Sumayya P | Lipi | Updated: Sep 17, 2021, 4:49 PM
ബുസ്റ്റര്‍ ഡോസ് വാക്സിന് അര്‍ഹരായ എല്ലാ ആളുകളും എത്രയും ഡോസ് സ്വീകരിച്ച് പ്രതിരോധ ശേഷി വര്‍ധിപ്പിക്കണം എന്നാണ് അധികൃതര്‍ പറയുന്നത്.
ഹൈലൈറ്റ്:
- ഡിസംബര്‍ 23ന് ദേശീയ കൊവിഡ് വാക്സിനേഷന് ക്യാംപയിന് തുടക്കമിട്ടു
- കിട്ടുന്ന അപ്പോയിന്റ്മന്റിന് അനുസൃതമായാണ് ബൂസ്റ്റര്‍ ഡോസ് സ്വീകരിക്കാന്‍ വരേണ്ടത്
ദോഹ: കൊവിഡ് വാക്സിനേഷന് ക്യാമ്പയിന്റെ ആദ്യഘട്ടം ഏറെക്കുറെ പൂര്‍ത്തീകരണത്തോട് അടുത്ത സാഹചര്യത്തില്‍ ഖത്തറില്‍ ബൂസ്റ്റര്‍ ഡോസ് വിതരണം തുടങ്ങി. സ്വദേശികളും പ്രവാസികളും ഉള്‍പ്പെടെ രണ്ടാമത്തെ ഡോസെടുത്ത് എട്ടുമാസം പിന്നിട്ടവര്‍ക്കാണ് ബൂസ്റ്റര്‍ ഡോസായി മൂന്നാം ഡോസ് വാക്സിന് നല്‍കുന്നത്. നേരത്തേ ഏത് വാക്സിന് എടുത്തവരാണെങ്കിലും ബൂസ്റ്റര്‍ ഡോസായി ഫൈസര്‍, മൊഡേണ വാക്‌സിനുകളാണ് വിതരണം ചെയ്യുന്നതെന്ന് ആരോഗ്യ മന്ത്രാലയം അറിയിച്ചു.
ഖത്തര്‍ സര്‍വകലാശാല മുന്‍ പ്രസിഡന്റ് ഡോ. അബ്ദുല്ല അല്‍ ഖുബൈസിക്ക് ആദ്യ ബൂസ്റ്റര്‍ ഡോസ് നല്‍കിയാണ് ഇതിന്റെ ഉദ്ഘാടനം നിര്‍വഹിച്ചത്. മദീന ഖലീഫ ഹെല്‍ത്ത് സെന്ററിലാണ് ബൂസ്റ്റര്‍ ഡോസ് വിതരണത്തിന് തുടക്കമിട്ടത്. രാജ്യത്ത് കഴിഞ്ഞ വര്‍ഷം ഡിസംബര്‍ 23ന് ദേശീയ കൊവിഡ് വാക്സിനേഷന് ക്യാംപയിന് തുടക്കമിട്ടപ്പോള്‍ ഫൈസര്‍-ബയോടെക് വാക്‌സിന്റെ ആദ്യ ഡോസ് സ്വീകരിച്ചതും ഇദ്ദേഹമായിരുന്നു. അര്‍ഹരായ മുഴുവന്‍ ആളുകളും എത്രയും വേഗം ബൂസ്റ്റര്‍ ഡോസ് സ്വീകരിച്ച് പ്രതിരോധ ശേഷി വര്‍ധിപ്പിക്കണമെന്ന് അദ്ദേഹം ആഹ്വാനം ചെയ്തു.
