ഭർത്താവ് ലൈംഗികബന്ധം നിർത്തി; സെക്സ് ആവശ്യപ്പെട്ടാൽ മർദ്ദനം; പരാതിയുമായി യുവതി

അഹമ്മദാബാദ്: ഭർത്താവ് ലൈംഗിക ബന്ധത്തിന് തയ്യാറാകാത്തത് ചോദ്യം ചെയ്തപ്പോൾ ക്രൂരമായി മർദ്ദിച്ചെന്ന് യുവതി. ഗുജറത്തിലെ അഹമ്മദാബാദിലാണ് സംഭവം. ലൈംഗിക ബന്ധത്തിന് ആവശ്യപ്പെടുമ്പോഴെല്ലാം ഭർത്താവ് ക്രൂരമായി മർദ്ദിക്കുന്നെന്നാണ് യുവതി പറയുന്നതെന്ന് ഇംഗ്ലീഷ് വാർത്താ ചാനലായ ടൈംസ് നൗവാണ് റിപ്പോർട്ട് ചെയ്തത്.



ഈ വർഷം ഫെബ്രുവരി 27നാണ് യുവതിയുടെ വിവാഹം നടന്നത്. വിവാഹത്തിന് ശേഷം ഭർത്താവും ബന്ധുക്കളും സ്ത്രീധനം ആവശ്യപ്പെട്ട് തന്നെ ഉപദ്രവിക്കാൻ തുടങ്ങിയതായും യുവതിയുടെ പരാതിയിലുണ്ട്.

Also Read : കേരളത്തിൽ ഭാര്യയും കുട്ടികളും, വിവാഹ തട്ടിപ്പ് നടത്തി പീഡിപ്പിച്ചത് 15 യുവതികളെ; മലയാളി യുവാവ് അറസ്റ്റിൽ



വിവാഹം കഴിഞ്ഞ് പത്ത് ദിവസം ഭർത്താവുമായി ലൈംഗിക ബന്ധത്തിൽ ഏർപ്പെട്ടുവെന്നും എന്നാൽ അതിനു ശേഷം ഭർത്താവ് ഇത് നിർത്തുകയായിരുന്നെന്നുമാണ് യുവതി പറയുന്നത്. പിന്നീട് അന്യരോടെന്ന പോലെയാണ് ഇയാൾ തന്നോട് പെരുമാറിയതെന്നും അവർ ആരോപിക്കുന്നു.

‘ഭർത്താവ് ഞാനുമായി ലൈംഗിക ബന്ധത്തിൽ ഏർപ്പെടുന്നത് അവസാനിപ്പിക്കുകയായിരുന്നു. കിടപ്പറയിൽ തങ്ങൾ ഒരുമിച്ച് ഉണ്ടാകുന്ന സമയത്തെല്ലാം അന്യനെ പോലെയാണ് എന്നോട് പെരുമാറിയത്. ഞാൻ സെക്സിന് ആവശ്യപ്പെട്ടപ്പോൾ എന്നെ ക്രൂരമായി മർദ്ദിക്കുകയും, കിടപ്പറയിൽ എന്നെ തനിച്ചാക്കി പോവുകയും ചെയ്തു’ യുവതി പറയുന്നു.

Also Read : ‘യുവാവിൻ്റെ സ്വകാര്യഭാഗങ്ങൾ കീറി മുറിച്ചു’; കമിതാക്കളെ കൊന്ന് മൃതദേഹം രണ്ട് സംസ്ഥാനങ്ങളിൽ ഉപേക്ഷിച്ചു



ഭർത്താവിന് തന്‍റെ രൂപം ഇഷ്ടമായില്ലെന്നും മറ്റൊരു സ്ത്രീയുമായി ലൈംഗിക ബന്ധത്തിൽ ഏർപ്പെടാൻ ആഗ്രഹിക്കുന്നെന്ന് പറഞ്ഞതായും യുവതി ആരോപിക്കുന്നുണ്ട്. ഭർത്താവിന്‍റെയും വീട്ടുകാരുടെയും പെരുമാറ്റം സഹിക്കവയ്യാതെ, ഓഗസ്റ്റ് ഒന്നിന് യുവതി ഈ വീട് വിട്ടുപോയി. എന്നാൽ പിന്നീട് യുവതിയുടെ വീട്ടുകാരും ഭർത്താവിന്‍റെ വീട്ടുകാരും തമ്മിൽ നടത്തിയ ഒത്തുതീർപ്പ് ചർച്ചയ്ക്കൊടുവിൽ യുവതി ഭർത്താവിന്‍റെ വീട്ടിലേക്ക് മടങ്ങിയെത്തുകയും ചെയ്തു.

മോശമായ പെരുമാറ്റം ഉണ്ടാകില്ലെന്ന് ഭർതൃവീട്ടുകാർ ഉറപ്പുനൽകിയതിനെത്തുടർന്നായിരുന്നു യുവതി തിരിച്ച് എത്തിയത്. എന്നാൽ അധിക ദിവസം കഴിയുന്നതിന് മുമ്പ് വീട്ടുകാരും ഭർത്താവും വീണ്ടും ഉപദ്രവിക്കാൻ തുടങ്ങിയെന്നാണ് യുവതി പറയുന്നത്.

Also Read : ഘടകകക്ഷികൾ കെകെ രമയ്ക്ക് വോട്ട് മറിച്ചു; സിപിഎമ്മിന്‍റെ വോട്ടും ചോർന്നു; വടകര തോൽവിയിൽ എൽജെഡി



പിന്നീട് ഓഗസ്റ്റ് എട്ടിന് ഭർത്താവ് യുവതിയെ മാതാപിതാക്കളുടെ വീട്ടിൽ കൊണ്ട് വിട്ട ശേഷം മടങ്ങുകയും ചെയ്തു. ഇതോത്തുടർന്നാണ് ഗാർഹിക പീഡനത്തിന് പരാതിയുമായി യുവതി പോലീസിനെ സമീപിക്കുന്നത്.