നിരോധിത ലഹരിവസ്തുക്കളുമായി നിശാപാർട്ടി: മലയാളികളടക്കം 28 പേർ അറസ്റ്റിൽ

ജെഡിഎസ് നേതാവ് ശ്രീനിവാസിന്റെ ഉടമസ്ഥതയിലുള്ള അനേക്കൽ ഗ്രീൻ വാലി റിസോർട്ടിലായിരുന്നു ലഹരിപാർട്ടി. പരിശോധനയിൽ നിരോധിത ലഹരി മരുന്നുകള്‍ക്ക് പുറമെ, 14 ബൈക്കുകള്‍, ഏഴ് കാറുകള്‍ എന്നിവയും പിടിച്ചെടുത്തിട്ടുണ്ട്.

സംശയത്തിന്റെ പേരിൽ നടത്തിയ റെയ്ഡ് നടന്നത്. ഇതിൽ യുവാക്കള്‍ കുടുങ്ങുകയായിരുന്നു. ഒരു സംഗീത ഏജൻസിയുടെ പേരിലാണ് പാര്‍ട്ടി സംഘടിപ്പിച്ചത് എന്നാണ് റിപ്പോര്‍ട്ട്. ലഹരിമരുന്നുകള്‍ ഉഗ്രം എന്ന ആപ്പിലൂടെയാണ് ടിക്കറ്റ് വിറ്റത്.

Also Read : ബൂസ്റ്റര്‍ ഡോസ് അനാവശ്യമെന്ന് സൗദി വിദഗ്ധര്‍; ഒക്ടോബറോടെ വാക്‌സിനേഷന്‍ 70% ആക്കും

കേരളത്തിന് പുറമെ ഉത്തർപ്രദേശിൽ നിന്നുള്ള വിദ്യാർത്ഥികളും പാർട്ടിയിൽ പങ്കെടുത്തതായാണ് വിവരം. സമൂഹമാദ്ധ്യമങ്ങൾ വഴിയാണ് പാർട്ടിയിലേക്ക് ആളെ കൂട്ടിയത്. ഇതിനായി വൻ തുക വാങ്ങിയതായും പോലീസ് പറയുന്നു.

രണ്ട് ദിവസം മുൻപാണ് രണ്ട് കോടി രൂപയുടെ മയക്കുമരുന്ന് കണ്ടെത്തിയിരുന്നു. മയക്കുമരുന്ന് നിര്‍മ്മാണ യൂണിറ്റിൽ നിന്നുമാണ് ലഹരിമരുന്ന് കണ്ടെത്തിയിരിക്കുന്നത്. നിരോധിത മയക്കുമരുന്നായ എംഡഎംഎ അടക്കം നിര്‍മ്മിക്കാൻ ശേഷിയുള്ള ലബോറട്ടറി ബംഗളൂരു നഗരത്തിൽ നിന്നും മാറിയാണ് സ്ഥിതി ചെയ്തിരുന്നത്.

Also Read : നിയമവിരുദ്ധ താമസക്കാര്‍ക്കായി വ്യാപക റെയിഡുകള്‍; സൗദിയില്‍ ഒരാഴ്ചയ്ക്കിടെ പിടിയിലായത് 16,466 പേര്‍

ആദ്യമായാണ് ഒരു മയക്കുമരുന്ന് ഉൽപാദന യൂണിറ്റ് പരിശോധിക്കാൻ സാധിക്കുന്നത് എന്ന് ബെംഗളൂരു പോലീസ് വ്യക്തമാക്കിയിരുന്നു. ഒരു വൃദ്ധ ദമ്പതികളിൽ നിന്ന് വാടകയ്ക്ക് എടുത്ത വീട്ടിലാണ് ലാബ് പ്രവര്‍ത്തിച്ചിരുന്നത്.

കഴിഞ്ഞ ദിവസങ്ങളിൽ അറസ്റ്റിലായ ലഹരിമരുന്ന് കച്ചവടക്കാർക്ക് എത്തിയ മയക്കുമരുന്ന് പാഴ്സലുകളെക്കുറിച്ചുള്ള സൂചനകൾ പിന്തുടർന്നാണ് പോലീസ് ലാബ് കണ്ടെത്തിയത്. എംഡിഎംഎ ക്രിസ്റ്റലുകൾ നിർമ്മിക്കാൻ ഉപയോഗിക്കുന്ന രണ്ട് കോടിയിലധികം വിലമതിക്കുന്ന ഉപകരണങ്ങളും രാസവസ്തുക്കളും ലാബിൽ നിന്ന് പിടിച്ചെടുത്തതായി സിസിബി വ്യാഴാഴ്ച വ്യക്തമാക്കി. അതിന് പിന്നാലെയാണ് യുവാക്കളെ പോലീസ് അറസ്റ്റ് ചെയ്യുന്നത്.