Also Read: 
മിഡിലീസ്റ്റിലെ ഐടി ഹബ്ബാവാന്‍ കുവൈറ്റ്; ഡാറ്റാ സെന്റര്‍ തുടങ്ങാന്‍ ഗൂഗിളുമായി കരാര്‍
65 വയസിന് മുകളിലുള്ളവര്‍, കൊവിഡ് ഗുരുതരമായ ആരോഗ്യ പ്രശ്‌നങ്ങള്‍ സൃഷ്ടിക്കാന്‍ സാധ്യതയുള്ളവര്‍, വിട്ടുമാറാത്ത രോഗങ്ങളുള്ളവര്‍, പ്രതിരോധ ശേഷി കുറഞ്ഞവര്‍, മുന്‍നിര ആരോഗ്യപ്രവര്‍ത്തകര്‍, മറ്റ് കൊവിഡ് പ്രതിരോധ മേഖലകളില്‍ പ്രവര്‍ത്തിക്കുന്നവര്‍ എന്നിവര്‍ക്കാണ് ബൂസ്റ്റര്‍ ഡോസില്‍ മുന്‍ഗണന നല്‍കുക. ബൂസ്റ്റര്‍ ഡോസിന് അര്‍ഹമായവരെ പ്രൈമറി ഹെല്‍ത്ത് കെയര്‍ കോര്‍പറേഷന്‍ അധികൃതര്‍ നേരിട്ട് ബന്ധപ്പെടും. അധികൃതര്‍ നല്‍കുന്ന അപ്പോയിന്റ്മന്റിന് അനുസൃതമായാണ് ബൂസ്റ്റര്‍ ഡോസ് സ്വീകരിക്കാന്‍ എത്തേണ്ടത്. എല്ലാ ദിവസവും രാവിലെ ഏഴു മണി മുതല്‍ രാത്രി 10.30 വരെ മദീന ഖലീഫ ഹെല്‍ത്ത് സെന്ററില്‍ ബൂസ്റ്റര്‍ ഡോസ് വിതരണം ഉണ്ടായിരിക്കും. യോഗ്യമായവരില്‍ അധികൃതരുടെ അറിയിപ്പ് ലഭിക്കാത്തവരുണ്ടെങ്കില്‍ 4027 7077 എന്ന നമ്പറില്‍ വിളിച്ച് അപ്പോയിന്റ്‌മെന്റ് എടുക്കാമെന്നും പ്രൈമറി ഹെല്‍ത്ത് കെയര്‍ കോര്‍പറേഷന്‍ അധികൃതര്‍ അറിയിച്ചു.
അതേസമയം, ഈ മാസം 21 മുതൽ 27 വരെ ന്യൂയോർക്കിൽ നടക്കുന്ന യുഎൻ ജനറൽ അസംബ്ലിയില്‍ ഖത്തർ അമീർ ഷെയ്ഖ് തമീം ബിൻ ഹമദ് അൽതാനി പങ്കെടുക്കും. യുഎൻ ജനറൽ അസംബ്ലിയുടെ 76-ാമത് സെഷന്‍ ആണ് നടക്കുന്നത്. യുഎൻ ആസ്ഥാനത്ത് ആണ് പരിപാടി നടക്കുന്നത്. ജനറൽ അസംബ്ലിയുടെ ഉദ്ഘാടന സെഷനിൽ ഖത്തർ അമീർ ഷെയ്ഖ് തമീം ബിൻ ഹമദ് അൽതാനി പ്രസംഗിക്കും. അമീറിനൊപ്പം ഔദ്യോഗിക പ്രതിനിധി സംഘവും അസംബ്ലിയിൽ പങ്കെടുക്കും. കഴിഞ്ഞ തവണ ലോകത്ത് കൊവിഡ് വ്യാപിച്ച പശ്ചാതലത്തില്‍ വെർച്വൽ സമ്മേളനമായിരുന്നു നടന്നത്. ഖത്തറും ഇൻറർനാഷനൽ പീസ് ഇൻസ്റ്റിറ്റ്യൂട്ടും തമ്മിൽ പങ്കാളിത്തകരാറിൽ ഒപ്പുവെച്ചു.ന്യൂയോർക്കിലെ ഐക്യരാഷ്ട്രസഭ ആസ്ഥാനത്ത് നടന്ന ചടങ്ങില്‍ ആണ് ഐക്യരാഷ്ട്രസഭയിലെ സ്ഥിരം പ്രതിനിധി ശൈഖ അൽയാ അഹ്മദ് ബിൻത് സൈഫ് ആൽഥാനി കരാറില്‍ ഒപ്പുവെച്ചത്.
ഇന്ത്യന്‍ പ്രധാനമന്ത്രിമാരില്‍ മോദിക്ക് മാത്രമുള്ള പ്രത്യേകതകള്‍…
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : qatar launches procedures booster dose vaccine for people at high risk
Malayalam News from malayalam.samayam.com, TIL Network
