Jibin George | Samayam Malayalam | Updated: Sep 18, 2021, 6:47 PM
സംസ്ഥാനത്തെ ബാറുകളും തിയേറ്ററുകളും ഉടൻ തുറക്കേണ്ടതില്ലെന്ന് മുഖ്യമന്ത്രി പിണറായി വിജയൻ വിളിച്ച് ചേർത്ത കൊവിഡ് അവലോകന യോഗത്തിൽ തീരുമാനം ഉണ്ടായി. ബാർ ഹോട്ടലുകളിൽ ഇരുന്ന് മദ്യപിക്കാനുള്ള അനുമതിയില്ല
മുഖ്യമന്ത്രി പിണറായി വിജയൻ. Photo: TOI
ഹൈലൈറ്റ്:
- ബാറുകളും തിയേറ്ററുകളും ഉടൻ തുറക്കില്ല.
- ഹോട്ടലുകളിൽ ഇരുന്ന് കഴിക്കാനുള്ള അനുമതിയില്ല.
- തീരുമാനം കൊവിഡ് അവലോകന യോഗത്തിൽ.
കൊവിഡാനന്തര വിദ്യാഭ്യാസം: കുട്ടിയെ അടുത്തറിയാനുള്ള പദ്ധതികള്‍ ആസൂത്രണം ചെയ്യണമെന്ന് മുഖ്യമന്ത്രി
ഹോട്ടലുകളിൽ ഇരുന്ന് ഭക്ഷണം കഴിക്കാനുള്ള അനുമതി നൽകണമെന്ന ആവശ്യം ഉയർന്നിരുന്നു. ബാർ ഹോട്ടലുകളിൽ ഇരുന്ന് മദ്യപിക്കാനുള്ള അനുമതിയില്ല. പാഴ്സൽ സൗകര്യം മാത്രമാണ് അനുവദിക്കുക. ബാറുകൾ തുറക്കുന്ന കാര്യം പരിഗണിക്കണമെന്ന് ബാർ ഉടമകൾ രംഗത്തുവന്നെങ്കിലും ആവശ്യം ഇപ്പോൾ പരിഗണിക്കേണ്ടതില്ലെന്നാണ് സർക്കാർ തീരുമാനം.
പ്രതിവാര ഇൻഫെക്ഷൻ പോപുലേഷൻ റേഷ്യോ (ഡബ്ലുഐപിആർ) 10നു മുകളിലുള്ള തദ്ദേശ സ്ഥാപനങ്ങളിൽ കർശന നിയന്ത്രണം ഏർപ്പെടുത്തും. ജില്ലകളിൽ നിലവിൽ നടത്തുന്ന സമ്പർക്കാാന്വേഷണത്തിൻ്റെ മൂന്നോ നാലോ ഇരട്ടി ഇനി മുതൽ നടത്തനമെന്ന് മുഖ്യമന്ത്രി നിർദേശം നൽകി. ആർആർടികൾ, അയൽപക്ക സമിതികൾ എന്നിവരെ ഉപയോഗിച്ച് സമ്പർക്ക വിലക്ക് ഉറപ്പാക്കണം. രോഗലക്ഷണങ്ങൾ ഇല്ലാത്താവർ പരിശോധന നടത്തില്ലെന്ന് ഉറപ്പുവരുത്തണമെന്നും മുഖ്യമന്ത്രി പറഞ്ഞു.
അതേസമയം, സംസ്ഥാനത്ത് ഇന്ന് 19,325 പേര്‍ക്ക് കൊവിഡ് സ്ഥിരീകരിച്ചു. പ്രതിവാര ഇന്‍ഫെക്ഷന്‍ പോപ്പുലേഷന്‍ റേഷ്യോ (WIPR) എട്ടിന് മുകളിലുള്ള 678 തദ്ദേശ സ്വയംഭരണ പ്രദേശങ്ങളിലായി 2507 വാര്‍ഡുകളാണുള്ളത്. ഇവിടെ കര്‍ശന നിയന്ത്രണമുണ്ടാകും. സംസ്ഥാനത്തെ വിവിധ ജില്ലകളിലായി 5,28,083 പേരാണ് ഇപ്പോള്‍ നിരീക്ഷണത്തിലുള്ളത്. ഇവരില്‍ 5,02,189 പേര്‍ വീട്/ഇന്‍സ്റ്റിറ്റിയൂഷണല്‍ ക്വാറന്റൈനിലും 25,894 പേര്‍ ആശുപത്രികളിലും നിരീക്ഷണത്തിലാണ്. 1920 പേരെയാണ് പുതുതായി ആശുപത്രിയില്‍ പ്രവേശിപ്പിച്ചത്.
‘നിങ്ങളെ പേടിച്ച് ഓടിയൊളിക്കുന്നവളല്ല പത്മജ, ജസ്റ്റ് റിമംബർ ദാറ്റ്!’ ‘സൈബർ അക്രമി’കൾക്ക് മറുപടി
നിലവില്‍ 1,80,842 കൊവിഡ് കേസുകളില്‍, 13.2 ശതമാനം വ്യക്തികള്‍ മാത്രമാണ് ആശുപത്രി/ഫീല്‍ഡ് ആശുപത്രികളിലോ പ്രവേശിപ്പിക്കപ്പെട്ടിട്ടുള്ളത്. 1,80,842 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 42,83,963 പേര്‍ ഇതുവരെ കൊവിഡില്‍ നിന്നും മുക്തി നേടി. കഴിഞ്ഞ ദിവസങ്ങളിലുണ്ടായ 143 മരണങ്ങളാണ് കൊവിഡ് മൂലമാണെന്ന് ഇന്ന് സ്ഥിരീകരിച്ചത്. ഇതോടെ ആകെ മരണം 23,439 ആയി.
ജല പാതാ പദ്ധതി സർവ്വേ; പൊട്ടിത്തെറിച്ച് കണ്ണുർ കോർപറേഷൻ മേയർ
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : bars and cinema theaters will not open in kerala
Malayalam News from malayalam.samayam.com, TIL Network
