്രമം 30, 40 കിലോഗ്രാമായിരുന്നു. 310 ദിര്‍ഹം മുതലാണ് ഈ റൂട്ടുകളിലെ ടിക്കറ്റ് നിരക്ക്. യുഎഇലേക്കുള്ള യാത്രാ നിയന്ത്രണങ്ങളില്‍ ഇളവുകള്‍ പ്രഖ്യാപിക്കപ്പെട്ട സാഹചര്യങ്ങളില്‍ കൂടുതല്‍ യാത്രക്കാരെ ആകര്‍ഷിക്കാനുള്ള ശ്രമത്തിലാണ് വിമാനക്കമ്പനികള്‍.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : etihad airways announces 50 percentage off on tickets at popup stand in dubai
Malayalam News from malayalam.samayam.com, TIL Network
