പീഡനം ചെറുത്ത 60കാരിയെ കൊന്ന് മൃതദേഹത്തെ ബലാത്സംഗം ചെയ്തു

ജെയ്പൂര്‍: പീഡനശ്രമം ചെറുത്ത വയോധികയെ കൊന്ന് മൃതദേഹത്തെ ബലാത്സംഗം ചെയ്തു. രാജസ്ഥാനിലെ ഹനുമാൻഗര്‍ഹിലാണ് ദാരുണമായ സംഭവമുണ്ടായിരിക്കുന്നത്.



പിലിബങ്ക എന്ന നഗരത്തിലെ 19 കാരനാണ് കേസിലെ പ്രതി. 60 കാരിയായ സ്ത്രീയോടാണ് ക്രൂരത കാണിച്ചത്. ആദ്യം ബലാത്സംഗം ചെയ്യാൻ ശ്രമിച്ചെങ്കിലും അതിനെ ചെറുക്കുകയായിരുന്നു.

Also Read : തെരഞ്ഞെടുപ്പ് ഫണ്ട് എവിടെയെന്ന് സിപിഐ; കോൺഗ്രസിൽ ചേരുമോ കനയ്യ? അനുനയിപ്പിക്കാൻ പാർട്ടി

സ്ത്രീയുടെ ബന്ധു നൽകിയ പരാതിയിലാണ് പോലീസ് കേസെടുത്തിരിക്കുന്നത്. കൊല്ലപ്പെട്ട സ്ത്രീയുടെ ഭര്‍ത്താവ് മൂന്ന് വര്‍ഷം മുൻപ് മരിച്ചിരുന്നു. തുടര്‍ന്ന് ഇവര്‍ ഒറ്റക്കായിരുന്നു താമസിച്ചിരുന്നത്.

സെപ്റ്റംബര്‍ 15 ബുധനാഴ്ച രാത്രി 10.30 ഓടെയാണ് സംഭവമുണ്ടായത്. ഇവിടെ വച്ച് പ്രതിയായ സുരേന്ദ്ര കുമാര്‍ വീട്ടിലേക്ക് എത്തുകയും സ്ത്രീയെ കയറി പിടിക്കുകയും ചെയ്തു.

Also Read : ‘ഗ്രൂപ്പ് പോര് മറയ്ക്കാൻ മെക്കിട്ട് കയറുന്നു’; സിപിഐയെ വീണ്ടും വിമര്‍ശിച്ച് കേരളാ കോൺഗ്രസ് എം

പോലീസിനെ വിളിക്കുമെന്ന് പറഞ്ഞ ഭീഷണിപ്പെടുത്തിയപ്പോള്‍ യുവാവ് സ്ത്രീയുടെ മൊബൈൽ ഫോണും തട്ടിയെടുത്ത് ഓടുകയായിരുന്നു. ഫോൺ തിരികെ ലഭിക്കണമെന്ന് സ്ത്രീ ആവശ്യപ്പെടുകയും ചെയ്തു.

പിന്നീട്, തൊട്ടടുത്ത ദിവസം തന്നെ ഫോൺ തിരികെ നൽകുമെന്ന് ഉറപ്പ് നൽകുകയും ചെയ്തു. രാത്രി വൈകിയിരുന്നതിനാൽ തന്റെ വീട്ടിൽ തുടരാനും യുവാവ് ആവശ്യപ്പെട്ടു. എന്നാൽ, കന്നുകാലികളെ പരിപാലിക്കാൻ ഉണ്ടെന്ന് പറഞ്ഞ് അവർ മടങ്ങുകയായിരുന്നു.

Also Read : വനിതാ മന്ത്രാലയത്തിൽ സ്ത്രീകള്‍ വേണ്ടെന്ന് താലിബാൻ; പ്രതിഷേധത്തിന് ഒരുങ്ങി ഉദ്യോഗസ്ഥര്‍

പുലര്‍ച്ചെ ഒരു മണിയോടെ കുമാർ സ്ത്രീയെ കഴുത്ത് ഞെരിച്ച് കൊലപ്പെടുത്തിയെന്ന് വെളിപ്പെടുത്തി. പിന്നീട്, പുലര്‍ച്ചെയോടെയാണ് സ്ത്രീ മരിച്ച നിലയിൽ കണ്ടെത്തിയത്. മൃതദേഹം കട്ടിലിൽ കിടക്കുന്ന നിലയിലായിരുന്നു.

ബലാത്സംഗം ചെയ്യാനുള്ള ഉദ്ദേശ്യത്തോടെയാണ് സ്ത്രീയുടെ വീട്ടിൽ കുമാർ പ്രവേശിച്ചതെന്ന് പരാതിക്കാരൻ ആരോപിച്ചു.

Also Read : 18 വർഷത്തെ പ്രണയസാഫല്യം; പുരുഷസുഹൃത്തിനെ വിവാഹം കഴിച്ചു ഗവര്‍ണര്‍

മരണത്തിന് മുൻപ് സ്ത്രീയ്ക്ക് നേരെ ബലാത്സംഗശ്രമം നടന്നിരുന്നുവെന്നും പിന്നീട് അവർ അത് പ്രതിരോധിച്ചുവെന്നാണ് പോലീസ് പറയുന്നത്. ഇന്ത്യൻ ശിക്ഷാ നിയമത്തിലെ പ്രസക്തമായ വകുപ്പുകൾ പ്രകാരം പോലീസ് ബലാത്സംഗത്തിനും കൊലപാതകത്തിനുമടക്കം കുമാറിനെതിരെ കേസ് രജിസ്റ്റർ ചെയ്തിട്ടുണ്ട്.