Sumayya P | Lipi | Updated: Sep 18, 2021, 4:00 PM
സൗദി അറേബ്യയിലെ റെഡ് സീ വിനോദ സഞ്ചാര കേന്ദ്രത്തില്‍ ഇന്നലെയായിരുന്നു കൂടിക്കാഴ്ച.
ഹൈലൈറ്റ്:
- വ്യാപാര വാണിജ്യ സഹകരണം കൂടുതല്‍ ശക്തിപ്പെടുത്തുന്നതിന്റെ ഭാഗമായായിരുന്നു കൂടിക്കാഴ്ച
- ഖത്തര്‍ അമീര്‍ ഒന്നിലേറെ തവണ സൗദി സന്ദര്‍ശിച്ചു
ഒഴിവു സമയം ആഘോഷിക്കുന്ന വസ്ത്രത്തിലുള്ള മൂന്നു പേരുടെയും ചിത്രം സൗദി കിരീടാവകാശിയുടെ പ്രൈവറ്റ് ഓഫീസ് ഡയരക്ടര്‍ ബദര്‍ അല്‍ അസാകിര്‍ ട്വിറ്ററില്‍ പങ്കുവച്ചു. റെഡ് സീയില്‍ ഒരു സൗഹൃദ ഒത്തുചേരല്‍ എന്ന അടിക്കുറിപ്പോടെയായിരുന്നു ഫോട്ടോ പോസ്റ്റ് ചെയ്തത്. രണ്ടാഴ്ച മുമ്പ് ഖത്തര്‍ സന്ദര്‍ശിച്ച യുഎഇ ദേശീയ സുരക്ഷാ ഉപദേഷ്ടാവിന്റെ നേതൃത്വത്തിലുള്ള പ്രതിനിധി സംഘവുമായി ഖത്തര്‍ അമീര്‍ കൂടിക്കാഴ്ച നടത്തിയിരുന്നു. ഇരു രാജ്യങ്ങളും തമ്മിലുള്ള വ്യാപാര-വാണിജ്യ സഹകരണം കൂടുതല്‍ ശക്തിപ്പെടുത്തുന്നതിന്റെ ഭാഗമായായിരുന്നു കൂടിക്കാഴ്ച.
Also Read: 
ഫ്രീക്ക് ലുക്കില്‍ ഖത്തര്‍ അമീറും സൗദി കിരീടാവകാശിയും; ഫോട്ടോ വൈറല്‍
സൗദിയുടെ നേതൃത്വത്തില്‍ യുഎഇ, ബഹ്‌റൈന്‍, ഈജിപ്ത് എന്നീ രാജ്യങ്ങള്‍ ചേര്‍ന്ന ഖത്തറിനെതിരേ പ്രഖ്യാപിച്ച ഉപരോധം മൂന്നര വര്‍ഷത്തിനു ശേഷം 2021 ജനുവരിയില്‍ പിന്‍വലിക്കപ്പെട്ടിരുന്നുവെങ്കിലും യുഎഇയുമായുള്ള ബന്ധം പഴയ രീതിയിലേക്ക് തിരിച്ചുവന്നിരുന്നില്ല. അതേസമയം, ഖത്തര്‍ അമീര്‍ ഒന്നിലേറെ തവണ സൗദി സന്ദര്‍ശിക്കുകയും സൗദി പ്രതിനിധി സംഘങ്ങള്‍ നിരവധി തവണ ഖത്തറിലെത്തുകയും ചെയ്തിരുന്നു. ഖത്തറുമായി കൂടുതല്‍ അടുക്കാനുള്ള ശ്രമത്തിന്റെ ഭാഗമായിരുന്നു യുഎഇ സുരക്ഷാ ഉപദേഷ്ടാവിന്റെ നേതൃത്വത്തിലുള്ള സംഘം ഖത്തറിലെത്തിയത്. അതിന്റെ തുടര്‍ച്ചയായാണ് മൂന്നു പേരുടെയും ഒത്തുചേരലിനെ നിരീക്ഷകര്‍ നോക്കിക്കാണുന്നത്.
Also Read: 
കുവൈറ്റ്: താലിബാനില്‍ ചേരുമെന്ന ഭീഷണിയുമായി വീടുവിട്ടിറങ്ങിയ പാക് പെണ്‍കുട്ടി അറസ്റ്റില്‍
അഫ്ഗാനിലേക്ക് വീണ്ടും സഹായമെത്തിക്കുകയാണ് ഖത്തര്‍. 20 ടൺ ഭക്ഷ്യവസ്തുക്കളുമായാണ് ഖത്തര്‍ അമീരിന്‍റെ ആറാമത്തെ വിമാനം കഴിഞ്ഞ ദിവസം പറന്നിറങ്ങിയത്. ഖത്തർ ഫണ്ട് ഫോർ ഡെവലപ്മെൻറ് ഖത്തർ ചാരിറ്റി എന്നിവയുടെ നേതൃത്വത്തിലാണ് ഹാമിദ് കർസായി രാജ്യാന്തര വിമാനത്താവളത്തിൽ ഖത്തര്‍ സഹായം എത്തിക്കുന്നത്. അഫ്ഗാനിനു വേണ്ടി ആദ്യം സഹായം എത്തിക്കാന്‍ ആരംഭിച്ചത് ഖത്തര്‍ ആയിരുന്നു. 138 ടൺ സാധനങ്ങള്‍ ഇപ്പോള്‍ തന്നെ ഖത്തര്‍ അഫ്ഗാനിസ്ഥാനില്‍ എത്തിച്ച് കഴിഞ്ഞു.
ഖത്തറില്‍ ഒരോ ദിവസവും കൊവിഡ് കേസുകള്‍ കുറവാണ്. കേസുകള്‍ കുറവാണെങ്കിലും ശക്തമായ കൊവിഡ് നിയന്ത്രണങ്ങല്‍ ആണ് ഖത്തറില്‍ ഇപ്പോഴും ഉള്ളത്. കൊവിഡ് നിയന്ത്രണങ്ങളും ചട്ടങ്ങളും പാലിക്കാത്ത നിരവധി പേര്‍ക്കെതിരെ കര്‍ശന നടപടികള്‍ ആണ് ഉള്ളത്. പൊതുസ്ഥലങ്ങളിൽ മാസ്ക് ധരിക്കാതിരുന്നതിന് 113 പേരെയാണ് ഇതുവരെ പിടിക്കൂടിയത്. തുടര്‍ നടപടികള്‍ക്കായി ഇവരെ
പ്രോസിക്യൂഷനു കൈമാറി. വാക്സിന്‍ സ്വീകരിച്ചവര്‍ ആണെങ്കിലും മാസ്ക് ധരിക്കണം സാമൂഹിക അകലം പാലിക്കണം. ഇത്തരം നിര്‍ദ്ദേശങ്ങള്‍ പാലിക്കാത്തവര്‍ക്കെതിരെ ശക്തമായ നിയന്ത്രങ്ങള്‍ ആണ് ഏര്‍പ്പെടുത്തിയിരിക്കുന്നത്. പൊതുസ്ഥലങ്ങളിലും വാണിജ്യ-വ്യാപാര കേന്ദ്രങ്ങളിലും ശക്തമായ പരിശോധനകള്‍ ഉണ്ടായിരിക്കും.
ശബരിമലയിലും മോദിക്കായി വഴിപാടുകൾ
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : qatar emir visits saudi arabia
Malayalam News from malayalam.samayam.com, TIL Network
