ചോദിച്ചത് ശമ്പളം! കിട്ടിയത് ഒരു ബക്കറ്റ് നിറയെ നാണയങ്ങൾ, കാരണം

ശമ്പളം ചെക്കായും പണമായുമൊക്കെ നൽകുന്നത് സർവസാധാരണമാണ്. എന്നാൽ ഇവിടെയൊരാൾക്ക് പണം ലഭിച്ചത് ബക്കറ്റിൽ. ബക്കറ്റ് നിറയെ നാണയങ്ങൾ. ഭാരം 29.8 കിലോഗ്രാം. പറഞ്ഞു വരുന്നത് അങ്ങ് അയർലൻഡിലെ ഡുബ്ലിനിലെ ഒരു ഹോട്ടൽ ജീവനക്കാരൻ്റെ കാര്യമാണ്- പേര് കിയോഗ്.



ശമ്പളത്തിനായി ഹോട്ടൽ ഉടമയുടെ പിന്നാലെ നടന്നതിന് ശേഷം ഒടുവിൽ കിയോഗിന് ശമ്പളം കൊടുത്തു. കൊടുത്തതാകട്ടെ ഇങ്ങനെ ഒരു ബക്കറ്റിൽ. ട്വിറ്ററിൽ ഇക്കാര്യം പങ്കുവെച്ചപ്പോഴാണ് കൂടുതൽ പേർ ഇക്കാര്യം അറിഞ്ഞത്. ശമ്പളം ആവശ്യപ്പെട്ടുകൊണ്ട് ഉടമയ്ക്ക് അയച്ച വാട്സാപ്പ് മെസേജും അതിന് ലഭിച്ച മറുപടിയും സ്ക്രീൻ ഷോട്ട് എടുത്ത് പോസ്റ്റ് ചെയ്തിട്ടുണ്ട്. തൊട്ടു പിന്നാലെ ബക്കറ്റ് നിറയെ നാണയങ്ങളും അതിൻ്റെ ഭാരവും കാണുന്ന രീതിയിൽ ഒരു ചിത്രം പങ്കുവെച്ചു.

റം കുത്തിനിറച്ച ഗുലാബ് ജാമുൻ; എജ്ജാതി ടച്ചിങ്‌സ് എന്ന് സൈബർലോകം

സെപ്റ്റംബർ 9ന് കിയോഗ് ശമ്പളം ആവശ്യപ്പെട്ടു. ബാങ്ക് വിവരങ്ങൾ ഇല്ലാത്തതനിൽ പണമായി നേരിട്ട് നൽകിയാൽ മതിയോ എന്ന് ഉടമയുടെ ചോദ്യം. മതി, എന്നാൽ വേഗത്തിൽ വേണമെന്ന് മറുപടി കൊടുത്തു. ചൊവ്വാഴച്ച തന്നെ ശമ്പളം തരാമെന്ന് ഉറപ്പും ലഭിച്ചു. തൊട്ടടുത്ത ദിവസം കിയോഗിന് ഒരു സന്ദേശം വന്നു- നിങ്ങളുടെ ശമ്പളം തയ്യാറാണ്, മുൻ ഭാഗത്തെ വാതിലിന് സമീപം പോയി നോക്കൂ.

ഹൊറർ സിനിമകൾ ഇഷ്ടമാണോ? 13 സിനിമ കണ്ടാൽ 1 ലക്ഷം രൂപ പ്രതിഫലം

സംഗതി പുറംലോകം അറിഞ്ഞപ്പോൾ ഹോട്ടൽ ഉടമകൾക്കെതിരെ നിരവധി കോണുകളിൽ നിന്ന് വിമർശനങ്ങൾ ഉയർന്നു. ഒരു ജീവനക്കാരനോട് ഇത്തരത്തിൽ പെരുമാറുന്നത് നിർഭാഗ്യകരമായ കാര്യമെന്ന് പലരും അഭിപ്രായപ്പെട്ടു. ഇതേ ഹോട്ടലിലെത്തി ഭക്ഷണം കഴിച്ചതിന് ശേഷം ബിൽ അടയ്ക്കുന്ന വേളയിൽ ഇതുപോലെ ഒരു ബക്കറ്റിൽ കിലോക്കണക്കിന് നാണയങ്ങൾ കൌണ്ടറിൽ ഏൽപ്പിച്ച് മടങ്ങണമെന്ന് ഒരാൾ കമൻ്റ് ചെതു. എന്തായാലും ഹോട്ടൽ ജീവനക്കാരോടുള്ള ഇത്തരത്തിലുള്ള ഉടമകളുടെ ചെയ്തികൾ സോഷ്യൽ മീഡിയാ ലോകത്ത് ചർച്ചയായിരിക്കുകയാണ്