Gokul Murali | Samayam Malayalam | Updated: Sep 19, 2021, 12:48 PM
വിജയ് തന്റെ പേര് ഉപയോഗിച്ചതിന് മാതാപിതാക്കള്‍ക്കും വിഎംഐ (വിജയ് മക്കള്‍ ഇയക്കം) നേതാക്കള്‍ക്കുമെതിരെ മദ്രാസ് ഹൈക്കോടതിയെ സമീപിച്ചിരിക്കുകയാണ്. കേസ് മദ്രാസ് ഹൈക്കോടതി സെപ്റ്റംബര്‍ 27 മാറ്റിയിരിക്കുകയാണ്.
വിജയ്
ഹൈലൈറ്റ്:
- ഒക്ടോബര്‍ ആറ്, ഒമ്പത് തീയതികളിലാണ് തെരഞ്ഞെടുപ്പ്
- ഒമ്പത് ജില്ലകളിലെ ജില്ലാ പഞ്ചായത്ത്, പഞ്ചായത്ത് യൂണിയൻ, ഗ്രാമപ്പഞ്ചായത്ത് തെരഞ്ഞെടുപ്പുകളാണ് നടക്കുന്നത്
- തെരഞ്ഞെടുപ്പ് പ്രചരണങ്ങള്‍ക്ക് വിജയ് എത്തില്ല
Also Read : നാർക്കോട്ടിക് ജിഹാദിനു പുറമെ ‘ഈഴവ ഗൂഢ പദ്ധതികളും’; വിവാദ പരാമർശവുമായി ഫാ. റോയി കണ്ണൻചിറ
ഒക്ടോബര്‍ ആറ്, ഒമ്പത് തീയതികളില്‍ ഒമ്പത് ജില്ലകളിലെ ജില്ലാ പഞ്ചായത്ത്, പഞ്ചായത്ത് യൂണിയൻ, ഗ്രാമപ്പഞ്ചായത്ത് തെരഞ്ഞെടുപ്പുകളാണ് നടക്കുന്നത്. ഇതിൽ മത്സരിക്കാൻ അരാധകരുടെ സംഘടനയായ വിജയ് മക്കള്‍ ഇയക്കത്തിന് വിജയ് അനുമതി നൽകി. അതേസമയം, അംഗങ്ങള്‍ സ്വതന്ത്രരായിട്ടായിരിക്കും മത്സരിക്കുക.
അതേസമയം, തെരഞ്ഞെടുപ്പ് പ്രചരണങ്ങള്‍ക്ക് വിജയ് എത്തില്ലെന്നാണ് റിപ്പോര്‍ട്ട്. തന്റെ ചിത്രവും സംഘടനയുടെ കൊടിയും പ്രചരണത്തിന് ഉപയോഗിക്കാൻ വിജയ് സമ്മതിച്ചിട്ടുണ്ടെങ്കിലും അംഗങ്ങള്‍ സ്വന്തം നിലയിൽ എന്നവിധം മത്സരിക്കണമെന്നാണ് നിര്‍ദ്ദേശം.
Also Read : ബൂസ്റ്റര്‍ ഡോസ് അനാവശ്യമെന്ന് സൗദി വിദഗ്ധര്‍; ഒക്ടോബറോടെ വാക്‌സിനേഷന്‍ 70% ആക്കും
ഒരു രാഷ്ട്രീയ പാര്‍ട്ടിയുമായി സംഖ്യമുണ്ടാക്കില്ലെന്ന് തീരുമാനിച്ചിട്ടുണ്ട്. അതേസമയം, ആരാധകസംഘടനയിൽ നിന്നുള്ളവര്‍ മത്സരിക്കുന്നത് വിജയ്യുടെ രാഷ്ട്രീയ പ്രവേശനത്തിന് മുന്നോടിയാണെന്ന വാദം വിജയ് മക്കള്‍ ഇയക്കം നേതാക്കള്‍ ഇത് തള്ളി.
ആദ്യഘട്ടത്തിൽ 128 പേര് മത്സരിക്കുമെന്നാണ് റിപ്പോര്‍ട്ട്. വിജയ് മക്കള്‍ ഇയക്കം ജില്ലാ ഭാരവാഹികളുമായി സംഘടനാ ജനറൽ സെക്രട്ടറി ആനന്ദ് നടത്തിയ ചര്‍ച്ചയിലാണ് തെരഞ്ഞെടുപ്പിൽ മത്സരിക്കുന്നത് സംബന്ധിച്ച തീരുമാനമുണ്ടായത്.
നിയമസഭാ തെരഞ്ഞെടുപ്പിന് മുന്നോടിയായി വിജയ്യുടെ പേരിൽ അച്ഛൻ എസ് എ ചന്ദ്രശേഖര്‍ പുതിയ രാഷ്ട്രീയ പാര്‍ട്ടി രൂപവത്കരിക്കാൻ ശ്രമിച്ചെങ്കിലും വിജയ് ഇതിനെ തള്ളിയിരുന്നു. പാര്‍ട്ടി രജിസ്ട്രേഷനുള്ള നടപടികള്‍ വരെ ആരംഭിച്ചിരുന്നെങ്കിലും വിജയുടെ എതിര്‍പ്പിനെ തുടര്‍ന്ന് ചന്ദ്രശേഖറിന് ശ്രമത്തിൽ നിന്നും പിന്മാറേണ്ടിവന്നു.
Also Read : നിയമവിരുദ്ധ താമസക്കാര്‍ക്കായി വ്യാപക റെയിഡുകള്‍; സൗദിയില്‍ ഒരാഴ്ചയ്ക്കിടെ പിടിയിലായത് 16,466 പേര്
അതിനിടെ വിജയ് തന്റെ പേര് ഉപയോഗിച്ചതിന് മാതാപിതാക്കള്‍ക്കും വിഎംഐ (വിജയ് മക്കള്‍ ഇയക്കം) നേതാക്കള്‍ക്കുമെതിരെ മദ്രാസ് ഹൈക്കോടതിയെ സമീപിച്ചിരിക്കുകയാണ്. കേസ് മദ്രാസ് ഹൈക്കോടതി സെപ്റ്റംബര്‍ 27 മാറ്റിയിരിക്കുകയാണ്.
വിജയുടെ ബന്ധുവായ പത്മനാഭനാണ് അഖിലേന്ത്യാ കമാൻഡർ വിജയ് പീപ്പിൾ മൂവ്മെന്റ് ആരംഭിച്ചത്. പിതാവ് എസ് എ ചന്ദ്രശേഖറും അമ്മ ശോഭയുമാണ് പാർട്ടിയുടെ ട്രഷറർമാർ.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : vijay makkal iyakkam likely to contest tamil nadu local body elections
Malayalam News from malayalam.samayam.com, TIL Network
